1 SAMUEL 31:6 - Allah Wene Fano Wene Hupla Inane

⁶ O misik sambul at Saul ebe inom, againafuri inebe henagan aremnogo inom, agoromi tentara mene ekhe inebe mondogat inom, agot alage mene ekhe inom, inoatukwa re a'nogo andi.

1 SAMUEL 31:6 ပူးပေါင်းရင်းမြစ်များ

2 SAMUEL 1:1

Saul ebe wa'lagaikhemo, at Daud ap Amalek mene inomame leget fisaluk, ambotkwe o Ziklag wagaikhesik enggi pire welagaikhe.

2 SAMUEL 1:12

At Saul ebe inom, Yonatan inom, Tuhan againafuri Israel mene inom, inebe mondok hokhorogo weim yafi logolik inoatukwa andi nen fong warogo le agu logolik, linggene nen pikhit hubanggo huli sumburu ninggi'lek welagaukwa.

1 TAWARIKH 10:6

A'nogo hilingitukwasik at Saul inom amlogomi inebe henagan aremnogo inom inoatukwama wa'lagukwama re huli andiba nen he raja Saul eisok erokwe mene omanogo raja ekhe hilinglaga lagaukwa lek.

HAKIM–HAKIM 9:54

Ariginhikhemo at Abimelekh en weak-weak ap alage mene nen at asikhe waluk laga-lagaikhe mene a'nogo woletikhe. Woletikhesik yagati logolik, ”An he, he mene nen wate ikhi logogun andi re nabiro, henggarok andi lisogo an nebe pinggi noasin” iluk isikhemo re, ap souge mene a'nogo nen at Abimelekh a'nogo talogo watikhemo ebe pinggi wa'lagaikhe.

1 SAMUEL 11:15

A'nogo yagaisasikhemo, it mondogat o Gilgal wagaukwasik, o Allah fogeratarek oba andoma nen Allah nen lambulinabuagaluk at faget wam warogo noleti logolik, ”Saul nit ninoe raja arat logouwak,” iluk it afuni Israel mene inebe mondogat Saul inomen wene andi faget seni isatukwa.

1 SAMUEL 12:17

O yogondak hibi mondok meneat he, an nen samban oba nineisena Tuhan yagasigin mene onggo re, Aren unggunggu ane pakhogo lakfei wesimbik, meiso pelabi wesigin. A'nogo pelabi wagunem hineilenggen hambik, hiren he, Nit ninoe raja ekhe menfogoin ninamolo, iluk kino yagato a'nogo re weagat hilingitoma higi, iluk futfogoin o,” iluk yagaisasikhe.

1 SAMUEL 12:25

A'nogo meneat he, hit inom, hinoe raja inom, weak enek hilingirik laga logogun halok he, hinebe wolelenggen tagalogo leget hinobagagin o,” iluk yagaisasikhe.

1 SAMUEL 26:10

Neisena Tuhan eluk werek mene enuba hilingi'mo re at ebe wa'lasigin oba horok asigin halok ogo, nen weim yafunemen weim ambisangma asigin halok ogo nineisena Tuhan onggwaregen enek Saul ebe wasigin andi re an nelu o.

1 SAMUEL 28:19

Allah nen he, hat hebe inom, ap Israel mene inom, hinebe mondogat ap Filistin mene inenggiba fagain o. Foumo, ohealek hat hebe inom, hagainafuri inom, an welagiba andogosugun o. Nen, ap tentara Israel mene mondogat nineisena Tuhan nen ap Filistin mene inenggiba fagain o,” iluk yagatikhe.

1 SAMUEL 31:5

Onggwaregen a'nogo warasikhemo, ap alage mene a'nogo eilenggen Saul kwelakhasikhe re, ebe arat wa'lagaikhemo hasikhesik he, arogo onggwaregen warageluk enggarok kweangma telfesikhesik ambisangma salukhogo Saul era'lu aremnogo wa'lagaikheat.

1 SAMUEL 31:7

A'nogo inoatukwama afuni ekhe nen he, ”Ap tentara Israel mene weim heise mondok pugulfisagama, Saul againafuri inebe henagan inom arat inoata o,” iluk isukwama, it ap Israel mene o Yisreel tonggoma aik eliba andoma inom, i Yordan aik eliba mo lagai wagarek higit andoma inom, welagaukwa mene inawi kota herakfisaluk heise pugulhukwama re, hobuk ap Filistin mene nen o kota andoma sebeli kwi wagaukwa.