1 SAMUEL 26:6 - Allah Wene Fano Wene Hupla Inane

⁶ A'nogo hilingi'mo hasukwasik, Daud en hun Ahimelekh o Het mene a'nogo inom, Abisai inom, abo Yoab andi re (it inagaisa hwe Zeruya) a'nogo amlogomi aremnogo inom inoba heinok wogisikhi logolik he, ”Hun Saul awi sabu salogo nogoli'lagoba ari ailo lek mene an ninom sa kugun ilik heinok wogisasikhemo at Abisai nen ikhi logolik he, ”An o!” iluk isikhe.

1 SAMUEL 26:6 ပူးပေါင်းရင်းမြစ်များ

KEJADIAN 10:15

Nen, at Kanaan nen taginafikhe mene re Sidon amlogo manggusa mene inom, Het inom taginafikhe.

KEJADIAN 15:20

Het mene inaiba inom, Feris mene inaiba inom, Refaim mene inaiba inom,

KEJADIAN 23:3

A'nogo welagaikhesik Abraham agwe warek a'nogo fuluk afuni it inunggulenu Het mene o kweang andomaba welagaukwa mene inambit lagaikhesik yagaisikhi logolik,

KEJADIAN 26:34

At Esau ebe umur 40 tahun oba at agagwi inebe pire mene afuni inunggulenu Het mene ina'logomi woginafikhe. Nen, Inenu re Yudit hun Beeri a'logo inom, Basmat Elon a'logo inom, woginafikhe.

2 SAMUEL 11:21

Attagat o Tebes andoma nen, he mene helep tepung sagalharek meneba ebe leget pa'leget esia'leba nen pelabemangge ap Gideon amlogo Abimelekh watikhemo, ebe wa'lagaikhe a'nogo hinonggot agama leget pak leget andiba horok-horok kwegeba? iluk heinok a'nogo wokhiikhe halok, haren he, hat hagot kabelek mene Uria a'nogo wata aro, iluk yaga'no,” iluk yagatikhe.

2 SAMUEL 11:24

A'nogo muginarek lagoma, inebe leget pa'leget esia'leba nen pelabemangge tok pising-pasanghogo pelabi wagunemen he, hat hagoromi kabelek mene inebe miren mene hakhogo inoati logolik he, at Uria a'nogo inomat wata o,” iluk yagatikhe.

2 SAMUEL 11:6

A'nogo lakfei wagaikhemo, at Daud en he, afuni ekhe mel yagaisasikhe: ”Ap Yoab en he, ap Uria unggulenu Het mene a'nogo noba wesuagaluk yagasuagen yagasi lani o,” iluk lakfisasikhemo yagasi lagaukwama re, at Yoab en Uria Daud oba lakfei wagaikhemo wagaikhe.

2 SAMUEL 12:9

Mene re, an nen, yi'nogo hilingi'no, ti'nogo hilingi'no, iluk yagaheti lagi mene andi, nane hendawimo seramet fegendik an neilhanem weak hilingiten andi nenahalok? Nenahalok haren weak mene andi hilingiten? At Uria a'nogo re aben weim ambisangma nen wasuageluk miminginafen. Haren he at agwe helikhi logolik he at ebere ap Amon mene nen wasuageluk herakfisegen andi!

2 SAMUEL 18:5

A'nogo menlagaikhesik, Yoab inom, Abisai inom, Itai inom, mel yagaisasikhe: ”An nalisikhogo, Absalom ebe alage oan mene andi, ebe warogo fugubo,” iluk yagaisasikhemo, agoromi tentara esa logalek omanogo mondogat wene isikhe mene andi inesanggo holhukwa.

2 SAMUEL 2:13

Nen, at Yoab (agaisa enu Zeruya) a'nogore at Daud agoromi inom o kota andi lagaukwaat. Ap esa pire logalek fena nen fena nen lagaukwa mene omanogo arogo Abner ebikhit mene re, i mogo esanggo yi fikhit werek kwelek, Yoab ebikhit mene re i mogo esanggo eli fikhit logolik he, inelokhe yet-yet aga lagaukwa.

2 SAMUEL 2:18

He Seruya eagwi inebe henaganet engge inenu re Yoab inom, Abisai inom, Asael inom he, andem were'ma nen a'nogo hilinglagaikhe. Nen at Asael andi nen kwe fungethugunem he no kijang en lagarek andi hakhogo furung warogo fungethikhi lagaikhe.

2 SAMUEL 23:18

Nen, it ap inebe 30 nen it sikhe fisogo mene inogogwi perwira aremnogo inunggulenu re, ”Esa 30” nen andem salinarek welagaukwa. It andi inebe re at Abisai Yoab agot hun Seruya amlogo a'nogo inoe kain logolik melalinafi lagaikhe. Aren he arige kabelek oba re ap inebe 300 nen inoatikhe. Andiba re at afuni nen legeisogo fogetfikhi lagaukwa. Oba nen he at he it inenu, ”Esa Henagan” ikhi lagaukwa mene andi nen inomamerek welagaukwa andi hak he, hilingik welagaikhe lek.

1RAJA-RAJA 10:29

Nen, kereta weim yafarek mene andi, o Mesir mene nen wogosi waga lagaukwa. Kuda misik onggo re, uang perak mene 150 nen, kereta weim yafarek mene andi misigenek onggore, uang perak mene 600 nen fikhi lagaukwa. A'nogo wanhi logolik, kuda inom, kereta inom, weim yafarek mene andoma re, ap raja Het mene inom Siria mene inom, inoba onggo wanhi lagaikhe.

2 RAJA-RAJA 7:6

Andi re Tuhan nen ap tentara Siria mene inoba, ap tentara esa hokho logalek misik, kuda ba inom kereta ba inom lagaluk afuni inoasuogeluk lagunem ineisok abolok ikherek hak inesanggo holuageluk hilinginafikhe andi nen, it inesanggoma a'nogo holhukwasik he, inendawimo nen mel anggasukwa: ”Afuni Israel mene inoe raja nen inom, afuni Het mene inoe raja nen inom, Mesir mene inoe raja nen inom, inagoromi tentara mondogaren nit ninoasuogeluk inayonggo fikhemo ninoasuogeluk weri'lagwi higi,” iluk anggasukwa.

YOSUA 3:10

Hit logoin sambul he Tuhan nen hit hinaselei mene afuni o Kanaan mene inom, Feris mene inom, Het mene inom, Hewi mene inom, Girgasi mene inom, Amori mene inom, Yebus mene inom, mugusogo wulak fisikhi logogin. Nen Peti Wene Warek Tuhan pogot kweang elalhikhe mene a'nogo nen hit hinelokhoma i Yordan palago wulibi logoin oba andemen, Allah eluk mondok welagarek mene a'nogo hit hinanggele'ma andoma were'ma hineilenggen hogoin o.

1 SAMUEL 26:7

A'nogo isukwasik hup a'nogo sambul he Daud inom Abisai inom he inebe linglong o sabu sale'ma a'nogo kwi lagaukwasik kwelakhugunemen he, at Saul ebere fem tulem nogogunem he arige kabelek a'nogo unggul higithogo aremnogo kweangma taunghogo welagaikhe. Nen, Abner inom agoromi tentara omanogo inom he abel fena-fena nogokhi lagaukwa.