1 SAMUEL 27:12 - Allah Wene Fano Wene Hupla Inane

¹² A'nogo hilingiti lagaikheba nen he at Akhis a'nogo nen Daud en hilingitu mene omanogo faget eberogo anggikhi logolik he, at endawimo yi'nogo wenggelhike, ”At he agaila'lak unggulenu misik mene nen inabit anggagarek mene hilingi'mo re, at ebe eluk logogin huli re an namingmingengge mondok-mondogat logogin,” iluk endawimo wenggelhikhe.

1 SAMUEL 27:12 ပူးပေါင်းရင်းမြစ်များ

KEJADIAN 34:30

A'nogo hilingitukwama, at Yakub en Lewi inom Simeon inom yagaisikhi logolik, ”Yogondak he, it Kanaan inap inom, Feris inap inom, afuni o sili yiba werek mene inom, an inabiret nobagagasik werek. Enggere nit ninebe hokho welago lek hilingi'mo it afuni o sili yoma werek mene inebe misik sebe imbik, an noasi kwi wesumo nen he, an nagainafuri neisok erokwe menere mondogat lek asu hago,” iluk yagaisasikhe.

2 SAMUEL 10:6

Aren a'nogo isikhemo nen it afuni Amon mene nen anggikhi logolik he, niren hilingitoba at Daud a'nogo nit ninom aselei mene aga, iluk anggasukwasik weim ya'nisoageluk ap yonggore it sikhe fisogo mene Sirian inap o Bet-Rehob inom, Zoba inom, welagaukwa mene re inebe 20.000 nen inom, it weim yafu inap inawi Tob mene re inebe 12.000 nen inom, nen at raja o Maakha mene agoromi inebe 1.000 nen inom yonggo fesikhe.

KELUARAN 5:21

Ambi agaukwasik he, mel yagaisasukwa: ”Ero hit weak hilingiti lagep oba re, kain agoromi inomen nit ninebe inabiret ninobagagasik ninoa'lep mene. Hit hilingiti lagep andi Tuhan elure'ma re, Aren wene hinoba fouwago,” iluk yagaisasukwa.

1 SAMUEL 13:4

A'nogo lakfisasikhemo, afuni inunggulenu Israel mene inailokwe mondogat yagaisilik laga logolik he, mel yagaisasukwa: ”At Saul en, ap Filistin mene inoe panglima kabelek mene watemo, ap Filistin mene nen afuni Israel mene inebe inabit mondogat agama o. Andi nen he, ap mondogat ekhe kamo igi'lek Saul oba o Gilgal misi'mo andogosi logoin o,” iluk yagaisilik lagaukwa.

1 SAMUEL 27:11

A'nogo hilingitu logolik he, at Daud inom, agoromi inomen hilingiti lagaukwa mene a'nogo afuni andoma mene ekhe o Gad we'luk, iren yi'nogo hilingiri'lagwi iluk ineluerasi lanogo iluk he, iren afuni inoasi kwikhi lagaukwa kwe andoma re ap misik iluk ogo eluk fikhi lagaukwa mondok lek. At Daud afuni Filistin mene inanggweang oba logolik he a'nogo hilingiti lagaikhe andi.

1 SAMUEL 28:1

Inenggi ekhe inom welagaukwasigen he it afuni Filistin inap inagoromi sikhe fisogo mene andogerinafikhesik he afuni Israel mene inoasi kugun iluk hilingiti logolik at Akhis nen he Daud mel yagatikhe, ”Hat he helurogo, hat inom hat hagoromi inom he an nebikhit asimbik weim yabi kugun a'nogo,” iluk yagatikhe.