1 SAMUEL 30:27 - Allah Wene Fano Wene Hupla Inane

^27-31 Aren o kota-kota lakfisasikhe kwe omanogo enu re yi: o Betel inom, Rama inom, Yehuda inom, abel a'makwe selatan fikhit andoma inom, Yatir, Aroer inom, Sifmot, Astemoa inom, Rakhal inom, afuni Yeramahmeel inawi kota werek mene inom, afuni Keni inap inawi kota inom, Horma inom, Bor-Asan inom, Atakh, Hebron inom andoma lakfisasikhe. O kota at Daud inom agoromi inom leil warik nikhi lagaukwa kwe andoma onggo inagaiyekhogo iluk lakfisasikhe nek.

1 SAMUEL 30:27 ပူးပေါင်းရင်းမြစ်များ

KEJADIAN 12:8

A'nogo hilingi'luk he, pikhirat i ambutmo higit tom hokho meneba o kota Betel esanggoma, mo liabi wagarek higithogo andoma wagaikhesik, o Betel en honggolek, Ai nen honggolek andoma o sabu su meneba ekhe wutikhe. O wutikheba andoma nen he, o mo ubukhogo kwikherek higit he, o Betel andi, nen, o mo liabi wagarek higit he, o Ai andi. O andoma yi mene ti mene Allah faget warogo noleti logogun oba obuluk mezbah ekhe wutikhesik Tuhan fogeratikhe.

KEJADIAN 28:19

A'nogo fisasikhesik, o andoma attagat he, enu Lus welagaikhe mene, hobuk enu Betel salhikhe.

1RAJA-RAJA 12:29

A'nogo yagaisasikhesik, tugwi kembu emas mene sapi alik hilingik mene omanogo ekhe o Betel fesikhe, nen ekhe re o Dan fesikhe.

YOSUA 15:48

O tomkwe andoma re o kota 11 nen inom, o sili endep-endepkwe mene inom lambulogo welagaikhe mene enu re: O Samir, Yatir, Sokho, Dana, Kiryat-Sana (andi re Debir iluk), Anab, Estemoa, Anim, Gosyen, Holon, Gilo inom andem.

YOSUA 16:1

Kweang huli-huli it Yusuf againafuri mene a'nogo faget palogo wogisasikhe mene re, i Yordan ima andoma nen hiling-hiling lagasik, o Yerikho horokhogo nen he mo lagai wagarek fikhit o Yerikho i elesi wulibisogo lagarekwe andoma nen he ilingage bene leimo andoma O Yerikho huli nen liabek he o Betel tom oba andoma huli.

YOSUA 16:2

Betel huli nen lagasik, o Lus huliba nen o Atarot kwe nen he ap Arki mene were'ma andoma.

YOSUA 19:8

Ekhe desa-desa o kota andoma esanggokwe maserogo welagaukwa mene mondogat inom soganogo re, o Baalat-Beeroba huli (o andi re Rama agarek) kweang abel selatan fikhit meneba andoma. Kweang it inunggulenu Simeon mene ineisok erokwe mene asuageluk wogisasikhe mene re andoma.

YOSUA 7:2

Andem huli re, Yosua nen ap inebe fenakwe o kota misik ekhe o Betel en mo lagai wagarek fikhit o Bet-Awen horokhogo, o Ai andoma ineil penesi loageluk lakfisasikhe. Lakfisasikhemo lagaukwasik he, iren hilingisuageluk yagaisasikhe mane a'nogo mondogat hilingfuluk he,

YOSUA 8:9

A'nogo yagaisasikhesik he, at Yosua nen it agoromi omanogo lakfisasikhemore it a'nogo o Ai nen mo ubuk ikherek fikhit, o Ai honggolek Betel honggolek andoma sali lagaukwa. Sali lagaukwasik nenangotu welagaukwa. Meneat he at Yosua nek he it afuni Israel mene nen inawi sabu sale'ma omanogo nogosikhe.