1 SAMUEL 30:1 - Allah Wene Fano Wene Hupla Inane

^1-5 A'nogo lagaukwasik he linggene pire welagaukwasik at Daud inom, agoromi omanogo inom sugulogo o kota Ziklag lagaukwa. It inebe omanogo lagaukwasik hilingitunemen he ap Amalek mene re o Yehuda abel a'ma selatan fikhit andoma pin kwi wagaukwasik he, o Ziklag a'nogo inom inoasi wagaukwa. Iren he ap misik iluk ogo ekhe inoatukwa lek meneat he, o kota a'nogo abirengge endu fikhi logolik he, kwe pikhit louwogeluk hemi inom, yenggerugwi inom, afuni fena inom hele warogo woginarek lagaukwa. Nen, iren he at Daud eisok erokwe mene mondogat inom, nen at agoromi ineisok erokwe mene mondogat inom, hele warogo woginarek lagaukwaat. Nen, a'nogo laga logolik he at Daud agagwi inebe pire hele Ahinoam inom Abigail inom aremnogo ogore inomat woginarek lagaukwama re, at Daud inom agoromi inom he inendawinggen warugu mondok logolik he leagu werek kwelek enek he inoba mondogat lebelek agaikhe.

1 SAMUEL 30:1 ပူးပေါင်းရင်းမြစ်များ

KEJADIAN 24:62

It oan wagu kwelek, at Ishak o leimo nen lagaikhesik, i enu, ”Aren an lebe'niikheba,” iluk agarek oba andoma lagaikhesik, ebe o Kanaan i ambutmo higit andoma welagaikhe.

2 SAMUEL 1:1

Saul ebe wa'lagaikhemo, at Daud ap Amalek mene inomame leget fisaluk, ambotkwe o Ziklag wagaikhesik enggi pire welagaikhe.

2 SAMUEL 1:2

A'nogo were'ma, ohealekwe re ap alage mene misik ekhere at Saul awi tenda wurogo welagaikheba omanogo nen he, Inoatama waga, iluk futfouwagaluk he asu tiliphogo lakfisigik, fesi unggul oba yugulhik, isikhesik he, at Daud elokhoma omanogo wagaikhesik eindep awi yagaisogo fogeratikhe.

2 SAMUEL 1:8

A'nogo yagatimo, aren he, ”Hat sa,” iluk heinok wo'niikhemo, an nen he, ”An hamingmingengge nebe Amalek mene o,” iluk yagati.

2 SAMUEL 15:18

At raja agoromi kaindek pegawai mene inom omanogore abel fena fikhit menlarik lagaukwama re, ap tentara at raja ebe serogo welagaikharek mene omanogo re raja elokhoma higit erathigik logalhukwama, it ap tentara o Gat en wagaukwa mene inebe 600 nen omanogo ogore at elokhoma erathigik logalhukwaat.

1 TAWARIKH 12:21

It ap andi re, Daud faget hilingitu mondok logolik, ninghogo hilingiti lagaukwa inap, it inoba lik louksek logolik ap o weagerogo filik nikhi lagaukwa inap omanogo inom yabuogeluk Daud lebethikhi lagaukwa inap. Hobugen he, it ap aremnogo it Israel mene inoba andoma weim mene inogogwi perwira hilinglagaukwa.

1 TAWARIKH 12:22

Linggene hundik-hundik ap inelokhe ket mene at Daud oba sebesuogeluk ekhe wagik, ekhe wagik ugu were'ma, at Daud agoromi weim yafu mene omanogo re esa mondok hokhorogo hilinglagaukwa.

YEREMIA 41:12

Andiba re, it inagoromi inom at Ismael murok lagaukwasik he, at ebe i mogo hokho mene enu Gibeon mogoma era'lu andem lagunem fakha lagaukwa.

YOSUA 11:6

A'nogo wagaukwama Tuhan nen Yosuaba ikhi logolik he, ”Haren it inoba hailorinabu fugo. It Israel mene inili waganogo ohealek o ya higiroba An nen inebe mondogat inoasigin. It mene inangge kuda andoma re haren eisok ombambi a'makwe tegerisilik lano, nen iren inangge kereta weim yabik lagaikharek mene omanogo re haren endu nolino,” iluk yagatikhe.

1 SAMUEL 15:7

A'nogo wulifukwama nen, at Saul en ap Amalek mene inom weim yafi logolik, mabenet fisasikhesik he, o Hawila ebekwe lagaikharekwe andoma nen inoarik-inoarik huli o Syur Mesir en abel yikwe o mo liabi wagarek higit andoma fisa lagaikhe.

1 SAMUEL 15:8

A'nogo inoarik laga logolik, afuni Amalek mene mondogat inom, tentara inom, mondogat inoatikhe. A'nogo meneat he, at Saul agoromi tentara mene inomen afuni Amalek mene inoe raja Agag fakfesukwasik, eluk fikhi logolik he, wam domba sapi ebe mondok fano mene inom, sapi, domba eagwi otholik mene inom, yi mene ti mene onggo hokho mene inom, wendeberogo wanhi logolik he, wam weak mene inom, yi mene ti mene onggo endebat mene inom enek he, mondok legetfisasukwa.

1 SAMUEL 27:6

A'nogo yagatikhemo at Akhis a'nogo nen he, o kota Ziklag andi at Daud wogetikhe andiba re, o andi re it raja Yehuda mene inaiba agaikhemo yogondak huli nen it inom welagaikharek.

1 SAMUEL 29:10

Arigini'mo re, Daud, hobit he hubethogo hineluk asimbik he mo liabi wagu kwelek andem hit at Saul were'ma nen herakfisaluk wulibi wagepsik an ninom walago mene omanogo hinebe mondogat weak-weak lano,” iluk yagatikhe.

1 SAMUEL 29:11

A'nogo isikhemo ohealek hubet siakhogo re, at Daud inom, at agoromi inom he o afuni Filistin mene inaiba omanogo wagaukwa, nen it Filistin inap sikhe fisogo mene omanogo re o Yizreel andoma lagaukwa.

1 SAMUEL 29:4

A'nogo yagaisasikheba nen he, it Filistin mene sikhe fisogo mene inogogwi panglima omanogo nen Akhis oba inoba harorogo wenageti logolik, ”Ap andi re haren o kota wogeten oba omanogo loakhogo yagaom o. Athe nit weim yafunem andoma ninanggele'ma nen nit lalninabinogore nit ninom seberogo weim yabi lagain lego. A'nogo yafi logolik andi re aren iaple agama iluk oe raja endawi waganogo iluk aren nit ninagoromi ekhe inoasinogo o.

1 SAMUEL 30:14

Niren he o afuni Kreti inap inanggweangma o Yehuda nen abel a'ma selatan fikhit andoma inom, it ap Kaleb unggulenu mene werek fikhit andoma inom, pin kwi lagosik he, o kota Ziklag inom he mondogat endu fato o,” iluk yagatikhe.