1 SAMUEL 29:6 - Allah Wene Fano Wene Hupla Inane

⁶ A'nogo yagatukwama, at Akhis nen Daud wolhasikhesik yagati logolik he, ”Tuhan eluk welagarek mene enuba, haren an nane hologo higithogo hilingiti lagen mene andi faget he nagaiyek anggikhi lagi o. Nen, hat hebe an ninom weim yafunem yi re, nombo'nerogo ninom yabi kwilo andi re nagaiyek anggikhi lagi. Hat an were'ma wagagin huli nen yogondak huli andi haren weak ekhe hilingiten mondok lek. Oba nen it kaindek amu mene oma nen he hat faget inabit anggili'lagwi o.

1 SAMUEL 29:6 ပူးပေါင်းရင်းမြစ်များ

KEJADIAN 16:6

A'nogo wenagetikhemo, at Abram en he, ”Fano, at faget he, hat hamingmingengge atma honggwaregenat iginmo re, hat hendawimo hamolo anggegen higithogoat hilingi'no o,” iluk yagatikhemo, at he Sarai nen he, he Hagat wiik-weakhogo hilingfesikhemo heise wulifikhe.

2 SAMUEL 3:25

At Abner waga andi re neisena hat hebe lalhabigiluk waga o, nen neisena haren hilingisigiluk wenggelek welagen mene a'nogo elu asigeluk inom, hat hebe ninggi'nogo welagen iluk inom eil penesigiluk wagama nen hilingiten o,” iluk yagatikhe.

2 RAJA-RAJA 19:27

A'nogo hilinginafi lagen meneat he, hat hebe o yi awi ti awi laga logolik hilingiti lagen mene inom, kwe nikhi lagen mene inom, mondogat he An nelu o.

MAZMUR 121:8

Hat wesigiluk wagunem inom lageluk lagunem inom Aren kagalharek logolik yogondak inom hobuk inom, setharek mondok logogin o,” iluk wuni watukwa.

YESAYA 37:28

Oba nen he hit hinoba yi'nogo ti'nogo hilinglasigin mene andoma mondogat he An nelu aro. Nen, hat laga lagen kwe inom, hilingiti lagen mene inom, andoma re An nelu nego. Nen, haren hanini An noba fikhi lagen mene ogo An mondogat nelu welagi.

YESAYA 65:16

Afuni o kweang andiba logogun mene inebe lombogen fanot fisoageluk kinoti logogun, Allah tiphogo nek hilingiterek mene a'nogo nen fanoabet fisoageluk yagati logogun. Nen, afuni inebe lombogen hombuk palugun iluk he Allah tiphogo hilingiterek mene a'nogo enuba hombuk palhi logogun. Andi re ou hokho mene o attak hikhi lagaukwa mene a'nogo mondogat legasimbik inonggot asumo hilingiti logogun o,” iluk, ikhe isikhe.

YEREMIA 12:16

Iren ambi inendawinggenma nen eberogoat iluk wene An nagainafuri nen An fogetnafi logolik hilingiri'lagwi mene a'nogo waniluk, iren An Tuhan neluk mondok welagi mene a'nogo nenuba hombuk palogo, attak iren An nagainafuri inoba yanggulinafi logolik Baal oba hombuk palini iluk yagaisikhi lagaukwa hak, An noba a'nogo hilingitu halok he, it andi ogo An nagainafuri mene inom sebere'ma it ogo inenggi werekhogo logogun.

BILANGAN 27:17

It weim yafi logolik, at andi it inoe kain kabelek mene hilinglasimbik logogin namolo nen yagaheti o. Hat hagainafuri yi, wam domba afuni konharek mene le'ma welagarek andi hak herakfisagun o, neisena,” iluk yagatikhe.

MATIUS 5:16

Andi hak he, hit fano hilingitunem, it ekhe nen he: It fano hilingiri'lagwi, iluk hineisena pogoroba mene a'nogo fogerasuagen he, hit afuni ineilhanem andi hanggeat selekhogo logoino o,” iluk yagaisasikhe.

