1 SAMUEL 30:13 - Allah Wene Fano Wene Hupla Inane

¹³ A'nogo agaikhemo Daud en heinok wokhikhi logolik he mel yagatikhe, ”Hat heisena re sa, nen hat hebe re koma mene?” iluk heinok wokhasikhe. Ma re, abo a'nogo nen onggo ikhi logolik he, ”An he nawi Mesir mene o, nen nebere afuni Amalek mene inamingmingengge welagi mene, iluk isikhe. An nebe ou wanhu werek kwelek he neisena nen herak nobagaluk lagama re nenggi henagan ou wanhu welagarigo, isikhe.

1 SAMUEL 30:13 ပူးပေါင်းရင်းမြစ်များ

2 SAMUEL 1:13

A'nogo welagaukwasik, at Daud en ap alage wene waluk wagaikhe mene a'nogo mel yagatikhe: ”Hat haiba koma mene,” iluk heinok wokhasikhe. A'nogo heinok wokhasikhemo, aren he, ”An hamingmingengge yi nebe ap Amalek mene inamlogo o hat were'ma yoma wagagisik ap pok higit logolik welagirek mene o,” iluk yagatikhe.

2 SAMUEL 1:3

A'nogo hilingitikhemo, at Daud en he, ”Hat hebe koma nen wagen?” iluk heinok wokhasikhemo, aren he, ”An hamingmingengge yi nebe re, ap Israel mene inawi tenda wuri'mo omanogo nen poloksek wulibi wagarik wagi o,” iluk yagatikhe.

2 SAMUEL 1:8

A'nogo yagatimo, aren he, ”Hat sa,” iluk heinok wo'niikhemo, an nen he, ”An hamingmingengge nebe Amalek mene o,” iluk yagati.

AMSAL 12:10

Ap fano mene nen at anggo takhikherek mene furogo halhi logogin, oba nen ap weak mene nen he weagerogo fikhi logogin.

YUNUS 1:8

At oba higit agaikhemo re, iren at mel yagatukwa: ”Eberogoat hat weak hilingiten oba nit wene ninoba aga o! Weak-weagat yaganisan. Nenahalok hat yoma waga lagen nogo? Hat haiba o koma mene? Hunggulenu ki mene nogo?” iluk heinok wanhukwa.

YAKOBUS 2:13

Hiren afuni hinendawirinafi'lek halok Allah nen he, endawit hinafi'lek wene hinoba fagain aro. Menere, afuni ekhe inendawirogo welagaikharek mene andi Allah nen inanema wanhi logolik wene inoba fagain lego.

1 SAMUEL 30:12

Andi nen kue e arah enggen oba hilingik mene inom, anggur enggen omolo pire meneba iringik mene inom wogetikhemo arat nasikhemo re, at ebe linggene henagan inukhogo sumburu inom i inom ninggi'lek welagaikhemo a'luk he, sumburu nen ebe sisarogo welagaikhe mene a'nogo ebe omame agaikhe.

1 SAMUEL 30:14

Niren he o afuni Kreti inap inanggweangma o Yehuda nen abel a'ma selatan fikhit andoma inom, it ap Kaleb unggulenu mene werek fikhit andoma inom, pin kwi lagosik he, o kota Ziklag inom he mondogat endu fato o,” iluk yagatikhe.