1 SAMUEL 29:11 - Allah Wene Fano Wene Hupla Inane11 A'nogo isikhemo ohealek hubet siakhogo re, at Daud inom, at agoromi inom he o afuni Filistin mene inaiba omanogo wagaukwa, nen it Filistin inap sikhe fisogo mene omanogo re o Yizreel andoma lagaukwa. အခန်းကိုကြည့်ပါ။ |
A'nogo lagaukwasik he linggene pire welagaukwasik at Daud inom, agoromi omanogo inom sugulogo o kota Ziklag lagaukwa. It inebe omanogo lagaukwasik hilingitunemen he ap Amalek mene re o Yehuda abel a'ma selatan fikhit andoma pin kwi wagaukwasik he, o Ziklag a'nogo inom inoasi wagaukwa. Iren he ap misik iluk ogo ekhe inoatukwa lek meneat he, o kota a'nogo abirengge endu fikhi logolik he, kwe pikhit louwogeluk hemi inom, yenggerugwi inom, afuni fena inom hele warogo woginarek lagaukwa. Nen, iren he at Daud eisok erokwe mene mondogat inom, nen at agoromi ineisok erokwe mene mondogat inom, hele warogo woginarek lagaukwaat. Nen, a'nogo laga logolik he at Daud agagwi inebe pire hele Ahinoam inom Abigail inom aremnogo ogore inomat woginarek lagaukwama re, at Daud inom agoromi inom he inendawinggen warugu mondok logolik he leagu werek kwelek enek he inoba mondogat lebelek agaikhe.