ULANGAN 10:20

Hiren he, nineisena Tuhan Allah agaugwerati logolik, At faget enek hilingiti logoino o. Hit hinebe At amu nek oba lombokhogo logolik, At enu nek hombuk palhi logoino o.

YOSUA 22:30

Yagaisasikhemo re it ap inunggulenu Ruben, Gad, Manasye mo ero fikhit mene omanogo nen tindelogo yagaisasikhe mene omanogo imam agung mene enu Pinehas inom it Israel mene inogogwi kaindek mene inebe 10 nen i Yordan aik fena mo ubuk ikherek fikhit mene omanogo inendawimo nen eberogo anggasukwa.

1 PETRUS 2:12

It afuni endakwe mene Allah inonggot mene hinom logolik, iren he, hit weak hilingiti lagep mene halok, ”It weak hilingiri'lagwi o,” iluk hinabok weak ikhi logoligat he, hit hinobabut fano hilingitunem ineilenggen hisikhi logombik he, afuni nen at Allah ebe hobuk wagunem fogerasuageluk hit hinobabut higithogo hilingiti logoino o.

1 PETRUS 3:16

hinane liokhogo hai warogo yagaisikhi logoino. A'nogo yagaisikhi logolik, hinendawimo nen he, ”An wene noba selego,” iluk anggikhi logolik, Kristus hinom hundik logolik, fano hilingitunem, afuni nen hinabok weak palugun mene andi ineilenggen hisaluk inenggali asuguno.

1 SAMUEL 20:3

A'nogo yagati lagaikhemo, at Daud en he, ”Haren an hendawi hundik mondok welagen andi, at Saul elu mondogo. Andi nen he, hat an faget hendawimo weak asinogoluk, wene andi aren hat yagahesigin mondok lek anggigi o. A'nogo meneat he, nineisena Tuhan eluk mondok welagarek mene oak. An nebe yogondak yaat wa'lasigin horogat agama welagi andi eberogoat yagaheti o,” iluk yagatikhe.

1 SAMUEL 28:10

A'nogo yagatikhemo, at Saul en he, ”Tuhan eluk welagarek mene oak. Haren a'nogo igin andiba wene hoba fogoin mondok lego, iluk hombuk palogo wene watheti o,” iluk yagatikhe.

1 SAMUEL 29:3

A'nogo wagunem it Filistin inap sikhe fisogo mene inogogwi panglima kain mene omanogo nen isasukwasik ikhi logolik he, ”Ap Ibrani inap andire yoma re ninggi'nogo halok werek?” iluk heinok wogisasukwama re, at Akhis nen onggo yagaisikhi logolik he, ”Yire Daud attak at Saul it Israel mene inoe raja obaget pegawai welagaikhe mene a'nogo. At ebere we aninurogoat an ninom yoma welago o. Nen ebere yoma wagaikhe huli nen engge yogondak huli andi re aren weak hilingite mene iluk ekhe hikhi lagi lego,” iluk yagaisasikhe.

1 SAMUEL 29:7

Enggere haiba we selekhogo lan o, nen it ina'mage lagouwageluk amu mene ekhe hilingisu fugo,” iluk yagatikhe.

1 SAMUEL 5:8

A'nogo isukwasik, afuni Filistin mene inogogwi kaindek inebe 5 nen omanogo andogosi wesuagaluk inayonggo fesukwa. Inayonggo fesukwama wagaukwama re, mel yagaisasukwa: ”Afuni Israel mene ineisena Allah nen Peti Wene Warogo woginafikhe iluk hilingik mene andi ninggi'nogo hilingisugun anggegep,” iluk heinok wogisasukwama, iren he, ”O Gat andoma lakfeino o,” iluk yagaisasukwa. A'nogo yagaisasukwama, afuni Filistin mene inaiba kota ekhe enu Gat andoma lakfesukwa.