1 SAMUEL 26:21 - Allah Wene Fano Wene Hupla Inane

²¹ A'nogo isikhemo at Saul en onggo ikhi logolik, ”An weak mondok hilingiti lagi o, andi nen he Daud namlogo e hebe sugulogo eme o! Haren yogondak hup yiba an neluk ekhe inom logouwageluk nobagegenma re, an nen weak mene hat hoba ekhe hilinghobagagin lego. An nobabut he mondok morue. An he we ibi-eberogo nen nonghonghogo hilingiti o,” iluk yagatikhe.

1 SAMUEL 26:21 ပူးပေါင်းရင်းမြစ်များ

2 RAJA-RAJA 1:13

A'nogo hilingitukwama re, at raja nen he ekhe inomat ap perwira misik ekhe inom he, it agoromi inebe 50 nen inom lakfisasikheat. Lakfisasikhemo lagaukwasik he, at perwira a'nogo punuba lagaikhesik Elia ebe were'ma horokhogo aremnogo asi lagaikhesik eindep awi yagaisogo yagati logolik he, ”Allah amingmingengge ninoe, haren nit ninaweak lek hilingisogo ninobagain o! Nit an ninom, it nagoromi inom ya re, ninoasu fugo, we hendawitninabin o!

2 RAJA-RAJA 1:14

It ap perwira pire aremnogo inom agoromi inom he, endu pogoroba nen pi waga logolik inoatemo wa'lagaikha, oba nen an enek he hendawit nabinogen iluk, kino yagaheti o, noe!” iluk yagatikhe.

MAZMUR 116:15

Nineisena Tuhan he At againafuri endawi hundik mene wa'lagunem he, At elokhoma re esin mondok welagarek.

MAZMUR 49:8

It a'nogo hilingitarek mene andi re at ekhe nen are ekhe ebe wa'lagi'lek eluk mondok logouwagaluk aren teligin mondok lego. Allah nen teluagaluk yi mene ti mene onggo wogosigin mene ogore, inebe onggo mondok hokho hilingi'mo re, inom higitsek lego.

MAZMUR 72:14

It inebe faget aren he mondok esin iluk anggikherek andi nen he, afuni nen enggin-fenggin inoba figik, ina'mageba weaget fisigik, agarek mene andomaba nen fikhalogo fisagain.

KELUARAN 9:27

A'nogo hilingitikhemo, at raja a'nogo nen he, Musa Harun emberek wolisasikhesik he, mel yagaisasikhe: ”An mondok weak hilingiti o. Hit Tuhan nen andi eberogoat hilingitu kwelek meneat he, an nebe inom, afuni mondogat inom, at eilhanem weak hilingito o.

BILANGAN 22:34

A'nogo yagatikhemo, at Bileam en he, ”Noe. Haren an nanggwe paligiluk palhu kwelek meneat he, an nonggothogo re weagat hilingiti o, noe. Yogondak haren lagain legat anggegen halok, an sugulogo naiba nambotkwe lagain o,” iluk yagatikhe.

MATIUS 27:4

”Eige! Ap andi weak hilingiti'le'maat wasubagaigeluk yonggo wagimo o. Halok he, weagat hilingitimo higi o,” iluk, yagaisasikhemo, it omanogo nen he ”Wene andi nit ninoba agama anggegen? Lego. Andi hat hoba lombogaro,” iluk yagatukwama re,

1 SAMUEL 13:13

A'nogo yagatikhemo, at Samuel en Saul mel yagatikhe: ”Noe. Hat kemburogo hilingiten. Hat nineisena Tuhan Allah nen, yi'nogo hilingi'no, iluk yagahete mene ane hologo hilingi'lenma re, Aren hat hebe raja logouwagaluk hilinghafesik, haren tagomangge mene afuni Israel mene inogogwi kaindek raja mondok logouwageluk hilinginafik ilebaro.

1 SAMUEL 15:24

A'nogo yagatikhemo, at Saul esanggo holhikhesik he, weak hilingitikhe mene fakhogo Samuel mel yagatikhe: ”Nineisena Tuhan nen, yi'nogo hilingi'no, iluk yaganete mene, haren yaganeten a'nogo, sagalogo weagat hilingitimo o. An nagoromi tentara nen kino yaganetama re an it inoba nailo nen, fano iluk eberogoat yagaisigimo aro.

1 SAMUEL 15:30

at Saul en he, ”An weak hilingiti meneat he, an nen neisena Tuhan Allah faget hilingisigen he, nemberek louwogo, neisena. An nen a'nogo hilingisigin halok, haren afuni nit mene ninogogwi ineilhanem inom, afuni Israel mene ekhe mondogat ineilhanem inom, agaugwet nobagainogen o,” iluk yagatikhe.

1 SAMUEL 18:30

A'nogo werek kwelek, ap Filistin mene nen, ap Israel mene inoasuogeluk hup ebe lombok wagunem, at Saul agoromi tentara mene ekhe nen inebe endebat hangge inoati lagaukwa meneat he, at Daud enek he, inebe mondok hokhorogo inoati lagaikhe. A'nogo inoatunem Daud enu hokho arik laga lagaikhe.

1 SAMUEL 24:17

At Daud en wene a'nogo arat yagatikhesik ane palfesikhemo, at Saul en Daud mel yagatikhe: ”Hat andi namlogo Daud hane a?” iluk yagatikhesik he, le agaikhe.

1 SAMUEL 26:22

A'nogo yagatikhemo Daud en onggo ikhi logolik, ”Neisena hat harige a'nogo re ebe yi werek enggere, hat hagoromi tentara andoma ekhe wani wesuagen he mimingisogo lakfisa me o.

1 SAMUEL 26:24

Arigini'mo re, yogondak yiba an nen neisena hebe hoasigin lek iluk heluk hobagagi andi hakhogo an hamingmingengge yi ogo a'nogoat Tuhan nen nili waganogo fetnarek logolik enggin noba werek mene fikhalogo wulak nobagakhi logouwago!” iluk isikhe.

1 SAMUEL 27:4

A'nogo lagaukwasik were'ma, at Saul esanggo hulhunemen he Daud a'nogo o Gad andoma wulibi lagasik werek ugunem holhikhesik he aren senesigin iluk mu'luk murok laga lageikhe mene a'nogo herakfisasikhe.