1 SAMUEL 27:2 - Allah Wene Fano Wene Hupla Inane

² A'nogo wenggelhikhesik he at Daud inom, agoromi inebe 600 nen aremnogo inom he ap Akhis hun Maokh amlogo o kota Gad mene inoe raja ambit lagaukwa.

1 SAMUEL 27:2 ပူးပေါင်းရင်းမြစ်များ

1 TAWARIKH 12:1

At Daud hun raja Saul a'nogo ailo nen wulifikhesik he o Ziklag andoma lagaikhe. At andoma lagaikhesik were'ma re it ap fena hokhorogo sikhe fisogo inap mondok tiphogo nek hilingiti lagaukwa inap inom, weim yafarek aple inelu-pinelurek inap inom, at oba sebesi wagaukwa.

1 SAMUEL 21:10

Linggene a'nogo sambul he at Daud a'nogo hun raja Saul were'ma nen herakfuluk hun Akhis it afuni o kota Gad mene inoe raja a'nogo were'ma ambit lagaikhe.

1 SAMUEL 21:11

Lagaikhemo, it hun Akhis agoromi pegawai omanogo nen yagati logolik he, ”Hun yi re, Daud aiba logolik raja mendek werek agun a'nogo lek nogo a? Hun ari faget he, it helime nen wuni wulagaisogo warik laga logolik he yi'nogo ikhi lagaukwa, At Saul en he ap inebe we beribu-ribu nek inoate, oba nen he, Daud en he, berpuluh-puluh ribu inoate, iluk awuni felalogo ikhi lagaukwa agun a'nogo lek nogo a?” iluk yagatukwa.

1 SAMUEL 25:13

A'nogo yagatukwama re, at Daud en agoromi aremnogo inoba ikhi logolik, ”Hiren hinenggarok hinebe lombok hinouwakwe puge'ni!” iluk yagaisasikhe. A'nogo yagaisasikhe mo at Daud agoromi omanogo aren ane yagaisasikhe mene a'nogo weak-weakhogo hologo hilingitukwa. At Daud ogore enggarok ouwa'ma pugetikhesik, it ap inebe 400 nen hakhogo inom lagu kwelek, it ap inebe 200 nen hak he inasungge fisogo welagaukwa.

1 SAMUEL 30:8

Wogosi wagaikhemo at Daud en Tuhan oba heinok wokhikhi logolik he, ”Afuni weagerinafarek mene o yoma pin kwi wagaikha o, andi re an nen muginarek layoga, lega? Nen, an nen it inombo'ne lamo eloga lega?” iluk heinok wokhasikhe. A'nogo heinok wokhasikhemo Tuhan nen onggo yagati logolik he, ”I o, Haren he it muginarek lambik he ap hele warogo woginarek lili'lagwi mene andoma fikhalogo wulak fisa lan o,” iluk yagatikhe.

1 SAMUEL 30:9

A'nogo yagatikhemo re, at Daud a'nogo agoromi inebe 600 nen aremnogo inom lagaukwa. It lagaukwasik i Besor ima asi lagaukwasik he, at Daud a'nogo re agoromi inebe 400 mene inom enek pikhit lagaukwa, nen it fena inebe 200 nen aremnogo re mondogat inomame lek agaukwasik i Besor a'nogo palogo wulibi lagu aple elo'lek agaikhemo aremnogo welagaukwa.