1 SAMUEL 25:39 - Allah Wene Fano Wene Hupla Inane

³⁹ Nen, at Daud esanggo holhunemen he at Nabal a'nogo wa'laga ugunem holhikhesik, aren ikhi logolik he, ”At Tuhan enek fogerasuok! Aren at Nabal en an mabenet nobagakhi logolik nenu weagerogo nobagaikhe mene a'nogo onggo watfikhi logolik he Aren enek an amingming engge yi nen kwanirek mene ekhe hilingisinogo iluk kwe pal nobagaikhe andi. At Nabal he weak onggo re Tuhan en unggum oba fikhe andi,” iluk isikhe. A'nogo isikhesik he at Daud en he Abigail nagweab eragain iluk ap ekhe he a'nogo aiba lakfisasikhe.

1 SAMUEL 25:39 ပူးပေါင်းရင်းမြစ်များ

2 SAMUEL 1:16

A'nogo wa'lagaikhemo, at Daud en warek mene a'nogoba ikhi logolik he, ”Hat honggwaregen he, An nen kain raja Tuhan nen wenagaisogo menfesikhe mene wati, iluk egenma, honggwaregen wene hoba fakhegenma hoato o,” iluk yagatikhe.

1RAJA-RAJA 2:44

Hat hobabut weak logolik an neisenaba hilingfikhi lagagin mene andi re hat mondogat helu welagen. Andiba re Tuhan nenat wene hoba fagain,

ESTER 7:10

Andi yagaisasikhemo re, iren hun Haman a'nogo e hilingik hun Mordekhai warogo fuguba iluk fougetikhe mene a'nogoba paku warogo fei lagaukwa. A'nogo hilingitukwama nek he raja a'mage lagasikhe mene a'nogo lombuk isikhe.

ESTER 9:25

Oba nen, he Ester en hun raja were'ma yagasi kwisikhemo re, raja nen wene melalek palogo wulafikheba re, at Haman onggwarek oba asi wagaikhemo, andiba at ebe inom, it againafuri re e ap porogo fisagarek oba omanogo porogo fisasukwa andi.

MAZMUR 7:16

Aren he ap amu mene faget iluk kweang habuli'lagoba nen he, at onggwarek kweang habulik a'nogoba pili'lago.

MAZMUR 9:5

Neisena, Hat he an nawene ayo palogo pilinget fuluk katokhogo nek hilingiti lagen mene welagenma re, andiba an nawene hoba waluk wagunem an nebikhit a'luk nagap telogo nobagakhi lagen.

AMSAL 18:22

Ap inagagwi andi re Tuhan nen onggo lek wogisikherek mene hilingi'mo, inagagwi helagarek andi re mondok fano.

AMSAL 19:14

O wurik inom, inangge yi mene ti mene inom andi re ineisugwi inalolegengge mene ogo elok hela hak, oba nen he inagagwi inobabut hebelek mene andi re Tuhan endawi fano nen weat wogisikherek.

AMSAL 22:23

Andi re At Tuhan he it inebikhit a'luk inili waganogo afuni inenggi lek mene inoba enggin fenggin fisagarek mene andoma re inebe ineluk waganogo wanigin enggere.

AMSAL 31:10

Helebenggen intan berlian elokhe fano onggo hokho wanharek andi re endebat weak hangge meneat he, ap sa nen agwe obabut fano mene heragaisogo helagain halok he, fano mondok he andi aro.

AMSAL 31:30

Hemi inane lebelek andiba lalinafaregat, nen, inelokhe fano andi mene longgoikherek, meneat he, it hemi Tuhan oba lomborogo logolik, ane hologo hilingitarek mene andi agaukhogo fogerinabugun higit obaat agaugwerinafarego.

KIDUNG AGUNG 8:8

Nit ninerei re hele misik ekhe werek, at eilak he we endebat tuksek. Nen ap ekhe nen nit ninerei andi nit ikhogoin iluk wagu halok he, niren at faget ninggi'nogo hilingisu hak?

MIKHA 7:9

Niren Tuhan oba weak mondok hilingitugumo re, yogondak nit hilingitugu onggo At anini ninoba fugunem ikhi lago. Oba nen he, aninurogo welagi'legat Aren nit ninebikhit asimbik ninili wanhik, ninobaget higithogo hilingninobagagik, Aren nit ninebe wo'ninarek o selek oba wilibi wagik igin. Aren telninabigin mene andi hilingitunem he nit ninebe lombogen hogoin enek.

