1 SAMUEL 25:7 - Allah Wene Fano Wene Hupla Inane

⁷ An nesanggo holhunemen hat he, hundik-handik hanggo domba esi nek pali'lago, ugunem holhi lagi o. Nen, ekhe hat hagainafuri hanggo hali'lagwi mene it inebe nit ninawi fikhit were'ma ogore niren yi'nogo ti'nogo iluk inoba fikhi lago lek, nen it inebe o Karmel logolik oba re it inangge mene misik ekhe longgo ikhe lek mene andi re harogo helu asuago.

1 SAMUEL 25:7 ပူးပေါင်းရင်းမြစ်များ

2 SAMUEL 13:23

A'nogo hilingitukwasik oba nen he tahun pire welagaukwasigen at Absalom a'nogo re o Baal-Hazor o Efraim horokhogo omanogo wam domba esi palhunem seni isatikhe. Nen, a'nogo isati logolik he, at raja againafuri ap mene re inebe mondogat inayonggo fesikhe.

2 SAMUEL 13:24

Nen, aren raja Daud ambit lagaikhesik yagati logolik he, ”Hunai, an he wam domba esi palhunem seni isasigin enggere, hunai hat inom, it ap hokho inap o silimo yoma werek mene omanogo inom wesugun namolo o,” iluk yagatikhe.

LUKAS 3:14

A'nogo yagaisasikhemo, it ap tentara mene wagaukwasik he, mel yagatukwa: ”Nit ogo re, ninobabut ninggi'nogo hilingiti logogun,” isukwama re, at Yohanes nen he, ”Afuni inagarek mene wokhisoageluk hinane ninghogo yagaisigik, hineranen wene inoba fuluk inarupiah heligik, ugun mondok lego. Athe, yabu hilingiti lagep higithogoat, onggo gaji wokhisili'lagwi andi, elogat wo'nisaga, iluk hinendawinggen yamukhogoat wanhi logoino o,” iluk yagaisasikhe.

FILIPI 4:8

Nerugwi nagaila'lak. Wene wurep oba yi ekhe yagahisak. Hinendawinggen ebeti logolik he, fanorogo hilingitik, fogerinabu mene hilingitik, ili'lagwi mene oba ebeti logoino. Andi ebe re, wene eberogoat mene oba ebetik, fogerasu mene oba ebetik, inobabut lomborogo logolik hilingitarek mene oba ebetik, inobabut heanerogo hilingitarek mene oba ebetik, inoba liok ugu mene oba ebetik, ebetu mondok logoino o.

1 SAMUEL 22:2

Nen, it fena enggin-fenggin inoba fugu mene inom, inangge palegengge werek mene inom, it fena inendawimo anggagarek mene higithogo hilingiri'lagwi lek iluk agarek mene omanogo inom, at Daud oba andogosi wagaukwasik, Daud ebe it inoe melalinafu mene faget werek kwelek welagaukwa, nen it Daud inom nikhi lagaukwa mene re inebe seberogo 400 nen hakhogo welagaukwa.

1 SAMUEL 25:21

Andem sambul at Daud a'nogo endawimo nen ebethikhi logolik he, an nen ap andi angge o leimo halhi lagi a'nogo re we alomarogo hilingiti lagimo higi! At angge we misik iluk ogo ekhe longgo ikhe lek oba nen, an nen fanorogo hilingfikhi lagi a'nogo onggo re yogondak aren weak mene inom wuret fili'lago ari a!