1 SAMUEL 3:19 - Allah Wene Fano Wene Hupla Inane

¹⁹ A'nogo yagatikhesik oba nen, at Samuel ebe mondok alue aga lagaikhe. A'nogo alue agu kwelek, At nineisena Tuhan fisogo mondok logolik, at Samuel en wene ugu mene mondogat eberogoat mene nek hilinglaga logouwagaluk hilingfikhi lagaikhe.

1 SAMUEL 3:19 ပူးပေါင်းရင်းမြစ်များ

KEJADIAN 21:22

Andem higit ap raja Abimelekh agoromi tentara inoe panglima enu Pikhol inom Abraham ambit wagaikhesik yagati logolik he, ”Hat he, yi'nogo ti'nogo hilingitunem Allah nen higithogo lebethili'lago,

KEJADIAN 28:15

Wene yi hendawimo eberek mondok logoino. An nen fetharek logolik, lebethiikhi logogin o. Hat koma kwe lagen halok, An nen o kweang yibaat wokharek wesigin. An wene watheti mene andi ebe mondogat hilinglasuageluk, an nen hat kofologo herakhobagagi'lek setharek mondok logogin o,” iluk yagatunem abi hasikhe.

KEJADIAN 39:2

Onggo palhikhemo, Yusuf Potifar o Mesir mene andi amingmingengge logolik, aiba andoma yi yabu ti yabu hilingitunem nineisena Tuhan nen serogo logolik lebethikhi lagaikhe andi nen he, higithogo nek hilinglaga lagaikhe.

KEJADIAN 39:3

Yi yabu ti yabu fano nek hilingitunem, at Potifar en, ”Egi! Heisena Tuhan Allah nen set harek logolik lebethili'logo higi,” iluk Yusuf oba liogeratikhesik at eabu faget hilingiti logouwageluk menfesikhe. Menfesikhesik, angge yi mene ti mene enggiba logolik, againafuri tegelinafi logouwageluk eabu wogotikhe.

1RAJA-RAJA 8:56

”Tuhan Allah nen, nagainafuri fanorinafi logogin, iluk wene warisasigin mene, hamingmingengge Musa nen yagaisasikhe hagat, ebe tiphogo hagainafuri fano lioksek mondok logouwagaluk hilingninafiginmo welago andi nen he, fogethafi lago o, neisena. Wene haren wa'nisasigin mene andoma mondogat he, ekhe sugi agi'lek, eberogoat tiphogo nek hilingninafi lagen.

2 RAJA-RAJA 10:10

Nen, ari re Tuhan nen at amingmingengge Elia bene nen isikhe mene a'nogo higit aga ari. Nen, a'nogo hilinglaga ariba nen he Tuhan nen at Ahab againafuri inom iren tagongge mene inom faget ikhe mene a'nogo eberogo hilinglagama enegat hogo o,” iluk isikhe.

2 RAJA-RAJA 22:16

An nen hobuk afuni Yerusalem welagaikharek mene mondogat wene inoba fagain mene, buku lisu palek meneba noe raja haren yogondagat enu salhen andi higithogoat inoba fagain o.

YESAYA 43:2

An he hit afuni Israel mene hineisena Tuhan Allah tegelek mondok logolik, hinebe telhinafirek mene a'nogo nen hat hebe fetharek logogin andi nen he, hat hebe i obakhe tekhogo palhik, i som lagik, ugunem i nen wokhabigin legat. Nen, endu amulok anggelekwe lagain mene re, hebe endu nen nagain legat. Nen, yi wene ti wene enggin mene hoba asigin mene re, andi nen hebe weaget habigin legaro. Hat hebe hagap telogo re afuni Mesir mene fisigimo werek, nen afuni Sudan mene inom, Syeba mene inom he, hat hobali'mo inebe inoasuagaluk fisigimo werego.

YESAYA 44:26

An nenat, An namingmingengge mene nen wene ili lagwi mene andoma omamet figik, hilingitu mene iluk werek mene omanogo An nayonggo mene nen inamolo anggagarek mene omanogo hilingitik, ikhi lagagi. An nen ikhi logolik, o Yerusalem hobuk ambotkwe afuni logogun o, nen o Yehuda ba kota-kota andoma re An nen ambotkwe wusigin, meisalhigik laga mene andoma hobuk obalikwe menegeisogo wurik lagain.

YESAYA 55:11

andi hak he, An nane ikhi lagi mene andoma re, we alomarogo ambotkwe sugulogo An noba wesigin lego, meneat he An nendawimo anggigirek mene a'nogo ambisangma higithogo hilinglagik, nen An nen a'nogo asuak anggigirek mene omanogo higithogo tip igik igin o.

MATIUS 1:23

At andi nen he: ”Hele silerik ekhe omalik a'ma asimbik he, eak abat takhagain o. Ta'laga halok he, nit ninaneba, Allah ninom welago, u hak, enu Imanuel ikhi logogun,” iluk lisu palogo fesikhe mene higithogoat hilinglagaikhe andi.

LUKAS 1:28

Lakfei wagaikhemo re, at malaikat helenggerek a'nogo oba wagaikhesik he, mel yagatikhe: ”Maria nerei e! Allah nen fano mondok mene wokhesigeluk hemberek welagebo,” iluk a'nogo isikhemo re,

LUKAS 1:80

Nen, at Zakharia amlogo a'nogo ebe alue agaikhesik endawinggen mondok wurik agaikhesik, afuni Israel mene oan eilenggen isa lagi'lek logolik he, o leimo afuni mondok le'ma andoma welagaikhe.

