1 SAMUEL 30:23 - Allah Wene Fano Wene Hupla Inane

²³ Oba nen he at Daud en onggo ikhi logolik he, ”Yago nagaila'lak! At hineisena Tuhan nen nit ninoba wo'nisikhe mene andoma faget he hiren a'nogo ugubo! Nit he Aren ninebe ma'murogo fetninarek logolik, it ap inenggiabisak wanharek mene andoma inoba nen, ninomamet ninobagaikhe le'ma nen ikhi lageba? Ninomamet ninobagaikhe aro.

1 SAMUEL 30:23 ပူးပေါင်းရင်းမြစ်များ

KEJADIAN 19:7

afuni Sodom mene omanogo mel yagaisasikhe, ”Nagaila'lak, hit weak a'nogo hilingisugun mondok lego.

HABAKUK 1:16

Iren he, ”Ninasu yiba nen fano mene saburogo ninggik, heligik, ikhi lago,” iluk he, inasu andi oba inendawinggen himbirik logolik, anggo waretik, amben fano mene noletik, hilingiri'lagwi.

KISAH PARA RASUL 22:1

”Nogogwi nagoromi. Wene yi an noba le'ma o, iluk nonggwarek nebe elelerogo yagahisagain yi re, hinesanggo fanorogo holino,” iluk ugunem,

KISAH PARA RASUL 7:2

Yagatikhemo, at Stefanus nen he, mel yagaisasikhe: Nogogwi, nagoromi, neisenalak hinalabok. Wene igin yi, hinesanggo fanorogo holini. Ninambu Abraham a'nogo o Haran tekhogo wagi'lek, o Mesopotamia were'ma, Allah fogeratorek mene a'nogo elokhoma menlagaikhe.

ULANGAN 8:10

A'nogo logolik, hinamburu hinalabut ninghogo mondok ninggi logolik, nineisena Tuhan Allah nen kweang muli fano mene wokhisikhe mene andi faget At hai watu mondok logogun o,” iluk yagaisasikhe.

ULANGAN 8:17

Andi nen he, hiren he, nit ninonggwarek ninomameba nen heragaisogo ninebe kain nineilmo wulalhak hilingirikhi lago, iluk hinendawimo anggagubo.

ULANGAN 8:18

We, nineisena Tuhan Allah nen yi mene ti mene yoma wo'nisili'lago higi, iluk hinendawimo eberek logogun o. Aren ninombalak yagaisikhi logolik, an nen hit yi'nogo hilinghinafi logogin, iluk wene warisasikhe andi nen, a'nogo hilinghinafu mondok huli yogondak hinoba eberek mondok werek andi.

HAKIM–HAKIM 19:23

Andi isukwama ap yaman mene a'nogo wulibi lagaikhesik it inoba ikhi logolik he, ”Nagaila'lak a'nogo re lego! At yi re an nambok hilingi'mo re, hiren hilingisu lek mene mondok kwanirek mene andi re hiren a'nogo hilingisugun lek iluk kino yagahisikhi lagi.

1 SAMUEL 2:7

Nen, Haren, afuni inenggi lek hilingisogo fisigik, nen inenggi werek hilingisogo fisigik, egendego. nen, it ekhe sebelfisigik, ekhe legetfisigik, egendegaro.

1 SAMUEL 30:22

Oba nen he, at Daud agoromi ap inom lagaukwa mene omanogo inanggele'ma re fena inobabut haferek logolik he, an namu nangge nek anggugu mene lagaukwa. It ariginik mene omanogo nen ikhi logolik he, ”It ap yoma re ninom lagi'lek enggere yi mene ti mene telho mene omanogore it ekhe helogoin lek. We it he, it inagagwi inom, inagainafuri inom enek helaluk logoin fano,” iluk isukwa.

1 SAMUEL 30:24

Ariginik enggere ap misik ekhe nen iren aga mene a'nogo fano aga iluk io, u fuk! Nit ninebe mondogat he higithogo nek helogoin. It ap ninasu fisogo logolik welagaikha mene ogore nit weim yabi logoin iluk lago mene nen helogoin andem hak enek helogoin aro,” iluk yagaisasikhe.

1 SAMUEL 30:8

Wogosi wagaikhemo at Daud en Tuhan oba heinok wokhikhi logolik he, ”Afuni weagerinafarek mene o yoma pin kwi wagaikha o, andi re an nen muginarek layoga, lega? Nen, an nen it inombo'ne lamo eloga lega?” iluk heinok wokhasikhe. A'nogo heinok wokhasikhemo Tuhan nen onggo yagati logolik he, ”I o, Haren he it muginarek lambik he ap hele warogo woginarek lili'lagwi mene andoma fikhalogo wulak fisa lan o,” iluk yagatikhe.