1 SAMUEL 28:6 - Allah Wene Fano Wene Hupla Inane

⁶ A'nogo ailo agaikhesik, Tuhan nen, ”Yi'nogo hilingi'no,” iluk yaganesuageluk he, abiba ogo, oagengge hukhagarek mene enu Urim, Tumim oba ogo, athe, ap Allah ane yagaisagarek mene inoba ogo, ekhe yaganesugun hea iluk kino yagatikhe mene re, at Allah nen onggo yagati'lek kamo isikhe.

1 SAMUEL 28:6 ပူးပေါင်းရင်းမြစ်များ

2 SAMUEL 22:42

Iren inane kweri'lagwi mene at he, ap ekhe nen ogo leberisagarek legaro. Nen, iren Tuhan oba hombuk palharek mene at he, Aren onggo yagaisikherek legaro.

MAZMUR 74:9

Nabi inom, elalin hilingiri'lago mene omanogo inom he elokhe endephogo ekhe weinam ari'lago lek, nen o yoma andem huli a'nogo nek logogin iluk he ap misigen ogo ekhe elu werek lek.

KELUARAN 28:20

Asiok enggaminogo nek meneba re helep pirus, yakut, ratna cempaka meneba to'mot feino. Permata nesanggo nen andi re no emas oba puget feino.

KELUARAN 28:30

At Harun An were'ma kwikhi logolik he, Urim inom, Tumim inom, andem amik sebelek mene aremnogoba fikhi logogin. Aren a'nogo andem higit oba hilingiti logolik he, afuni Israel mene inobaget An nendawimo anggikhi lagi aple andi elu asuageluk aren hundik-handik amik sebelek mene andi labeti logogin,” iluk yagatikhe.

AMSAL 27:1

Hiren o hobit hilinglasigin mene faget hinonggot welagep andi nen he, hinonggwaregen anggikhi lagep mene andoma faget leget fakhikhi logogubo.

YEREMIA 23:28

Ap nabi inabi wokhagarek mene andi nen he, ”Yi re nabi wokhigi o,” iluk ikhi logou mene. It he nabi An nen nane ugu mene holiluk halok he wene andi ibi-eberogo mene nek yagaisikhi logou mene o. Gandum he jerami inom higirap esumo re elo'lek.

RATAPAN 2:9

Kwe ambe hokho mene palek kwe omanogo mondogat he kweang en salhe, e nunggulik sobangsek mene omanogo sombologo pikhe; raja ebe inom, it pemerintah ba yabu legoma hilingitarek inap omanogo inom he, mondogat huginabi lagaukwaba omanogo lagaikhasik werek. Tuhan awene melalek omanogo yanggulinabi'lagwi lek, it nabi re Tuhan nen ogo husumbi ekhe yagaisili'lago legat.

YOEL 2:28

A'nogo yagaisasikhesik ekhe mel isikhe: ”A'nogo hilinglasimbik oba nen An nawi andi wei ugunem he, Nareagun hokhorogo afuni mondogat inoba pelagisa wesigin o. A'nogo pelagisa wesumo re inagainafuri ap inom, helime yenggerugwi inom, inomen an nane yagaisikhi logogun. Nen, inaluendek hinanggelekwe logogun mene andoma inabi higik, ap souge inom, helime silerik inom inabikanggoba yagaisigik, ikhi logogun aro.

IMAMAT 8:8

A'nogo puget fesikhesik, at Harun oba amik sebelek mene puget fesikhesik, amik sebelek mene a'nogoba re Urim inom Tumim inom, aremnogo kwelakfesikhe.

MIKHA 3:7

It ap ekhe wene hobuk hilinglasigin mene iluk yagaisagarek mene andoma inom, nen it ekhe inendawinggen wenggelasuageluk ekhe mene-ekhe mene hiligitarek mene andoma inom he, hobuk Allah nen it inoba ane onggo yagaisagain mondok lek andi nen he, inenggali asimbik inelha pigin o.

BILANGAN 12:6

mel yagaisasikhe: ”An nen wene yagahisagain yi hinesanggo holini o. Ap hit mene nen An nane yagaisagarek mene were'ma, An hineisena Tuhan nebe inabikanggoba inelokhoma menlagik, wene inabiba yagaisigik, igirego.

BILANGAN 27:21

Wogetunem he, at Eleazar en An namolo mene elu asigeluk inendawi wenggelagarek mene enu Urim inom Tumim inom wanimbik he, An heinok wo'niikhi logouwak. Heinok a'nogo wo'niugunem he, An nen yagasigin mene, at Eleazar en Yosua inom, afuni Israel mene mondogat inom, yi wene ti wene higithogo hilingisuageluk yagaisikhi logogun o,” iluk yagatikhe.

MATIUS 1:20

A'nogo anggikhi logolik, hubanggo nogo ugunem he, at malaikat Allah pogoroba nen yonggo pelakfisa wagarek mene ekhe oba wagaikhesik he, mel yagatikhe: ”Yusuf Daud omba yi. Hat he, hele Maria andi wanigin nabit, iluk hendawimo anggagun o. Omalik andi Allah Areagun en at a'mat fikhemo. Halok he, wanin o.

YOHANES 9:31

Afuni weak hilingitarek mene Allah nen inane esanggo holherek mondok lek andi, nit ninelu o. We, afuni inailorogo logolik, at endawimo anggikherek mene higithogo hilingiterek mene halok, Allah nen inane esanggo holherego.

ULANGAN 33:8

A'nogo yagatikhesik, afuni inunggulenu Lewi mene faget, wene Allah mel yagatikhe: ”It ap hat hamingmingengge ekhe inunggulenu Lewi mene hat hoba lomborogo logolik, hebe eisewerek welagaikharek. Logolik, inami'mo itarek mene Urim inom Tumim inom oba hat hendawimo anggegendek mene faget heinok wanhunem senggerogo yaganisoagaluk yagaisegendek andi. O Masa andoma nen inobabut palhik, i Meriba elesimo andoma nen hinom wene palhik, isigip oba nen,

YAKOBUS 4:3

Nen, ekhe Allah kino yagati lagep meneat he, hinonggwarek faget enek hinendawimo nen nunggunem helouwogeluk kino u lek mene yagati lagep andi nen, wokhisili'logo lego.

1 SAMUEL 14:37

A'nogo yagatikhemo at Saul en he, Allah mel yagatikhe: ”An ap Filistin mene inoasigiluk weim layoga? Haren it inebe nit Israel mene ninenggiba fagain a? Lega,” iluk heinok wokhasikhe meneat he, andi sambul at Allah nen he, ”Yi'nogo hilingi'no,” iluk onggo yagati'lek kamo isikhe.

1 SAMUEL 28:15

A'nogo hilingitikhemo, at Samuel en Saul mel yagatikhe: ”Nenahalok haren an elelnafi lagen? Nenahalok haren an nekhengge sugulogo wesuageluk wolnabi wagen,” iluk yagatikhemo, at Saul en he, ”Ap Filistin mene nen ninoasuogeluk wagaikhama, Allah nen he, an nen hilingisigin mene yaganesuagaluk kino yagati meneat he, nebe hera'nobagaikhemo nogo nen he, ap at ane yagaisagarek mene yagaisugunem yaganeti'legat, nabiba yaganeti'legat, andi nen nobakhe palagama nen he, an hobuk hilingisigin mene haren yagane'nogoluk yagahesi wagi o, neisena,” iluk yagatikhe.

1 SAMUEL 28:5

A'nogo wutukwasik, at Saul ap tentara Filistin mene omanogo eilenggen yerisasikhesik he, ailo mondok hokho agaikhe.