1 SAMUEL 26:24 - Allah Wene Fano Wene Hupla Inane

²⁴ Arigini'mo re, yogondak yiba an nen neisena hebe hoasigin lek iluk heluk hobagagi andi hakhogo an hamingmingengge yi ogo a'nogoat Tuhan nen nili waganogo fetnarek logolik enggin noba werek mene fikhalogo wulak nobagakhi logouwago!” iluk isikhe.

1 SAMUEL 26:24 ပူးပေါင်းရင်းမြစ်များ

KEJADIAN 48:16

A'nogo wo'narek nikhi logolik, ebe malaikat higit a'lugen, an nebe weaget nabuhak were'ma telnafi lagaikhe andi. Ma re, Arenat yenggerugwi yi fanorinafi logouwago. Yenggerugwi yi inalisikhogo re, an nenu inom, Abraham enu inom, Ishak enu inom, ugu mondok logouwak. It inombalagen tagongge mene inebe kweangma o yi awi ti awi mondok hokhorogo sik-pik imbik logouwak,” iluk yagatikhe.

2 SAMUEL 4:9

A'nogo yagatukwaba nen he at Daud en onggo ikhi logolik he, ”Tuhan eluk mondok welagarek mene nen he, an nebe yi mene ti mene ambisangma a'luk noasu hagenek agunem nagap telnaferek mene a'nogo nen he, an nen igin mene yi re eberogo mene ikhe iluk eluat logogin.

MAZMUR 144:2

At andi re an lebetniigik, nebikhit agik ikherek mene, an nagap telogore At awe a'ma kuluk welagirek, At andi re an nebe telnabuageluk he an nen At were'ma laluk welagirek. Aren he afuni inunggulenu ekhe mene-ekhe mene omanogo an na'ma sebelogo fisikherek.

MAZMUR 18:1

Afuni nen wuni wulak fuluk inebe seberogo ugu kwelek melalinafu mene faget. Tuhan amingmingengge Daud a'nogo awuni. At Daud ebe it aselei mene fenakwe inom at Saul enggiba nen polokhogo wulifikhesik logolik, wuniba Tuhan fogeratikhe awuni.

MAZMUR 18:25

An nen nobabut eberogo mene nek hilingiti lagimo re At Tuhan nen onggo higithogo nek hilingnobagali'lago. An nen weak mene ekhe hilingiti lagi lek andi nen he Aren an fanot nobagali'lago andi.

MAZMUR 18:48

It afuni an naselei mene fikhit maben aga logolik an nalong asuageluk Arenat hilingnobagaikherek. An nelokhoma nen Aren yi afuni ti afuni inunggulenu lombok omanogo mondogat sebel fisikhi logolik,

MAZMUR 34:20

It inobabut at ane hologo higithogo hilingitarek mene re, yi enggin ti enggin hokhorogo hagarek, oba nen he At Tuhan nen enek yi enggin ti enggin hagarek mene leget fisaluk telinaferek.

MAZMUR 54:7

At he an noba tiphogo nek hilingnaferek andi nen he, Arenat it an naselei mene andoma inonggwarek inaweak oba wene inoba fuluk inebe mondok leget fisagain o.

MATIUS 5:7

Nen, afuni inebe inendawirogo welagaikharek mene andi, nineisena nen it endawirinabigin andi nen he, inendawimo inagaiyek hikhi logouwak.

MATIUS 7:2

Hiren wene it ekhe inoba fikhi lagep andi hak, at Allah nen a'nogoat wene hinoba fagain aro. Nen, hiren ilirengge walfuluk it ekhe wogisikhi lagep andi hak, at Allah nen ilirengge andibaat walhaluk wokhisagain aro.

KISAH PARA RASUL 14:22

Attak kwi laga logolik, afuni Yesus ane yagaisilik kwi lagaukwama wanhukwa mene hobuk inoba fa'larik wulibi waga logolik, inendawinggen ago watfisigik, komorinafik, ilik wulibi waga logolik, mel yagaisasukwa: ”Wene eberogoat iluk hinendawinggen Yesus oba himbiret fesigip mene andi, ninghogoat himbirik logoino o. Nit hobuk Allah awe a'ma mondok logouwogeluk he, ninoba yi enggin ti enggin hikhi logombigenat kugun o,” iluk yagaisaluk wulibi wagaukwa.

2 TESALONIKA 3:2

It afuni mondogaren: ”Wene andi eberogoat,” iluk wanha mene nek werek fuk. We, it ekhe wanhi'lek mene inobabut kwanirogo hilingitik inobabut weak hilingitik, ili'lagwi mene nen, weaget ninabuogeluk ugunem Allah nen telninafi logouwagen he, nit faget samban ikhi logoino aro.

WAHYU 7:14

Heinok a'nogo wo'niugunem, an nen he, ”Noe, an nonggot. Hat enek he, helu welagen o,” iluk yagatunem, aren he, mel yaganete: ”It afuni yoma re, o kweangma were'ma afuni ekhe nen yi enggin ti enggin hokhorogo hilinginafunem, Allah nen telinafikhemo, inasu Domba Eak amep oba arat kut mondok sobalaga mene o.

1 SAMUEL 18:30

A'nogo werek kwelek, ap Filistin mene nen, ap Israel mene inoasuogeluk hup ebe lombok wagunem, at Saul agoromi tentara mene ekhe nen inebe endebat hangge inoati lagaukwa meneat he, at Daud enek he, inebe mondok hokhorogo inoati lagaikhe. A'nogo inoatunem Daud enu hokho arik laga lagaikhe.

1 SAMUEL 24:16

At nineisena Tuhan nenat an hamingmingengge inom neisena hat inom faget ninawene pilingisogo higithogo palnisoak. We Arenat wene yi kwelakhoak, a'nogo kwelakhambik he neisena hat hoba nen an nebikhit agik, telogo nobagagik, ikhi logouwak,” iluk isikhe.