LUKAS 2:40

Lagai wagaukwasik logolik, yenggerek a'nogo alue aga logolik, ebe omame agik, endawinggen mondok kagalek mene hilinglagik ikhi lagaikhemo, Allah nen agaugwerati lagaikhe.

LUKAS 2:52

Nen, at Yesus a'nogo logolik, ebe alue agik, endawimo kagalek mondok hilinglagik, ugu kwelek, eisena Allah inom, afuni inom, at faget inoba liok ikhi lagaikhe.

2 KORINTUS 13:11

Nerugwi, nagaila'lak. Wene wurep kobokhogo ekhe yi yagahisak. Hinendawinggen hinagaiyek anggigik, hinendawinggen katokhogo wurigetfakhigik ikhi logoino. Wene komothinabik wagi andi, hinesanggo fanorogo holino. Hinendawinggen misigat logolik, hinom lambukhogo logoin o. A'nogo hilingiti logogun halok, Allah afuni endawirinafik, inom lambukhogo fanot fisigik, ikherek mene a'nogo nen kwelakhinarek logogin o.

ULANGAN 18:22

Ap ekhe Allah ane yagaisikherek mene nen wene hobuk hilinglasigin mene faget nineisena Tuhan enu uluk yagaisagain meneat he, ebe hilinglagi'lek halok he, wene andi nineisena Tuhan nen yagatemo ikhe igin lego. We, at andi nen wene at onggwarek enu uluk igin andi nen he, hit at ebe hinailorogo logogun lego,” iluk yagaisasikhe.

2 TIMOTIUS 4:22

Ninoe Enupogot obabut fano a'nogo nen fetharek welagik, nineisena Allah fetninarek welagarek mene a'nogo nen hinebe mondogat fanothinafik, ikhi logouwago.

YOSUA 21:45

Tuhan nen wene warisasikhe mene omanogo misik ekhe taganet figi'lek mondok higithogo nek hilingfisasikhe.

HAKIM–HAKIM 13:24

A'nogo yagatikhesik welagaukwasigen, at Manoah agwe a'nogo eak ap takhasikhesik enu Simson salhikhe. A'nogo tatikhemo, omalik a'nogo alue agu kwelek, Tuhan nen ebe fanot fikhi lagaikhe.

1 SAMUEL 10:7

A'nogo mondogat hilinglagunem hegen halok he, Allah hat setharek mondok logogin andi nen, haren he, Fano yi'nogo hilingisugun, iluk anggegen halok he, andiat hilingi'no o.

1 SAMUEL 12:2

Yethani, an nebe alageba nen pikhit yogondak huli fethinarek logolik, nagainafuri taginafi mene arat inalue agaikhasik hinom welagep yi. Andi nen he, an yogondak arat yaman agarik, nesi helel mondogat wulife andi, o yogondak huli nen he, ap an nen menfigi mene yi nen fethinarek logogin o.

1 SAMUEL 16:18

A'nogo yagaisasikhemo holhukwasik, at aminmingengge ekhe nen he, ”Ap enu Isai aiba Betlehem mene andi amlogo gitar watu elu mondok mene. At andi obabut tentara logolik weim ailo lek hilingiti logou hak mene. Obabut oba inom, elokheba inom mondok fano. Wenenggak fano ikherek mene. A'nogo ugunem, at nineisena Tuhan nen lebethugu mondok welagarek mene were'ma higi o,” iluk yagatikhe.

1 SAMUEL 18:12

A'nogo hilinglagaikhemo, at Saul endawimo nen he, ”Nineisena Tuhan nen an herak nobagaikhesik, Daud enek he, serogo werek higi,” iluk futfesikhe. Andi nen he, at Daud faget hobuk a'nogo hilingisu re, ailo agaikhe.

1 SAMUEL 18:14

Nen, at Daud nineisena Tuhan nen lebethugu kwelek nogo nen he, yi aple ti aple hilingitunem, fano nek aga lagaikhe.

1 SAMUEL 18:5

A'nogo wogotikhemo, at Saul en he, Daud ekhe aple ekhe aple hilingisuagaluk enggiba fesikhe mene mondogat fanorogo nek hilingiti lagaikhe. A'nogo hilingiti lagaikhe andi nen, at Saul en he, tentara mene inoe perwira at Daud logouwagaluk menfesikhe. A'nogo menfesikhemo agoromi tentara mene mondogaren inom, amingmingengge nen inom, at Daud ebe inendawi hundik mondok welagaukwa.

1 SAMUEL 2:21

A'nogo hilingitunem, At Allah nen Hana fanotfesikhemo, eagwi ap inebe henagan, nen helime inebe pire taginafikhe. Nen, at Samuel a'nogo re, ebe ekhe inom alue aga logolik Allah obaget hilingiti lagaikhe.

1 SAMUEL 2:26

It a'nogo weak hilingitu kwelek meneat he, at Samuel a'nogo nek he ebe alue agu kwelek, Tuhan nen inom, afuni mondogaren inom, at faget inoba liok ikhi lagaikhe.

1 SAMUEL 9:6

A'nogo yagatikhemo, at amingmingengge a'nogo nen he, ”Ah, nenangot hambigen, ap o kota yi mene ebe Allah amingmingengge mene re, wene aren ugunem sugi agi'lek tibenek ugunem afuni nen agaugweratarek mene ekhe werego. Halok he, aren wam keledai longgoikhe mene andi, koma werek, iluk yaganisagain enggere, at oba louwogo,” iluk yagatikhe.