1 SAMUEL 28:21 - Allah Wene Fano Wene Hupla Inane

²¹ A'nogo were'ma, at he heinogengge a'nogo at Saul oba horokhogo wagaikhesik, eilenggen kwelakhasikhe re, Saul obakheindok mondok palagaikhesik weregen he, mel yagatikhe: ”An nebe noasugun werek kwelegat, haren kino yaganeten mene andi hane hologoat hilingiti andi o.

1 SAMUEL 28:21 ပူးပေါင်းရင်းမြစ်များ

2 RAJA-RAJA 6:11

A'nogo hilingiti lagaikhe andiba, it afuni Siria mene inoe raja a'nogo a'mage het-perisikhesik he, agoromi tentara kaindek mene wolinafikhemo wagaukwama re, mel yagaisasikhe: ”Ibi-eberogo nen he ap nit mene ekhe nit ninoasuageluk yonggo lili'lago mene ekhe werek. Ap andi sa anggegep? Yagane'ni!” iluk heinok wogisasikhe.

AYUB 13:14

An he nebe mondogat wa'lasigin anggigirik hilingiti lagi andi.

HAKIM–HAKIM 12:3

Andiba re, an nen anggikhi logolik he, iren he an lebetnea wesugun lek a'nogo re, iluk anggasigisik he, an nebe wesigin anggasigiba nen he an namurururogo afuni Amon mene andi ninom weim yabi lagi. Yabi lagimo re it ap andoma inenggi mo nen Tuhan nen an nomamet nobagasikhe. A'nogo mene at he yogondak hit nenahalok an noasuogeluk waga lagep?” iluk yagaisasikhe.

1 SAMUEL 19:5

Aren he, nebe noasigin andi nailo, iluk anggigi'legat, Goliat Filistin mene a'nogo ebe watikhe andiba nen Tuhan nen nit afuni Israel mene hokhorogo ninomame asuageluk hilingninobagaikhemo ninomame ago andi. Wene a'nogo hilinglagaikhe andi hat heilhanem hilinglagaikhemo hasigindik hendawimo hagaiyek hokho mene agaikhe anggigi. A'nogo meneat he, neisena, at Daud weak ekhe hilingiti'le'maat, haren weak hilingisogo ebe wasigiluk ikhi lagen andi nenahalok,” iluk yagatikhe.

1 SAMUEL 28:20

A'nogo yagatikhemo at Saul esanggo holhikhesik aremnogoat, youk hokho mene lagaikhesik he, talorogo kweangma pou isikhe. A'nogo pou isikhesik, enggi ekhe hup hundik lingge hundik sumburu ninggi'lek welagaikhe andi nen he, omame mondok lek welagaikhe.

1 SAMUEL 28:22

Andi nen haren ogore, sumburu wokhetunem naluk, kwe homamerogo lanogen he, sumburu hat nagain mene weragaisogo fagain mene andi nane hologoat nano o,” iluk yagatikhe.