1 SAMUEL 25:38 - Allah Wene Fano Wene Hupla Inane

³⁸ Andi nen linggene 10 nen hakhogo welagaikhesigen he at Tuhan nen hun Nabal a'nogoba endawinggen ma ou mene fesikhemo ebe wa'lagaikhe.

1 SAMUEL 25:38 ပူးပေါင်းရင်းမြစ်များ

2 SAMUEL 6:7

A'nogo fakfesikheba nen aremnogo sambul at Uza nen hilingitikhe mene andi re Tuhan enu sebelogo fou hakhogo hilingitikhemo re, At Tuhan Allah a'mage Uzaba fesikhesik, at ebe e Peti Wene Warek a'nogo era'lu aremnogo nen ebe pinggi warogo fesikhe.

2 RAJA-RAJA 15:5

A'nogo hilingitunem he Tuhan nen at ebe agap oba ou mondok weak mene fesikhemo weakhogo werek kwelek enek ebe wa'lagaikhe. Andi nen at ebe eluk logolik he ou weak hikhi logolik yabu hilingiti'legengge logouwageluk o ale'ma wurogo fesukwama werek kwelek he at amlogo Yotam a'nogo at a'ma hakhogo logolik afuni melalinafu welagaikhe.

2 RAJA-RAJA 19:35

A'nogo isikhesi'mo nen, o hubanggo andibaat, nineisena Tuhan agot malaikat ap tentara Asyur mene inawi tenda wuri'mo wagaikhesik, inebe hokhorogo 185.000 nen inoatikhe. A'nogo inoatikhemo, ohealek hubet he, ap warek mondok hilinglagaikhemo hasukwa.

2 TAWARIKH 10:15

It afuni holhu inaben kino ikhi lagaukwa mene a'nogo hol figi'legengge obakhenigik herak fisikhi lagaikhe. Oba nen he Tuhan Allah endawimo anggugu mene higithogo hilingiti lagaikhe. A'nogo andi re At Tuhan nen hun Nebat amlogo Yerobeam andiba, yi'nogo hilinglasigin isikhemo at nabi Ahia o Silo mene a'nogo nen isikhe mene higit asuageluk hilingiti lagaikhe andi.

2 TAWARIKH 13:20

Hun Abia raja logolik melalinafi lagaikheba re at Yerobeam a'nogo re at omame welagaikhe mene a'nogo halu elo'lek agaikhemo re at ebe Tuhan nen pinggi watikhe.

MAZMUR 104:29

It Haren elalinafigin mene andi, Hat helokhe kwani ugunem he, inailo mondok agarek. Nen Haren set it mene andi wanhunem he, inebe mondok wa'lagaikharek. Inebe kweang aling mene nogo nen he, inambotkwe kweang alingat agaikharek.

MAZMUR 73:19

Ineilenggen humun la'luk fenggen lagaikharek hak koma lagaikha heat, lek agaikharek. It inebe lek agaikharek sambul andi re mondok hunikhogo hiling lagarek.

KELUARAN 12:29

A'nogo hilingitukwama, o hubanggo andi sambul hup enggen tulem nineisena Tuhan nen afuni Mesir mene inagainafuri ap manggusa mene nek, ero at raja Firaun amlogoba nen pikhit ap inenggi hele warek welagaukwa mene huli inagainafuri mondogat inoatikhe. A'nogo inoati logolik, wam eagwi attak tago mene mondogat inoatikheat.

1 SAMUEL 25:33

An nen ap inoatik, nonggwarek nendawimo nen anggaluk hilingisigin iluk wenggelfigirik hilingiti mene re, hilingisinogo iluk kwe pal nobagai wagen mene andi hat hendawinggen kagalogo wenggelhen mene andi faget fogethafi logouwak, nen honggwarek hebe fogethafi logouwagaro.

1 SAMUEL 25:37

Hubet he ap Nabal a'nogo afe enggat agaikhemo at agwe nen he weak kwanirogo hilingitikhe mene a'nogo mondogat tindelogo yagatikhemo endawimo warasikhesik oba lebelekhogo warek mene hangge hilinglagaikhe.

1 SAMUEL 26:10

Neisena Tuhan eluk werek mene enuba hilingi'mo re at ebe wa'lasigin oba horok asigin halok ogo, nen weim yafunemen weim ambisangma asigin halok ogo nineisena Tuhan onggwaregen enek Saul ebe wasigin andi re an nelu o.

1 SAMUEL 6:9

A'nogo lagu kwelek hineil wanino o. A'nogo hineil wanhunem, peti andi waluk aiba o kota Bet-Semes higit pikhit lagu halok he, wene mondok weak mene andi afuni Israel mene ineisena Allah nenat ninoba lakfei wagama higi, iluk futfogoin o. A'nogo meneat he, kwe amukwe kwanirogo lagu halok he, wene andi Allah nen ninoba lakfei wagi'lek, we, erabisagat ninoba agama, iluk nit futfogoin aro,” iluk yagaisasukwa.