1 SAMUEL 30:15 - Allah Wene Fano Wene Hupla Inane

¹⁵ A'nogo isikhemo Daud en heinok wokhikhi logolik, ”Haren ap inenggiabisak wanharek mene were'ma andoma an hondo'narek lagain hamolo a, habira?” iluk heinok wokhasikhe. Ma re, at abo a'nogo nen ikhi logolik he, ”An he namolo o, oba nen neisena haren Allah eluk werek mene enuba wene wa'neti logolik he, hat he an nen hoasigin lego, nen heisena attak meneba ogo wogosigin legaro, iluk noe haren igin halok enek he fano o,” iluk isikhe.

1 SAMUEL 30:15 ပူးပေါင်းရင်းမြစ်များ

KEJADIAN 24:3

Kwelakfembik he, Tuhan Allah pogot kweang enggiba welagarek mene a'nogo enuba hombuk mel iluk palin: An nen Abraham amlogo Ishak agwe afuni o Kanaan yoma mene herasigin lek.

YEHEZKIEL 17:13

A'nogo laga logolik he aren ap misik ekhe raja Yehuda eisok erokwe mene wenagaisogo fikhesik he ap andi inom wene watik, nen ap andi nen wene tiphogo hilingiti logogin iluk hombuk palogo uageluk yagatik, hilingite. Ap raja Babel mene andi nen he

YEHEZKIEL 17:16

An Allah neluk mondok welagirek mene, Tuhan Lego Mondok welagirek mene nenu igisogo ikhi lagi, enggere raja Yehuda mene re raja Babel mene nen takhta oba hutfikhi logolik, inom hombuk palhik, wene watik, isukwa mene a'nogo taganet fikhemo re at ebere o Babel andoma nen wa'lasigin.

YEHEZKIEL 17:19

An Allah neluk mondok welagirek mene, Tuhan Lego welagirek mene nenuba hilingi'mo re, raja Yehuda mene andi nen tiphogo nek hilingiti logogin iluk An nenuba hombuk palhesigen, aren raja Babel mene inom wene wata mene a'nogo taganet fikhemo re, An nen unggum oba fagain.

YOSUA 2:12

An nendawimo namolo re, hiren he, an nen hit wokhinafirik fano hilinghinafi yi hak, hiren afuni an mene ninom wo'ninabimbik fanoat hilingninabuogeluk hineisena Tuhan Allah enu hombuk palogo wene wa'nesugun anggikhi lagi o. Hiren wene wa'neti logolik, Hat heisena inom, hagaisa inom, herugwi hagaila'lak inom, it inagainafuri mondogat inom, hinebe hinoati'lek telogo hinobabagun, iluk wene wa'ne'ni o. Andi faget, an nen he, iren eberogoat telogo ninobagagun, iluk anggagen he, nendawi wenggelogo logoigen he yagane'ni o,” iluk yagaisasikhe.

YOSUA 9:15

At Yosua nen he ap Gibeon inap andi ninom sebeti lago iluk wene watikhe, Wene a'nogo warisasikhe andiba re it inebe ekhe inoatukwa lek. Nen it afuni Israel mene melalinafu mene omanogo nen ogore wene watukwa mene andi tiphogo hilingisugun iluk he inane hombuk palhukwaat.

HAKIM–HAKIM 1:24

ap misik ekhe o kota andiba nen wagunem it inom ambi agaukwa. Ambi agaukwasik iren ap a'nogoba yagati logolik he, ”Niren o kota yiba kwi loageluk haren nit lebetninabigin halok he, niren hat hebe fanorogo hal hobagagun o,” iluk yagatukwa.

1 SAMUEL 29:6

A'nogo yagatukwama, at Akhis nen Daud wolhasikhesik yagati logolik he, ”Tuhan eluk welagarek mene enuba, haren an nane hologo higithogo hilingiti lagen mene andi faget he nagaiyek anggikhi lagi o. Nen, hat hebe an ninom weim yafunem yi re, nombo'nerogo ninom yabi kwilo andi re nagaiyek anggikhi lagi. Hat an were'ma wagagin huli nen yogondak huli andi haren weak ekhe hilingiten mondok lek. Oba nen it kaindek amu mene oma nen he hat faget inabit anggili'lagwi o.

1 SAMUEL 30:14

Niren he o afuni Kreti inap inanggweangma o Yehuda nen abel a'ma selatan fikhit andoma inom, it ap Kaleb unggulenu mene werek fikhit andoma inom, pin kwi lagosik he, o kota Ziklag inom he mondogat endu fato o,” iluk yagatikhe.

1 SAMUEL 30:16

A'nogo isikhesik, at a'nogo nen he it omanogo hondoginarek ap inenggiabisak wanharek mene omanogo inoba fisa lagaikhe. Andem oba re it ap inenggiabisak wanharek mene omanogo inebe re o Yehuda inom Filistin inom aremnogo nen he yi mene ti mene hokhorogo hugul helaluk wagaukwasik it inebe o mondogat andoma sagarogo logolik, sumburu inom, i inom ningik, seni isagaisogo hugulengge heligik hilingiti lagaukwa.