1 SAMUEL 30:26 - Allah Wene Fano Wene Hupla Inane

²⁶ A'nogo mondogat hilingitukwasik he, at Daud a'nogo o Ziklag wagaikhesik aren yi mene ti mene telhikhe mene omanogo fena it ap o kota Yehuda mene inogogwi it ap a'nogo hilingitunem fano hilingisuageluk lebethasukwa mene inoba lakfisikhi logolik he, yi'nogo isikhe, ”Afuni Tuhan aselei mene inoba nen inangge telho mene hit hinobaget hinendawi o hinagaiyekhogo iluk he yi o,” iluk lakfisasikhe.

1 SAMUEL 30:26 ပူးပေါင်းရင်းမြစ်များ

KEJADIAN 33:11

Allah an noba endawimo fano agasik an namu mene yi mene ti mene mondogat wo'netikhemo an nen waluk wokhesi wagi mene ya re helan o, noe,” iluk Yakub en ane omamerogo ugu aple nen at Esau wogetikhe mene omanogo helasikhe.

2 SAMUEL 1:1

Saul ebe wa'lagaikhemo, at Daud ap Amalek mene inomame leget fisaluk, ambotkwe o Ziklag wagaikhesik enggi pire welagaikhe.

2 RAJA-RAJA 5:15

A'nogo hilinglagaikhesik, agoromi inom wagaukwa mene mondogat inom inambotkwe Elisa oba wagaikhe. A'nogo wagaikhesik, mel yagatikhe: ”O kweangma yi awi ti awi Allah ebe pire welagarek lek. We, hit afuni Israel mene hineisena Allah fogerati lagep mene andi ami-amu negat welagarek andi an yogondagen arat futfigi o. Andi nen he, an nen onggo wokhesigin andi wanin o,” iluk yagatikhe.

MAZMUR 35:27

Afuni nen an ap eberogo mene iluk yaganesigin sambul andi re, ineilenggen neambik inagaiyegen inanggiluk esuak. Iren hundik-hundik ikhi logolik he, ”Eberogo Tuhan andi re mondok andungdang werek mene! Aren he amingmingengge agap telek logouwageluk agaiyek mondok werek!” iluk ikhi logouwago.

MAZMUR 68:18

At Allah re angge kereta mondok hokho pokhorogo inenggi wenasu elo'lekhogo meneba, o Sinaiba nen At Awi obalik Mondok hore'ma omanogo kwigiluk weinam asi wagarek.

YESAYA 32:8

Oba nen he fano mene nek wenggelharek mene re hilingisugun mene iluk wenggelogo fikhi logolik inom, nen hilingiti logolik inom he, fanorogo nek hilingitarek.

2 KORINTUS 9:5

A'nogo oan andogorogo figi'lek logogun halok elo'lek andi nen he, an oan wagi'lek logolik ninagaila'lak andi tak lakfisa wesigeluk igi andi. It hinoba wesimbik he, hiren andi faget fisouwogeluk abok isigip mene a'nogo, iren wurep kobokhogo andogosi wesuageluk inendawimo kagalogo yagaisikhi lagi. An a'nogo hilingiti lagi andi re, hit hinagarek hinendawi werek kwelek iren ninghogo hinendawimo kagalumo fisogoin elo'lek. We, hit hinendawinggen nenat fisambik were'ma fano, iluk hilingiti lagi andi.

1 SAMUEL 18:17

A'nogo welagaukwa andi nen, at Saul endawimo nen he, ”Daud an nen wasigin he fuk, athe ap Filistin mene nen weim yafi logolik wasuak,” iluk weim abok endawimo welagaikhe. A'nogo welagaikhe andi nen inenggi ekhe sambul at Saul en he Daud oba yi'nogo yagatikhe: ”Haren weim Tuhan faget yabigiluk hambong siserek welagen aple a'nogo re ekhe inom inukhagain halok he, An na'logo manggusa mene hele enu Merab he hat wokhesigin o,” iluk yagatikhe.

1 SAMUEL 25:27

Ariginik enggere an hamingmingengge nen yeligengge endebat neisena hat hobaget inom, hat agoromi inobaget inom ya helani.

1 SAMUEL 25:28

Eige neisena, an hamingmingengge nen furogo hilingiti'lek mene andi faget ebeti'lek sagalogo legetfeino. Neisena haren At Tuhan faget weim yafi lagen ma re At Tuhan nen he neisena hat inom, haren tagomangge mene inom he, it afuni Israel mene inobaget inoe raja mendek logouwageluk hinobagakhi logogin, nen neisena hebe heluk logogin huli andoma kwanirek mene ekhe hat helokhoma ekhe hilinglasigin lego.

1 SAMUEL 30:20

Andi nen fena re at Daud en he domba inom, wam amu mene inom telhikhe. Telhikhemo at Daud agoromi nen he yoma re Daud faget iluk he yi mene ti mene amu mene telhukwa mene omanogo re it tak ale'ma pa'nakhogoat silogo woginarek laga lagaukwa.

1 SAMUEL 30:25

Hobugen wene andi re at Daud en wene melalek hilingiti logogun mene iluk fesikhemo, it afuni Israel mene werekwe omanogo re yogondak huli nen ogo hologo nek hilingiri'lagwi.