1 SAMUEL 31:4 - Allah Wene Fano Wene Hupla Inane

⁴ A'nogo hilinglagaikhemo, at Saul agot alage mene ekhe at asikhe waluk wagaikhe mene a'nogo oba mel yagatikhe: ”An nebe ap Tuhan inonggot mene andi nen inane asegen wo'niikhi logombigen noasi nogo nen he, hat henggarok lisogo wanimbik he, nebe noasin o,” iluk yagatikhe meneat he, ap alage mene andi, at Saul ebe mondok agaukhogo hilingiti lagaikhe andi nen he, ebe wati'lek herakfisasikhe. A'nogo herakfisasikhemo, at Saul onggwarek enggarok wanhikhesik kweangma telfesikhesik he, ebe taunghogo waragaluk enggat oba weing lagaikhe.

1 SAMUEL 31:4 ပူးပေါင်းရင်းမြစ်များ

2 SAMUEL 1:1

Saul ebe wa'lagaikhemo, at Daud ap Amalek mene inomame leget fisaluk, ambotkwe o Ziklag wagaikhesik enggi pire welagaikhe.

2 SAMUEL 1:14

A'nogo yagatikhemo, at Daud en he, ”Ap kain raja logouwageluk Tuhan nen wenagaisogo menfikhe mene, haren hailo legengge waten andi re nailo e,” iluk yagatikhe.

2 SAMUEL 1:20

It afuni Gat mene re wene andi inesanggo holinogo o, It afuni Askelon mene kwe endepkwe esanggokwe werek mene andoma Wene andi faget ineluet feinogo, Hemi Filistin mene inesanggo holimbik he, wonoget fakhanogo o. Allah ane inonggot mene nen, inanggiluk kwelagaisogo inagaiyek esinogo o.

2 SAMUEL 1:6

A'nogo heinok wokhasikhemo, aren he, ”Fano asuak an hamingmingengge o andi sambul he nebe tom Gilboa ba logolik neilenggen were'ma nen he, at Saul ebe arigeba timirogo were'ma, ap selei mene kereta ba inom, wam kuda oba inom, wagaikhasik fak fouwogeluk horogat wagaikha.

2 SAMUEL 17:23

Nen, at Ahitofel a'nogo endawimo nen he, ”An nen wene igi mene hologo hilingiti'lek herakfisaga andi weak higi,” iluk futfesikhesik he, inebe woginarek lagungge wam keledai ambot oba kelogo fesikhesik, ebe oba lagasikhesik he, at onggwarek aiba lagaikhe. Lagaikhesik, yi mene ti mene aren hilingisu mene mondogat arat katokhogo hilingitikhesik, ebe onggwaregen alonggop hele kelogo warasikhemo, at eisena wa'lagaikhemo salhukwaba andoma salhukwa.

2 SAMUEL 21:12

at Daud en he hun Saul oak siling inom, Yonatan oak siling inom, omanogo afuni o kota Gilead meneba nen wani lagaikhe. (It afuni andoma nen he o kota Bet-San kweang wogole'ma nen it Filistin inaben at Saul Tom Gilboa oba nen omame lek hilingisogo fuluk, ap warek omanogo taganogo fesukwasik, ap inoak andoma hinatukwasik fisogo were'ma wani lagaukwa).

1RAJA-RAJA 16:18

A'nogo hilingitukwama re, at Zimri nen hasikhe re kota a'nogo iren mondogat sebel fakhasukwama hasikhesik he, at ebe awi istana ba omanogo kwi lagaikhesik, at ebe inom, o at ebe werek oba omanogo inomat endu fakfesikhemo ninggi logolik at ebe inomat nasikhe.

1RAJA-RAJA 16:27

At raja Omri nen hilingiti lagaikhe mene ekhe inom, ekhe mene ekhe mene hilingiti lagaikhe mene omanogo re buku it ap raja-raja Israel mene nen hilingiti lagaukwa mene palek werek mene omanogoba mondogat palogo fesukwa.

