1 SAMUEL 30:17 - Allah Wene Fano Wene Hupla Inane

¹⁷ O wei igiluk hil mogolhu kwelek aremnogo re, Daud a'nogo nen it were'ma pin kwisikhemo weim yafu werek kwelek enek he o mondogat hup agaikhe. A'nogo hilingitunem it ap inebe 400 nen mene wam unta amboloba lagaluk wulifukwa mene aremnogo nen enek oba nen he it inaselei mene misik ekhe iluk polokhogo wulibi lagaukwa lek.

1 SAMUEL 30:17 ပူးပေါင်းရင်းမြစ်များ

2 SAMUEL 1:1

Saul ebe wa'lagaikhemo, at Daud ap Amalek mene inomame leget fisaluk, ambotkwe o Ziklag wagaikhesik enggi pire welagaikhe.

2 RAJA-RAJA 7:5

A'nogo isukwasik o arat sebelhugu kwelek aremnogo re, ap tentara Siria mene inawi tenda wuri'mo omanogo lagaukwa, oba nen he o andoma ap misik iluk ogo ekhe welagaukwa mondok lek.

1 TAWARIKH 4:43

Andem oba re it afuni inunggulenu Amalek mene fena welagaukwa mene omanogo inoatukwasik he yogondak huli nen o andoma welagaikharegat.

MAZMUR 18:42

Iren inane humeri'lagwi, oba nen he aben ekhe leberisili'lagwi lek, nen iren Tuhan oba inane yagari'lagwi, oba nen he Aren inane onggo yagaisili'lago legat.

YEREMIA 41:15

Oba nen at Ismael inom agoromi inebe siregen aremnogo inom he longgo isukwasik heise re o Amon kweang oba andoma lagaukwa.

HAKIM–HAKIM 4:16

A'nogo wagaikhemo, ap Barak en aselei mene kereta kuda weim yafarek mene inom, tentara mene esa ekhe logalek omanogo inom, muginarek o Haroset-Hagoyim fisa lagaukwasik he, ap Sisera agoromi tentara esa logolek omanogo ap misigat ekhe herakfisigi'lek felelenghogo inoatukwa.

HAKIM–HAKIM 7:12

Pisukwa re, ap Midian mene inom, Amalek mene inom, ap ekhe inaiba o leimo mo liabi wagarek higit andoma mene inom, omanogo inebe pulue andogorek welagarek hangge inebe tonggoma andoma ya logalek ta logalek welagaukwa. Nen, inanggo unta re, mondok hokhorogo ial i esanggokwe welagarek andi hangge welagaikheat.

1 SAMUEL 11:11

A'nogo yagatukwasik were'ma, ohealek huberat siakhogo re at Saul agoromi tentara mene esa henagan logalogo fisasikhesik, o hil mogolhu kwelek, ap tentara Amon mene inawi tenda wurogo welagaukwaba tulem andoma pin talogo kwisukwa. Kwisukwasik o oan yanggothigi'lek werek kwelek at Saul agoromi tentara omanogo nen mabenet fisasukwasik inebe inoatukwa. A'nogo hilingitu aple nen, it ap Amon mene poloksek wulifukwa mene andoma re tel-fol ikhi logolik he inebe pirendek mangothigik misikwe wilibu re elo'lek agaikhe.

1 SAMUEL 15:3

Halok he, afuni Amalek mene were'ma weim lambik, inebe inom, yi mene ti mene inom, ekhe herakfigi'lek mondok legetfisano o. Afuni mondogat ap inom, hemi inom, yenggerugwi inom, omalik inom, inanggo sapi, domba, unta, keledai inom, mondogat wulil tagalogo legetfisano o,” iluk yagatikhe.