1 SAMUEL 26:11 - Allah Wene Fano Wene Hupla Inane

¹¹ Arigini'mo re, we At Tuhan ninoe raja ebe wenagaisogo menfikhe mene andi nen enek an nen wati hanogo iluk elele waganogo nobagakhi logouwak! Nen nit he arat logoin enggere, we arige ari inom, agaiwak ari inom enek he wanini o!” iluk yagaisasikhe.

1 SAMUEL 26:11 ပူးပေါင်းရင်းမြစ်များ

2 SAMUEL 1:14

A'nogo yagatikhemo, at Daud en he, ”Ap kain raja logouwageluk Tuhan nen wenagaisogo menfikhe mene, haren hailo legengge waten andi re nailo e,” iluk yagatikhe.

2 SAMUEL 1:16

A'nogo wa'lagaikhemo, at Daud en warek mene a'nogoba ikhi logolik he, ”Hat honggwaregen he, An nen kain raja Tuhan nen wenagaisogo menfesikhe mene wati, iluk egenma, honggwaregen wene hoba fakhegenma hoato o,” iluk yagatikhe.

2 SAMUEL 19:22

A'nogo yagatikhe meneat he, at Daud en Abisai oe Yoab emberek mel yagaisasikhe: ”Hit Zeruya againafuri yi re, an nen igin mene andi hiren sagalogo fogoin lego. An o yogondagen afuni Israel mene inoe raja hilinglagiat andi nen he, afuni Israel mene ekhe wene inoba fembik inoasugun mondok lego,” iluk yagaisasikhe.

MAZMUR 17:4

An he it afuni nen inenggi omameba weagerinabik lagaikharek mene andi ninom sebesi laga lagi lek, meneat he Haren yi'nogo hilingi'no ti'nogo hilingi'no iluk melalnobagakhi lagen mene a'nogo nek hilingiti lagi.

ROMA 12:17

It afuni ekhe nen weak hilinghinafunem he, hiren onggo lagakhogo weak hilinginafi logogubo. Afuni mondogaren ineilenggen hisaluk he: ”It fano hilingiri'lagwi o,” iluk hinabok fano ikhi logouwageluk he, hinendawimo anggalugen fanorogo hilingiti logoino o.

ROMA 12:19

Nerugwi nagaila'lak. Hinebe nendawi e. Afuni ekhe nen hit weagethinafu halok, hinonggwaregen onggo fugubo. We, Allah a'mage lagaluk, aren hilingisuagen he, at enggiba fikhi logoino. Wene a'nogo hilingiti logogun, iluk lisu yi'nogo palek werek: ”Wurep oba an nen inoatik, onggo an nen figik, igin o, iluk Nineisena Tuhan nen ikherek,” iluk lisu palogo fesukwa.

1 PETRUS 3:9

Afuni ekhe nen hit weak hilinghinafunem, hiren onggo weagerinafubo. Nen, inane asegen weak wokhinafunem hiren onggo hinane asegen wogisagubaro. Onggo re, Allah nen inebe fanorinabuageluk, ayonggo fikhi logoino. Hobuk aren fano mene wokhisageluk hinayonggo fesikhe andi nen, hiren onggo fano mene yagaisikhi logoino.

1 SAMUEL 12:3

Yogondak he, hit hinelokhoma mendek welagi yi! Enggere an nen weak ekhe hilingiti halok he, nineisena Tuhan eilhanem inom, ap hinoe raja Aren wenagaisogo wokhisikhe mene inom ineilhanem, yi'nogo hilingite iluk wene noba feni o. An nen hit hinanggo sapi inom, keledai inom, nenggi abisak wanhi mene ekhe werek nogo? Neranen wene ekhe lalhinafik, mep lagik-lagokhogo ekhe hilinghinafik, wene pilingiti logolik, an it werekwe asuagaluk, uang onggo wo'netunem ekhe wanhik, igirek mene ekhe werek nogo? Ekhe a'nogo hilingitimo halok, ambotkwe wogisagen he, yagane'ni o,” iluk yagaisasikhe.

1 SAMUEL 24:12

Neisena, yogondak he hat hasu sogoi su ari mene libilik an nenggim fisogo welagi yi heilenggen yethame. Eberogoat an nen hat hebe hoasu meneat he, hasu sogoi su wurep endebat enek palhimo yi o. A'nogo hilingiti andiba nen, hat weagethafik, an kain logogiluk hat hoasigiluk igik, ikhi lagi lek, iluk enegat aga andi hegen a? An nen hat weak ekhe hilinghafi'lek meneat he, haren an nebe noasigiluk mu'narek mondok nikhi lagen andiri!

1 SAMUEL 24:4

Lagaukwasik he, at Saul a'nogo kwe esanggoma wam domba awi ekhe miren hakhogo wuri'mo andoma asi lagaikhe. Lagaikhesik he andem oumo ekhe were'ma at Saul a'nogo amisema andoma kwigin iluk kwi lagaikhe. Nen ebe asuak he, at Daud agoromi inom omanogo re oumo andi elema a'lima hinago were'ma, Saul a'nogo kwi lagaikhe.

1 SAMUEL 24:6

A'nogo tiliphogo wanhikheba nen, hobugen at Daud endawimo nen he eige an nen a'nogo hilingiti andi re weagat hilingiti o, iluk anggasikhe.