2 KORINTUS 13:7

Niren he, hit weak ekhe hilingisinogo iluk, Allah ayonggo fikhi lago. Andi re, hiren hineilenggen nisikhi logolik he, ”Paulus lak fano hilingiri'lagwi,” iluk ninobabut palogo nen ikhi logobagaigeluk ikhi lago lek. Nit ninobabut palhunem, hiren, ”It elo'lek hilinglagaikha,” anggegep halok he, hesanggeat. Hebisanio. Hirat fano hilingiti logobagaigeluk hit faget Allah ayonggo fikhi lago.

1 TESALONIKA 5:23

A'nogo were'ma, at Allah nen ninendawinggen hambuget ninobagaikherek mene a'nogo nen, hinebe abirengge onggwarek faget fakhaluk logouwago. Were'ma, ninoe Enupogot ebe wagunem, hinendawinggen inom, hinebe inom, hinobabut inom, wene hinoba figi'lek tegelek mondok were'ma wesuagen he, arenat fethinarek logouwago.

2 TIMOTIUS 4:18

A'nogo telnafesik, hobuk afuni nen yi weak ti weak hilingnabuogeluk ugunem, arenat telnafi logombik he, telogo wo'narek pogoroba at awe a'ma logogun oba andoma kwigin andi faget, at fogeratu mondok logouwok, iluk, ”Amin,” igi andi.

HAKIM–HAKIM 5:2

Afuni Israel mene inogogwi kaindek omanogo weim yabugun iluk sikhiphogo aga, ap inebe mondogaren inendawinggen oba nenat yabi logoin aga andi nen, nineisena Tuhan fogerasuogo.

1 SAMUEL 24:15

Afuni Israel mene inoe raja hebe nenat an hamingming engge nebe noasigiluk ikhi lagen andi futfein o. An nebe noasigiluk mu'narek nikhi lagen a'nogo nebe yi heilenggen nean. An hamingmingengge nebe re mene unggul misik warek mene hangge inom, nen no pisang hangge inom, welagi yi.

1 SAMUEL 25:26

Hat heisena nen haselei mene inoba onggo wo'nesuageluk kino yagaisigik, inebe inoatik, ikherek mene a'nogo At Allah nen kwe palhobagaikhemo, At Tuhan Eluk Mondok Welagarek mene a'nogo enuba re an nen hombuk palhi lagi andi. Neisena hat haselei mene inom, nen it hat hebe alomat hobagagun iluk hilingiri'lagwi mene andoma inom, inoba ari'lago aple andoma re at Nabal ogo andi higit oba aga logouwago.

1 SAMUEL 25:32

A'nogo yagatikhemo at Daud en, he Abigail a'nogoba ikhi logolik, ”Hat an ninom yoma ambi asuageluk lakhobagai waga mene afuni Israel mene ineisena Tuhan Allah a'nogo nek fogerati logouwak!

1 SAMUEL 25:34

An nen hat hoba kwanirek mene hilingisinogo iluk kwe pal hobagagik. Neisena Tuhan afuni Israel mene ineisena Allah andi enuba hilingi'mo re, hat weak-weak wagen mene andi we'len le'ma nen he, mo oan liabi wagi'le'ma re at Nabal agoromi re inoa'lepma mondogat wa'la'lebo!” iluk isikhe.

1 SAMUEL 25:40

Lakfisasikhemo, at Daud en lakfisasikhe mene aremnogo he a'nogo o Karmel were'ma ambit lagaukwasik yagati logolik, ”Nit he hun Daud en lakninobagai wagama at endawimo nen hat hebe faget an helagain anggikhi logolik yagasi lani iluk yaganisikhemo wago o,” iluk yagatukwa.

1 SAMUEL 26:10

Neisena Tuhan eluk werek mene enuba hilingi'mo re at ebe wa'lasigin oba horok asigin halok ogo, nen weim yafunemen weim ambisangma asigin halok ogo nineisena Tuhan onggwaregen enek Saul ebe wasigin andi re an nelu o.