1 SAMUEL 26:5 - Allah Wene Fano Wene Hupla Inane

⁵ A'nogo elu agaikhesik Daud a'nogo weak-weak Saul awi tenda salogo nogokhi lagaikhe ba omanogo lagaikhesik hilingitunemen he, Saul awi sabu nogokhi lagaikheba a'nogo re Abner hun Net amlogo a'nogo nogokhi lagaikhe, nen Saul en awi sabu a'nogo re tulem wuri'mo agoromi tentara inawi re abel fena-fena haningisogo wurik welagaikhe.

1 SAMUEL 26:5 ပူးပေါင်းရင်းမြစ်များ

2 SAMUEL 3:27

At Abner a'nogo hondo'luk wagaukwasik o Hebron asi wagaukwama re, at Yoab en hondok haluk he, o kota kwe ambe pale'ma kwi wagaikharek oba nen esanggoma andoma, wene linglong yagasigeluk hakhogo hondo'luk lagaikhe. Hondo'luk lagaikhesik aremnogo nenat ferekhogo at Yoab a'nogo nen Abner alabut talogo watfesikhemo, Abner ebe wa'lagaikhe. Wa'lagaikhemo at Yoab en he, agot Asael Abner en watikhe mene a'nogo faget endawimo sebelek welagaikhe mene a'nogo unggulmo re, Abner ebe watikhe andi.

1 TAWARIKH 9:39

Hun raja Saul a'nogo eisena enu re Kis nen omba enu re Ner. At Saul he amlogomi inebe enggaminogo welagaukwa mene inenu re: Yonatan inom, Malkisua inom, Abinadab inom, Esybaal inom andem.

1 SAMUEL 17:20

A'nogo yagatikhemo, nogo uluk hobit hubet siakhogo eluk agaikhesik anggo domba ap ekhe serogo welagarek mene oba fuluk, sungge omanogo waluk he, eisena nen yagatikhe hagat lagaikhe. Lagaikhe re, ap Israel mene weim yabuogoluk ami'mit suphogo sinelogo kwisukwasik,

1 SAMUEL 17:55

At Saul en he, Daud en ap Goliat a'nogo wasi lagaikhemo eilenggen hasikhesik he, agoromi tentara mene inoe enu Abner oba heinok wanhi logolik he, mel isikhe: ”Abner, ap alage ari sa amlogo nogo,” iluk yagatikhemo, at Abner en he, ”An hagot he, nonggoro,” iluk yagatikhe.

1 SAMUEL 26:4

A'nogo holhikhesik aren ap yenal palhu mene ineil penesi loageluk lakfisasikhesik he, Saul ebe eberogo re andem werek iluk elu agaikhe.

1 SAMUEL 9:1

Ap ekhe inunggulenu Benyamin mene, ebe kain angge yi mene ti mene hokhorogo logolik along-palonghogo welagaikhe mene enu re, Kish. Kish andi eisena re, Abiel. Nen, Abiel eisena re Zeror, Zeror eisena re Bekhorat, Bekhorat eisena re Afiah.