1 SAMUEL 25:41 - Allah Wene Fano Wene Hupla Inane

⁴¹ A'nogo yagatukwama re at Abigail a'nogo menlagaikhesik eindep awi yagaisogo ane ikhi logolik he, ”An yi re at Daud amingmingengge hilingik welagimo re, it at amingmingengge andoma ineisok ebene elok sobalinafi logogin o,” iluk isikhe.

1 SAMUEL 25:41 ပူးပေါင်းရင်းမြစ်များ

AMSAL 15:33

Komorinafunem nendawinggen kagalagarek andi ero re Tuhan oba inailorogo welagaikharek andi aro. Nen legeisogo ninobagauwageluk halok attak he inendawimo sebelfakhogoin halok fano.

AMSAL 18:12

At onggwaregen legeisogo fakhikherek andiba pulema arat pilagarek andi, oba nen he ap endawimo sebel fakhikherek mene andi hobuk legeisogo fogoin.

MARKUS 1:7

Ariginhi logolik, mel yagaisikhi lagaikhe: ”An nebe yenggerek nomame lek mene wagi yi, ap kain omame hokho mene hobuk wesigin o. At ebe kain omame hokho andi nen he, at eisok agut yelik mene an nen neindep awi yakfulugen fikhaligin he, elo'lego.

1 TIMOTIUS 5:10

It afuni ekhe nen it hemi sogwe mene andi inabok ikhi logolik, ”It inobabut fano hilingiri'lagwi,” iluk agarek mene halok, inenu lisu palugun. Fano hilingitarek andi re, inonggwarek ineagwi fanorogo kulinafik, ap pok wagunem inebe fanorogo woginafik, Allah againafuri ekhe ineisok ebene sobalinafik, it ekhe weak were'ma leberisigik, inenggi ekhe kamo igi'lek yi mene ti mene faget leberisikho mondok welagik, agarek mene halok inenu lisu paluguno.

RUT 2:10

A'nogo yagatikhemo, at Rut esanggo holhikhesik he, eindep awi yagaisogo Boas awe a'ma wagaikhesik hai wati logolik mel yagatikhe: ”An nebe pok meneat he, haren an hendawitnafik, heilenggen wo'nafik ikhi logogin andi ninggi'nogo nen,” iluk yagatikhe.

RUT 2:13

A'nogo yagatikhemo, at Rut en he, ”An he, hemi ekhe hat heabu hilingitarek mene yoma hangge lek meneat he, agaukhogo fano yaganetenma re, nendawinggen fano aga o, noe,” iluk yagatikhe.

1 SAMUEL 25:23

At he Abigail a'nogo nen Daud wagunem eilenggen hasikhesik he at ebe weak-weak wam keledai amboloba nen pi wagaikhesik hun Daud eiso'ma endep awi yagaisogo hai wati logolik,

1 SAMUEL 25:40

Lakfisasikhemo, at Daud en lakfisasikhe mene aremnogo he a'nogo o Karmel were'ma ambit lagaukwasik yagati logolik, ”Nit he hun Daud en lakninobagai wagama at endawimo nen hat hebe faget an helagain anggikhi logolik yagasi lani iluk yaganisikhemo wago o,” iluk yagatukwa.