1 SAMUEL 4:10 - Allah Wene Fano Wene Hupla Inane

¹⁰ A'nogo isukwasik, it ap Filistin mene a'nogo weim mondok aninirogo yafi logolik, ap tentara Israel mene mabenet fisasukwasik inoatukwa. A'nogo inoatukwama, ap Israel mene heise inawi tenda wurikwe lombok wagaukwa. Weim andi yafi logolik, ap tentara Israel mene mondok mabenet fisasukwasik, inebe mondok hokhorogo 30.000 nen inoatukwa.

1 SAMUEL 4:10 ပူးပေါင်းရင်းမြစ်များ

2 SAMUEL 18:17

A'nogo kamo isukwasik, at Absalom ebe warek a'nogo o leimo andoma kiling uan mene elema pelakfesukwasik, helep hokhondek meneba sibik-sebekhogo ambe hetokhogo helep som kololokhogo liakfesukwasik. Nen, it ap tentara Israel mene omanogo weim heise pikhit inailokwe lombok pugulhukwa.

2 SAMUEL 18:7

A'nogo yafi logolik, andi sambul at Daud agoromi tentara esa logalek omanogo nen he, tentara Israel mene omanogo mabenet fisasukwasik, inebe 20.000 nen mondok hokhorogoat inoatukwa.

2 SAMUEL 19:8

A'nogo yagatikhemo, at inoe raja a'nogo siakhogo menlagaikhesik he, leget pa'leget ambe palek oba era'lu wulibi wagaikhesik andoma welagaikhe. A'nogo hilingitikhemo, it ap ekhe nen he, ”At ebe andoma hurek werek,” iluk isukwama, agoromi tentara mene inesanggo holhukwasik he, at oba andogosi wagaukwa. A'nogo hilingitu kwelek, it ap tentara Israel mene omanogo inebe mondogat weim heise pikhit inailokwe lombok he'la lagaukwa.

2 SAMUEL 20:1

O kota Gilgal andoma re ap weagerogo fisikhi lagaikkhe mene ekhe enu re Seba welagaikhe. At andi ebere hun Bikri amlogo, at unggulenu Benyamin mene welagaikhe. A'nogo were'ma, at Daud ebe inanggilukhogo waluk wagunem, at Seba nen he trompet furogo anethikhi logolik ane hokhoba yi'nogo ikhi lagaikhe, ”Nit he at Daud ninom hundik welago lek a'nogo. Ninggi'nogoluk niren at murok logoin nogo? Hit afuni Israel mene yi sani, inaiba louwogo!” iluk ane humeti lagaikhe.

1RAJA-RAJA 12:16

At raja a'nogo inane holu abiren herakfisasikhe andi nen he, it inane hokhorogo mel isukwa: ”At Daud ebe inom, aren tagomangge mene inom, inebe nit ninoe raja logogun he, mondok ninabiro. Iren nit faget yi mene ti mene hilingnisikhi lagaikha nogo? Mondok lego. Andi nen he, at Rehabeam onggwarek faget hilingirikhi logouwagen he, hit ap Israel mene yi sani! Ninambotkwe louwogen he, we'ni o,” iluk isukwasik inambotkwe inaiba lagaukwa.

1RAJA-RAJA 22:36

A'nogo wa'lagaikhemo re, it Israel mene inoe raja a'nogo arat watukwa andi nen he, agoromi tentara omanogo re, inailokwe inebe werek lombok o sili endep kwe lagik, hokhokwe lagik puguluageluk yagaisasukwama re, pugulhukwa.

2 RAJA-RAJA 14:12

Weim yabi lagaikhemo nen he, it tentara Yehuda mene re inomame lek agaukwasik it sikhe fisogo mene omanogo mondogat inawi lombok pugulhukwa.

2 TAWARIKH 13:17

Hun Abia inom agoromi sikhe fisogo mene inom omanogo nen he, it Israel mene inebikhit he mondok hokhorogo inoatukwama it Israel inap ap sikhe fisogo mene mondok fini fano mene nek inebe 500.000 nen wa'lagaukwa.

2 TAWARIKH 25:22

Weim yafi logolik he it tentara Yehuda mene omanogo re mabenet fisasukwama re it inebe inawi lombok linggi-longgo iwagaukwa.

MAZMUR 78:9

It inunggulenu Efraim mene inasikhe, inandok herap palogo fingfang welagaukwa inap a'nogo re, weim yafu sambul heise wulifukwa.

YEREMIA 7:12

Hit he o Silo kota attak An nen nobaget hilingiti logolik kabogetuba iluk wenagaisogo fesigiba a'nogo lani o. Laluk he it An nagainafuri Israel mene nen inaweak hilingiti lagaukwama An nen o andiba hilingfesigi aple andoma hineilenggen kumuthano.

IMAMAT 26:17

An nen hit wene hinoba foumo, ap hinaselei mene nen hit hinomame leget fuluk it hinabit anggikhi lagep mene nen hit sebelhinarek logogun. Ap mukhinarek wagu mene lek kwelek oba nen hinailo nek a'luk heise wulifi logogun.

ULANGAN 28:15

A'nogo yagaisasikhesik ekhe yagaisikhi logolik, ”Ariginik oba nen he, hiren hineisena Tuhan Allah ane hologo hilingiti'legengge, awene melalek inom, yi'nogo ti'nogo hilingi'no iluk yagahisikhe mene a'nogo inom tiphogo hilingiti'legengge hilingiti logogun halok he homan ugu mene hinoba asi waga logogin:

ULANGAN 28:25

Hiren At hineisena Tuhan Allah ane hologo hilingiti lagep lek halok he hit hinaselei mene nen hinomame leget hinobagakhi logogun. Nen hiren fanorogo hinebe eratfuluk weim yabi laga logogun oba nen wulifi logolik he hesangge nalek-falek wulifi logogun. Hit a'nogo hilingitunem weak mene hinoba nek aga logogin mene andi faget, it afuni inunggulenu amu mene nen hit hinoba inamel-melhogo nek kwelakhisikhi logogun.

1 SAMUEL 3:11

A'nogo yagatikhemo, At nineisena Tuhan nen he, mel yagatikhe: ”An nen afuni Israel mene faget inailo mene ekhe hilingisigin o. A'nogo hilingitunem afuni inesanggo holugun mene inebe lombok inobakheindok palasugun.

1 SAMUEL 4:2

A'nogo wutukwasik, it ap tentara Filistin mene weim yabuogoluk isukwasik, weim mondok aninirogo yafi logolik, ap tentara Israel mene mabenet fisasukwasik, inebe 4.000 hangge inoatukwa.