1 SAMUEL 31:8 - Allah Wene Fano Wene Hupla Inane

⁸ A'nogo inoatukwasik nogo iluk ohealekkwe re, ap Filistin mene nen ap warek mene inangge helouwogeluk waga logolik, Saul ebe inom, againafuri inebe henagan aremnogo inom, o Gilboa tom oba andoma warek were'ma hasukwa.

1 SAMUEL 31:8 ပူးပေါင်းရင်းမြစ်များ

2 SAMUEL 1:20

It afuni Gat mene re wene andi inesanggo holinogo o, It afuni Askelon mene kwe endepkwe esanggokwe werek mene andoma Wene andi faget ineluet feinogo, Hemi Filistin mene inesanggo holimbik he, wonoget fakhanogo o. Allah ane inonggot mene nen, inanggiluk kwelagaisogo inagaiyek esinogo o.

2 SAMUEL 1:21

Hat tom Gilboa nen, an nane ikhi lagi mene yi hesanggo holin o: Meiso nen inom, henanggalugen inom hoasi wesi nogo. Heabukwe inom, hawi leikwe inom, mondogat iringisogo puk logouwak. O andoma re hun ilil-mulil en aselei mene inandok inoasi wesinogoluk ma'murogo laga lagaikhengge a'nogore andem salenggare'ma o. Nen hun Saul en tok ma'mungge a'nogo amusu warek le'ma ibeti logolik werek oba o.

1 TAWARIKH 10:8

Ohealekwe weirogo re it ap Filistin mene nen it Israel mene inebe warek omanogo helogoin iluk wagunemen he, at Saul inom amlogomi inebe henagan aremnogo inom o Gilboa tom oba andoma warek were'ma heraginafukwa.

2 TAWARIKH 20:25

A'nogo were'ma isasukwasik he, at Yosafat inom he at agoromi inomen he, it inaselei mene inasunggwe omanogo telogoin iluk lagaukwa. Lagaukwasik kwelakhasukwa re, wam inom, inangge fik-fouk eraluk nikharek engge inom, inasu labetu mene inom, inangge fano-fanongge fena omanogo inom were'ma hinatukwa. A'nogo hinatukwasik he iren he linggene henagan inukhogo sunggwe omanogo kabogeti lagaukwasik he, sunggwe fenakwe hokhorogo werek weregen he, herakfuluk wagaukwa.

1 SAMUEL 28:4

A'nogo were'ma nen, ap tentara Filistin mene ap Israel mene inoasuogoluk, inebe andogotukwasik, inawi tenda o kota Sunem horokhogo andoma wusi wagaukwa. A'nogo wusi wagaukwama, at Saul ogore, ap Israel mene andogerinafikhesik, inawi tenda Tom Gilboa oba andoma wutukwaat.

1 SAMUEL 31:7

A'nogo inoatukwama afuni ekhe nen he, ”Ap tentara Israel mene weim heise mondok pugulfisagama, Saul againafuri inebe henagan inom arat inoata o,” iluk isukwama, it ap Israel mene o Yisreel tonggoma aik eliba andoma inom, i Yordan aik eliba mo lagai wagarek higit andoma inom, welagaukwa mene inawi kota herakfisaluk heise pugulhukwama re, hobuk ap Filistin mene nen o kota andoma sebeli kwi wagaukwa.

1 SAMUEL 31:9

A'nogo hasukwasik Saul ungguloak palogo wanhukwasik he, asu igisogo weim yaferek mene a'nogo nonggologo wanhukwasik waluk lagaukwa. A'nogo waluk lagaukwasik he, ap ekhe inayonggo fesukwasik he, wene ap fano inoatukwa wene andi afuni Filistin mene inawilokwe yi awi ti awi mondogat yagaisigik, inandugwi kembu awi wuri'mo kwisukwasik inendawimo fanorogo yagaisigik, uageluk lakfisasukwa.