1 SAMUEL 3:17 - Allah Wene Fano Wene Hupla Inane

¹⁷ A'nogo yagatikhemo, at Eli nen he, ”Nineisena Tuhan nen wene ninggi'nogo mene yagahete. Yagahete mene andi mondogat an yaganom o. Haren an yaganeti'lek ekhe hinaten halok he, nineisena Allah nen wene eberogoat enggin mene hoba fagain o,” iluk yagatikhe.

1 SAMUEL 3:17 ပူးပေါင်းရင်းမြစ်များ

2 SAMUEL 14:18

A'nogo yagatikhemo at raja nen ikhi logolik he, ”An nen amu mene ekhe heinok wokheagain enggere haren higithogo nek ino,” iluk yagatikhemo, at he a'nogo nen ikhi logolik he, ”Yaganom o,” iluk yagatikhe.

2 SAMUEL 19:13

A'nogo lakfisa waga logolik, ap Amasa oba yi'nogo yagasuageluk lakfisa wagaikheat: ”Hat hebe an nagailak lek nogo! An nen o yogondak huli nen hat hebe an nagoromi tentara mene inoe ap Yoab obulu'mo menhobagagin o, nen lek halok he, At Allah nenat nebe noasuago, iluk ikhe,” iluk yagasuagaluk lakfisa wagaikhemo wagaukwasik, yagatukwa.

2 SAMUEL 3:35

Linggene inukhogo aben Daud oba sumburu endebengge ekhe nan iluk koni kwikhi lagaukwaba nen he, aren hombuk palhi logolik he, ”An nen o mo ubuk igi'lek werek kwelek sumburu nagain halok he, At Allah nenat an nebe pinggi noasuak!” iluk hombuk palhikhe.

2 SAMUEL 3:9

An he at Daud ebikhit a'luk hilingiti logogin. Tuhan nen ogo at abok wene yagati logolik he, kerajaan arire Saul oba nen inom, at againafuri inoba nen inom waganogo re Daud afuni Israel mene inom, Yehuda mene inom faget raja logouwageluk menhobagagin, iluk yagahete hilingi'mo re. An nen At Allah nen Daud oba abok wene warete mene andi hilingisigin lek halok he we At Allah nenat an nebe noasuago!” iluk isikhe.

1RAJA-RAJA 22:16

A'nogo yagatikhemo, at Ahab en he, ”Haren yaganeti logolik, Nineisena Tuhan enu hombuk palogo wene sugwi asigin mene lek, ebe asigin meneat yagaheti lagi o, iluk Allah enu hombuk palogo yagane'nogoluk henggi miren oba komotnabigin nogo?” iluk yagatikhe.

2 RAJA-RAJA 6:31

A'nogo laberogo laga logolik, mel isikhe: ”An nen at Elisa Safat amlogo andi yogondak yaat alonggop palogo wati'lek halok, Tuhan nen wene enggin mene an noba fouago,” iluk ane hokhorogo ilik lagaikhe.

MAZMUR 141:5

Ap fano mene ekhe nen an nenggali warogo nobagaluk, endawi fano nen komotnafu halok, andi faget an nendawimo nen he amusu fano mene hangge anggikhi lagi. Iren ina'mageba hilingiri'lagwi mene andi faget he hundik-handik samban ikhi lagi hilingi'mo re, andi faget an nen herak fou lek hak.

YEREMIA 38:14

A'nogo were'ma linggene ekhe sambul he at raja Zedekia nen ap miminginafi logolik an nebe wo'narek at were'ma Tuhan aiba nen kwe ambe henaganek meneba loageluk ikhemo lagimo nen he, aren an noba yaganeti logolik, ”An nen hat hoba wene ekhe heinok wokheagain enggere haren ekhe sebelhi'lek weinamhogo nek yagane'no o,” iluk yaganete.