1 TAWARIKH 10:4

A'nogo watukwama at Saul en ap souge mene at asikhe waluk laga lagaikhe mene a'nogoba ikhi logolik he, ”It ap Filistin inap Tuhan inonggot mene andi nen an nane ying nabi nogore, hat henggarok ari lisogo wanimbik an nebe talogo noasin o,” iluk yagatikhe. A'nogo yagatikheba nen he at souge mene a'nogo ailo nen he wati'lek herak fesikhe. Andi ba re at Saul a'nogo enggarok onggwaregen lisogo wanhikhesik he, karok a'nogo enggaroba teisalogo warasikhe.

HAKIM–HAKIM 14:3

A'nogo yagaisasikhe meneat he, iren he, yi'nogo yagatukwa: ”Hemi nit ninonggwarek mene ogo? Ekhe nit ninunggulenu Israel mene ogo, elok woginabu meneat he it afuni Filistin mene inebe Tuhan inonggot mene inagainafuri woginabi lagain iluk ikhi lagen omare nenahalok?” iluk yagatukwa. A'nogo yagatukwama, at Simson nen he, eisena mel yagatikhe: ”A'nogo egen meneat he, an nagwe Filistin mene andiat namolo nen i'ne'nogen iluk yagaheti o,” iluk yagatikhe.

HAKIM–HAKIM 9:54

Ariginhikhemo at Abimelekh en weak-weak ap alage mene nen at asikhe waluk laga-lagaikhe mene a'nogo woletikhe. Woletikhesik yagati logolik, ”An he, he mene nen wate ikhi logogun andi re nabiro, henggarok andi lisogo an nebe pinggi noasin” iluk isikhemo re, ap souge mene a'nogo nen at Abimelekh a'nogo talogo watikhemo ebe pinggi wa'lagaikhe.

1 SAMUEL 14:6

Were'ma andikwe louwogeluk laga logolik, at Yonatan nen he, agot alage mene a'nogoba mel yagatikhe: ”Nineisena Tuhan he ap inebe hokhorogo halok ogo, nen endebat halok ogo, elok inomamet fisa hagenego. Enggere Aren omame wo'nisagain anggikhi lagi hilingi'mo re, nit ap Filistin mene Allah ane inonggot mene inawi pos wuri'mo andoma louwogo,” iluk yagatikhe.

1 SAMUEL 17:26

A'nogo isukwama, at Daud en mel isikhe: ”Ap Filistin mene Allah ane onggot mene ari re, ailo lega? Allah eluk mondok welagarek mene againafuri tentara mene inoba ane asegen wogisili'lago ari re, nailo e,” iluk isikhesik, ap tentara mene at era'lu welagaukwa mene ekhe mel yagaisasikhe: ”Afuni Israel mene inenu weagerogo fili'lago mene andi eiloak leget figik, nen ap Filistin mene andi ebe watik, igin agun andi re nena mene wogosugun nogo?” iluk heinok wogisasikhe.

1 SAMUEL 17:36

A'nogo wati lagingge re, ap Filistin mene Allah ane onggot mene andi nen Allah eluk mondok welagarek mene againafuri tentara mene ane asegen wogisili'lago andi nen he, an hamingmingengge nen mene olomene a'nogo watirek hagat elok wasigin anggikhi lagi o.

1 SAMUEL 26:10

Neisena Tuhan eluk werek mene enuba hilingi'mo re at ebe wa'lasigin oba horok asigin halok ogo, nen weim yafunemen weim ambisangma asigin halok ogo nineisena Tuhan onggwaregen enek Saul ebe wasigin andi re an nelu o.

1 SAMUEL 31:5

Onggwaregen a'nogo warasikhemo, ap alage mene a'nogo eilenggen Saul kwelakhasikhe re, ebe arat wa'lagaikhemo hasikhesik he, arogo onggwaregen warageluk enggarok kweangma telfesikhesik ambisangma salukhogo Saul era'lu aremnogo wa'lagaikheat.