1 SAMUEL 28:4 - Allah Wene Fano Wene Hupla Inane

⁴ A'nogo were'ma nen, ap tentara Filistin mene ap Israel mene inoasuogoluk, inebe andogotukwasik, inawi tenda o kota Sunem horokhogo andoma wusi wagaukwa. A'nogo wusi wagaukwama, at Saul ogore, ap Israel mene andogerinafikhesik, inawi tenda Tom Gilboa oba andoma wutukwaat.

1 SAMUEL 28:4 ပူးပေါင်းရင်းမြစ်များ

2 SAMUEL 1:21

Hat tom Gilboa nen, an nane ikhi lagi mene yi hesanggo holin o: Meiso nen inom, henanggalugen inom hoasi wesi nogo. Heabukwe inom, hawi leikwe inom, mondogat iringisogo puk logouwak. O andoma re hun ilil-mulil en aselei mene inandok inoasi wesinogoluk ma'murogo laga lagaikhengge a'nogore andem salenggare'ma o. Nen hun Saul en tok ma'mungge a'nogo amusu warek le'ma ibeti logolik werek oba o.

2 SAMUEL 1:6

A'nogo heinok wokhasikhemo, aren he, ”Fano asuak an hamingmingengge o andi sambul he nebe tom Gilboa ba logolik neilenggen were'ma nen he, at Saul ebe arigeba timirogo were'ma, ap selei mene kereta ba inom, wam kuda oba inom, wagaikhasik fak fouwogeluk horogat wagaikha.

2 SAMUEL 21:12

at Daud en he hun Saul oak siling inom, Yonatan oak siling inom, omanogo afuni o kota Gilead meneba nen wani lagaikhe. (It afuni andoma nen he o kota Bet-San kweang wogole'ma nen it Filistin inaben at Saul Tom Gilboa oba nen omame lek hilingisogo fuluk, ap warek omanogo taganogo fesukwasik, ap inoak andoma hinatukwasik fisogo were'ma wani lagaukwa).

1RAJA-RAJA 1:3

A'nogo yagatukwasik, hele silerik ebe fano mene afuni Israel mene inawi welagaikharekwe mondogat herarik lagaukwa. A'nogo herarik lagunemen he, o Sunem andoma hele silerik ebe fano mondok mene enu Abisag andi heratukwa. A'nogo heratukwasik, at raja oba waluk wagaukwama, hele a'nogo nen Daud kwalogo logolik tegelhi lagaikhe. A'nogo meneat he, at Daud en hele a'nogo ebe fakhigi'lek welagaikhe.

2 RAJA-RAJA 4:8

O Sunem andoma, he ebe kain enggi werek mene ekhe welagaikhe. Were'ma, inenggi ekhe sambul he, at Elisa o Sunem wagaikhemo, he andi nen sumburu nouwogoluk ayonggo fesikhe. A'nogo ayonggo fesikhemo nasukwasik oba nen, hobuk Elisa o Sunem andoma laga logolik, at he andi aiba fa'larik we'luk sumburu o andiat ninggi lagaikhe.

YOSUA 19:18

O it inaiba kweang andi inom he o Yisreel, Khesulot, Sunem,

1 SAMUEL 28:5

A'nogo wutukwasik, at Saul ap tentara Filistin mene omanogo eilenggen yerisasikhesik he, ailo mondok hokho agaikhe.

1 SAMUEL 31:1

A'nogo hilingitu kwelek, ap Filistin mene nen it Israel mene inoasuogeluk o Gilboa andoma wagaukwa. Wagaukwasik, inom weim yafi logolik, ap Israel mene inebe hokhorogoat andoma inoatukwa. A'nogo inoatu kwelek, it ap fena Saul againafuri inom heise poloksek wulifukwa.

1 SAMUEL 31:8

A'nogo inoatukwasik nogo iluk ohealekkwe re, ap Filistin mene nen ap warek mene inangge helouwogeluk waga logolik, Saul ebe inom, againafuri inebe henagan aremnogo inom, o Gilboa tom oba andoma warek were'ma hasukwa.