YEREMIA 42:4

A'nogo agama an nen onggo ikhi logolik, ”Ariginik halok he fano egebo, hiren kino yaganetep mene andi an arat wanhi o. An nen he nit nineisena Tuhan Allah a'nogoba samban igin, nen Aren onggo yi'nogo iluk yaganetu halok he an nen mondogat yagahisagain o, we misikhogoluk ekhe an nen hinasigin lek!” iluk yagaisigi.

DANIEL 4:19

A'nogo yagatikhemo, at Daniel enu ekhe Beltsazar ikhi lagaukwa mene a'nogo nen wene andi esanggo holhikhesik youk lagaikhesik he, ailo mondok agaikhemo inukhogoat endawimo ebetu welagaikhe. A'nogo were'ma, at raja Nebukadnezar en mel yagatikhe: ”Beltsazar, an nabi higi mene andi faget inom, ebe yi'nogo hilinglasigin mene faget hegenma iluk yaganesigin andi faget inom, nailo e, iluk anggagun o,” iluk yagatikhe. A'nogo yagatikhemo, at Beltsazar en he, ”Noe. Hat habiba hilinglagunem yethegen andi ebe re it haselei mene inoba hilinglasumo re fano, noe hat hoba hilinglasi nogo.

MIKHA 2:7

Nit afuni Israel mene re Tuhan nen homan ninoba fikhemo welago nogo a? At Tuhan nen a'nogo hilingninabu hak nogo? Lego. At obabut he, afuni inobabut fanorogo hilingitarek mene inoba ane sakhorogo yagaisikherek lek iluk a? Yagaisikherek enego,” iluk yaganeri'lagwi.

BILANGAN 23:17

A'nogo lakfei wagaikhemo wagaikhe re, Balak ebe anggo warogo nolhikheba aremnogoat mendek welagaikhe, nen it afuni Moab mene inogogwi omanogo inom were'ma wagaikhemo, at Balak en he, wene Tuhan nen isikhe mene yagasuageluk heinok wokhasikhe.

MATIUS 26:63

at Yesus ane igi'lek kamo isikhemo re, at ap kain Allah eisewerek mene a'nogo nen he, ”Allah amlogo Kristus lakfei wesigin isukwa a'nogo, ebe hat halok he, yaganisanok iluk, at Allah eluk mondok welagarek mene enu hombuk palogo yagaheti o,” iluk yagatikhemo,

RUT 1:17

Koma nen hat hebe wa'lagen halok, an nebe andomaat wa'lagunem kweangma salnabugun namolo o. Ninebe wa'lago halok enek he ninamu-ninamu asugun o. Ma re, an noan herakhobagaluk nale'ma lagi halok, Tuhan nen wene mondok engginhogo noba fouwago,” iluk yagatikhe.

1 SAMUEL 14:44

A'nogo yagatikhemo, at Saul en he, ”Namlogo e. An nen hat hoasuageluk wene hoba figi'lek halok, nineisena Tuhan nen an wene enggin mene noba fouwago,” iluk yagatikhe.

1 SAMUEL 20:13

Nen, elokhe age logolik hat hoasigiluk mene hangge werek halok he, hat hebe heise lanogen iluk wene warogo hoba lakfei wesigin aro. Mene re, an a'nogo hilingisigin igi mene andi ebe hilingiti'lek halok, nineisena Tuhan nenat an nebe noasuago. Nineisena Tuhan nen an neisena lebethikhi laga hagat harogo lebethiikhi logouwago.

1 SAMUEL 25:22

An nen ap mene nek o andoma werek mene o mo liabi wagi'lek kwelek andem inoasigin halok he, we At Allah nen enek an noasuak!” iluk wenggelik wagunemen ambi agaukwa.

1 SAMUEL 3:16

A'nogo kamo isikhe meneat he, at Eli nen Samuel woleti logolik, ”Samuel namlogo e,” iluk woletikhemo, aren he, ”Wui, neisena,” iluk yagatikhe.