1 SAMUEL 27:8 - Allah Wene Fano Wene Hupla Inane

⁸ Andem oba at Daud a'nogo logolik at agoromi inomen he, it afuni Gesur mene inom Girsi mene inom, Amalek inap inom, it inunggulenu andem inap he endamen engge o kweang andomaba were'ma inoasi laga lagaukwa. Aren he o kweang andoma mene inoba inoarik-inoarik he o Zur huli andoma nen he o Mesir huli yathogo andomaba fei lagaikhe.

1 SAMUEL 27:8 ပူးပေါင်းရင်းမြစ်များ

2 SAMUEL 14:23

A'nogo yagatikhesik he at Yoab a'nogo abo Absalom hondo'luk he Yerusalem wesigin iluk he o Gesur lagaikhe.

2 SAMUEL 14:32

Ma re, at Absalom en onggo ikhi logolik he,” An nen he hat hebe raja oba lambik wene heinok wokhagain mene wenggelogo figirik, wolhafi mene re kamo egen andi nen o. Nen wene ebe yi'nogo heinok wanilen iluk, ’An he o Gesur herakfuluk yoma wagagi andi re ninggi'nogo faget nogo, we alomarogo omari? An nen he o andoma logou mene at he ninggi'nogoluk yoma wagagi nogo? Ikhe ino,’ iluk isigimo nen o,” iluk isikhesik at Absalom en ekhe inom ikhi logolik he,” An nebe at raja were'ma elokhoma hondo'narek lan o, nen aren ambi an nebe weak hilingite amlogo iluk anggugu halok he ebe pinggi noasugun andi fanoaro,” iluk yagatikhe.

2 SAMUEL 3:22

A'nogo yagatikhemo at Abner a'nogo lagu kwelek he, at Yoab inom, nen Daud agoromi fena inom he, o ekhe pin kwi lagaukwasik sunggwe yi mene ti mene hokhorogo hugul helasukwa mene omanogo helaluk wagaukwa.

2 SAMUEL 3:3

At amlogo ombo'ne pirenek mene re Kileab he Abigail hun Nabal agwe sogwe awi Karmel mene a'nogo nen tatikhe mene. Henaganek mene re Absalom he Maakha hun raja Talmai o Gezur mene a'nogo a'logo nen tatikhe mene.

1 TAWARIKH 2:23

Oba nen he, iren raja Gesur mene inom Aram mene inomen he o sili it wilayah andoma fikhit werek mene omanogo seberogo 60 nen telogo sebelasikhe. Andi re it Yair inap inawi sili omanogo inom, it Kenat inap inawi omanogo inom o sili endepkwe welagaukwa mene omanogo inom mondogat sebelasikhe. Afuni mondogat andoma re at hun Gilead amlogo Makhir a'nogo ambisangmangge welagaukwa.

KELUARAN 15:22

Hobuk at Musa nen afuni Israel mene i enu Gelagah yenggelek a'nogoba nen woginarek o leimo afuni le'ma enu Syer wagaikhe. Inenggi henagan oba waga logolik i mondok le'ma waga lagaukwa.

KELUARAN 17:8

It afuni Israel mene omanogo o Rafidim andoma were'ma, afuni Amelek mene inoasuogeluk wagaukwa.

BILANGAN 13:29

Afuni inunggulenu Amalek mene inaiba re, i ambut mo selatan fikhit andoma were'ma isogo. Nen, afuni inunggulenu Het mene inom, Yebus mene inom, Amori mene inom, inaiba re tom oba era'lukwe wuthigik welagaikhare'ma o. A'nogo werek kwelek it afuni inunggulenu Kanaan mene nek he, i laut yenggelek esanggokwe mondogat inom, i Yordan aik fena-fena elesi ambut mondogat inom, it mondok welagaikhare'ma isogo,” iluk yagatukwa.

BILANGAN 14:45

A'nogo isukwasik lagagunem, afuni Amalek mene inom, Kanaan mene inom, o andoma welagaukwa mene nen, it afuni Israel mene omanogo mabenetfisaluk inoarik-inoarik o enu Horma andoma fisa wagaukwa.

YOSUA 12:5

O at a'ma welagaikhe mene Tom Hermon oba nen he, Salkha inom, o Basan mondogat inom, o Gesur inom Maakha inom andoma huli welagaikhe. Andi nen o Gilead minggilogo re at raja Sihon o kota Hesybon a'ma welagaukwa mene andoma huli hilingik welagaikhe.

YOSUA 13:13

Oba nen he, it afuni o Gesur mene inom, Maakha inom he, it Israel mene nen mugusogo wulakfisasukwa lek, it inebe afuni Israel mene werek oba andoma inomat welagaikharek.

YOSUA 13:2

Wilayah it Filistin inaben mene inom, it Gesur inaben mene inom mondogat andoma,

YOSUA 16:10

Oba nen he, it inunggulenu Efraim mene nen he ap Kanaan mene re o Gezer oba andoma nen mugusogo wulakfisasukwa lek. Andiba re. yogondak huli nen ap Kanaan mene re o Gezer andoma it Efraim inap inom seberogo welagaikharek, oba nen it ap Efraim mene nen he inamimingengge a'luk yabu hilingiti logouwageluk inane ninghogo yagaisugunem it ineabu hilingitu mondok welagaikharek.

HAKIM–HAKIM 1:29

O kota Gezer oba nen it inunggulenu Efraim mene nen he ap Kanaan mene afuni andoma o andiba welagaukwa mene mugusogo wulak fisasukwa lek andiba re, afuni Kanaan mene re it inom seberogo andoma welagaukwa.

1 SAMUEL 29:6

A'nogo yagatukwama, at Akhis nen Daud wolhasikhesik yagati logolik he, ”Tuhan eluk welagarek mene enuba, haren an nane hologo higithogo hilingiti lagen mene andi faget he nagaiyek anggikhi lagi o. Nen, hat hebe an ninom weim yafunem yi re, nombo'nerogo ninom yabi kwilo andi re nagaiyek anggikhi lagi. Hat an were'ma wagagin huli nen yogondak huli andi haren weak ekhe hilingiten mondok lek. Oba nen it kaindek amu mene oma nen he hat faget inabit anggili'lagwi o.

1 SAMUEL 30:1

A'nogo lagaukwasik he linggene pire welagaukwasik at Daud inom, agoromi omanogo inom sugulogo o kota Ziklag lagaukwa. It inebe omanogo lagaukwasik hilingitunemen he ap Amalek mene re o Yehuda abel a'ma selatan fikhit andoma pin kwi wagaukwasik he, o Ziklag a'nogo inom inoasi wagaukwa. Iren he ap misik iluk ogo ekhe inoatukwa lek meneat he, o kota a'nogo abirengge endu fikhi logolik he, kwe pikhit louwogeluk hemi inom, yenggerugwi inom, afuni fena inom hele warogo woginarek lagaukwa. Nen, iren he at Daud eisok erokwe mene mondogat inom, nen at agoromi ineisok erokwe mene mondogat inom, hele warogo woginarek lagaukwaat. Nen, a'nogo laga logolik he at Daud agagwi inebe pire hele Ahinoam inom Abigail inom aremnogo ogore inomat woginarek lagaukwama re, at Daud inom agoromi inom he inendawinggen warugu mondok logolik he leagu werek kwelek enek he inoba mondogat lebelek agaikhe.