1 SAMUEL 3:6 - Allah Wene Fano Wene Hupla Inane

^6-7 A'nogo nogo i wagaikhemo, Tuhan nen, Samuel hobuk woletikhe meneat he, Samuel Allah inom ambi agu aple onggot andi nen he ebe furogo, ”Neisena Tuhan nen wolnafe,” iluk futfigi'lek wongetfesikhe. Andi nen he, at Samuel eluk agaikhesik, ap Eli hobuk ha lagaikhesik he, mel yagatikhe: ”Wolnafen andi nen wagi o, neisena,” iluk yagatikhemo, at Eli nen he, ”Namlogo e. An hat wolhafi lego. Hambotkwe nogo i lan o,” iluk yagatikhe.

1 SAMUEL 3:6 ပူးပေါင်းရင်းမြစ်များ

KEJADIAN 43:29

A'nogo hilingitukwasik at Yusuf en agot Benyamin a'nogo eilenggen hasikhesik aren ikhi logolik, ”Hiren hinagot elabo mene faget an yaganetep a'nogo yi a? Namlogo e, Allah nenat fanot hafi logouwak,” iluk yagatikhe.

2 SAMUEL 18:22

A'nogo lakfesikhemo at Ahimaas nen Yoab mel yagatikhe: ”A'nogo lakfegen meneat he, an nen yagasi lagaluk yagaheti aro,” iluk yagatikhemo, at Yoab en he, ”Namlogo e, at laga meneat he, hat lagaluk ningsegat ikhi lagen andi nenahalok?” iluk yagatikhesik, mel yagatikhe: ”Hat yonggo lagain andi faget, aren heisok onggo wokhesigin mondok lego,” iluk yagatikhe.

MATIUS 9:2

ap ekhe enggi eisok mondok wut warek welagaikhe mene e talek oba wengik werek kwelek yerogo waluk oba wagaukwama, at Yesus nen he, ”It andi inendawinggen an noba himbiret fagasigen waluk wagaikha higi,” iluk, eilenggen enegat isasikhesik he, ap enggi eisok wut warek mene a'nogo mel yagatikhe: ”Namlogo e. Hendawimo hagaiyek ame o. Hat weak hilingiti lagen mene re, an nen sebelogo legetfisigi,” iluk, yagatikhe.

1 SAMUEL 3:5

A'nogo yagatikhesik, ap Eli oba weak-weak lagaikhesik he, mel yagatikhe: ”Wolnafen andi nen wagi o, neisena,” iluk yagatikhemo, at Eli nen he, ”An he wolhafi lego, namlogo. Hambotkwe nogo i lan,” iluk yagatikhemo, hobuk nogo i wagaikhe.

1 SAMUEL 4:16

Were'ma, ap a'nogo nen ikhi logolik, ”An he, weim yafaba nen humusek yogondak yaat wagarigo,” iluk yagatikhemo, at Eli nen he, mel yagatikhe: ”Namlogo wene re ninggi'nogo,” iluk heinok wokhasikhe.