1 SAMUEL 28:14 - Allah Wene Fano Wene Hupla Inane

¹⁴ A'nogo yagatikhemo, at Saul en he, ”Elokhenggen ningginik mene yethegen,” iluk heinok wokhasikhemo, at he a'nogo nen he, ”Ap ebe yaman mene asu sogosu pisarek laberek mene weinam agama higi o,” iluk yagatikhemo, at Saul endawimo nen he, ”Andi Samuel at higi,” iluk futfesikhesik he, eindep awi yagaisogo fogeratikhe.

1 SAMUEL 28:14 ပူးပေါင်းရင်းမြစ်များ

1RAJA-RAJA 19:19

A'nogo yagatikhemo, at Elia a'nogo lagaikhesik wagunem he, ap Safat amlogo Elisa andi yabu wanigiluk, wam sapi 24 en mene, ebe pire lombogethigik, oba yabu wanharek mene kelogo figik isukwasik, it wam inebe hokhokwe attak hele lisogo waluk lagu kwelek, inambotma at Elisa ebe wam ekhe emberek wuthogo oba yabu wanharek mene a'nogo kelogo waluk nugunem wagaikhe. A'nogo wagaikhesik, Elia at Elisa oba horokhogo wagaikhesik he, Elia asu sogoi su a'nogo nonggologo re, at Elisa omoloba teisal fesikhe.

2 RAJA-RAJA 1:7

A'nogo yagatukwama at raja nen heinok wogisikhi logolik, ”Ap andi obabut he ninggi'nogo hilingik welaga?” iluk heinok wogisasikhe.

2 RAJA-RAJA 2:8

A'nogo werek kwelek, at Elia a'nogo asu sogoi su mene nonggolhikhesik, yinggilogo re, i Yordan agum oba fothasikhe. A'nogo fothasikhemo, i a'nogo tulem minggilogo fena-fena hilinglagaikhemo, at Elia inom Elisa inom aremnogo re, i firok isikhesik ial pililirekwe a'nogo nen wulifukwa.

1 SAMUEL 15:27

A'nogo yaga'luk, Samuel wesigiluk elokhe hebelogo lagunem he, Saul en Samuel asu sogoi su, enggi nen lisogo fakfugunem he, su a'nogo tiliphogo lagaikhe.

1 SAMUEL 24:8

At Daud agoromi inendawinggen a'nogo sebelhikhesik he, Saul ebe wa'ni, iluk yagaisasikhe lek. A'nogo hilingitikhemo at Saul ebe menla'luk oumo a'nogo herakfuluk he, pikhit lagaikhe.

1 SAMUEL 28:13

A'nogo yagatikhemo, at raja Saul en he, ”Hailo lego. Heilenggen yethegen mene andi yaganom,” iluk yagatikhemo, at he a'nogo nen he, ”Munggwat ekhe kweang a'ma nen lagai wagunem yethigi o,” iluk yagatikhe.