1 SAMUEL 28:8 - Allah Wene Fano Wene Hupla Inane

⁸ A'nogo yagatukwama, at Saul ebe elokhe munenogo re ap inebe pire mene inom lagaukwasik, he heinogengge mene a'nogo aiba o hubanggo kwisukwasik at Saul en he a'nogo mel yagatikhe: ”Ap ekhe wa'lagaikhe mene nen he, yi'nogo hilinglasigin iluk yaganesuagaluk wole'nogen he, enu yagahesigin o,” iluk yagatikhe.

1 SAMUEL 28:8 ပူးပေါင်းရင်းမြစ်များ

1RAJA-RAJA 22:30

A'nogo inoasuogoluk laga logolik, at Ahab en Yosafat mel yagatikhe: ”An nebe ap amu mene hangge hilingisogo re, weim eilem yabi lagain o. A'nogo meneat he, harenek he, hasu ap raja lak itarek meneat igisogo lano o,” iluk yagatikhe. A'nogo yagatikhesik, afuni Israel mene inoe raja Ahab ap amu mene hangge munenogo hilingfesukwasik weim yabi lagaikhe re, a'nogo.

1RAJA-RAJA 22:34

A'nogo herakfisasukwama, ap tentara Siria mene ekhe tok, we, furogo re lek oba nen, we hesangge pisinghogo lakfei wagaikhe re, ap Ahab asu weim su yaferek mene elugun warekwe a'nogo nen hi'heagengge oba hundik welagaikhe. A'nogo hundik logolik, at Ahab en he, ”Eige. An noata o,” iluk ane hokhorogo agot ekhe kereta waluk lagaikhe mene yagati logolik he, ”Weim yafunem yoma nen nambotkwe wo'narek wulibi lan o,” iluk yagatikhe.

1 TAWARIKH 10:13

Saul ebe wa'lagaikhe andi re, aren Tuhan oba tiphogo hilingiti'lek, Nen Aren awene melalek yi'nogo hilingiti logoin o, ti'nogo hilingiti logoin o, iluk yagatikhe mene a'nogo hologo hilingiti lagaikhe lek andi nen. Nen, ekhe re at Saul en an ninggi'nogo hilingisigin iluk, At Tuhan nen yaganesuageluk, kino igi'legengge re, aren it ap wa'lagaukwa mene inaheimenggeba kino ilaga lagaikhe. Andiba re, at Tuhan nen wene oba fesikhesik he at raja mendek logolik welagaikhe ba obali'mo a'nogo re hun Isai amlogo Daud a'nogoba wogetikhe.

2 TAWARIKH 18:29

Lagaukwasik he, ”Hat he su hebe raja logolik laberek welagen mene a'nogo laberogo logoino, nen an he ap we mene hakhogo asimbik hinak-hinak it ari ninom weim yabi kwigin,” iluk yagatikhesik he at raja Israel mene a'nogo weim yabigiluk he, hinak-hinak inom yabi kwisukwa.

2 TAWARIKH 35:22

Oba nen he at Yosia re Allah nen raja Nekho bene nen isikhe mene a'nogo hol figi'legengge re, a'nogo omame agaikhesik ninom walhogoin iluk hilingiti lagaikhe. A'nogo hilingiti logolik he, at Yosia a'nogo afuni nen fu'nobagai nogoluk elokhe kwe munenogo hilingfesikhesik weim yabigin iluk yandalonhogo o Megido tonggoma andoma kwi lagaikhe.

YESAYA 8:19

Oba nen afuni ekhe nen yi'nogo yagahisogoin, it heinogengge nen inambe lebetik, inane nguluk habuk igik agarek mene andoma inoba heinok woginabi lani. Ninebe nineluk welago mene faget heinogengge inoba laluk he ap warek mene heimenggeba inanema woginabi lamo higit nogo a,” iluk yagahisogoin o.

YEREMIA 23:24

An he yi kwe ti kwe pogoroba inom, kweangma inom welagirek enek hilingi'mo re, ap misigen ekhe An nelokhoma nen hina'lasumo re elo'lek.

YOHANES 3:19

Nen, Allah nen wene inoba fikherek andi re, ebe yi'nogo. An nen selegerinafirek mene nebe arat kweangma pi wagagi meneat he, afuni inobabut weak hilingitarek andi nen he, At selek andi ninabiro. Athe, o mum andiat ninamolo, iluk inendawimo anggagarek.