1 SAMUEL 25:36 - Allah Wene Fano Wene Hupla Inane

³⁶ A'nogo yagatikhemo at he Abigail a'nogo sugulogo hun Nabal ambit wagunemen he, it ap raja nen seni isatarek omanogo hakhogo oloba seni hokho mene isati lagaukwa. A'nogo isati logolik at Nabal a'nogo lugu-lugwi palhikhesik agaiyek hokhorogo hilingitunem he, at agwe nen wene yi'nogo ti'nogo iluk ekhe yagati'lek werek kwelek enek he hobit huli agaikhe.

1 SAMUEL 25:36 ပူးပေါင်းရင်းမြစ်များ

2 SAMUEL 13:23

A'nogo hilingitukwasik oba nen he tahun pire welagaukwasigen at Absalom a'nogo re o Baal-Hazor o Efraim horokhogo omanogo wam domba esi palhunem seni isatikhe. Nen, a'nogo isati logolik he, at raja againafuri ap mene re inebe mondogat inayonggo fesikhe.

2 SAMUEL 13:28

Isati logolik aren amingmingengge omanogo inoba komotfisikhi logolik he, ”Hiren he at Amnon andi hineilenggen wanino o. At ambi anggur amusu nambik lugu-lugwi palhunem andem an nen enegengge hilinghugu halok he, hiren weak-weak ebe pinggi wa'no. Hinailo su fuk, wene andi faget he we an namu nen enek ambisangma noba asigin halok ogore wanigin enggere, iget figi'lek inambong siserogo nek hilingi'no!” iluk komotfisasikhe.

2 SAMUEL 3:20

At Abner agoromi inebe 20 mene inom at Daud were'ma logoin iluk o Hebron lagaukwa. Lagaukwama, at Daud en it faget seni isatikhe.

1RAJA-RAJA 20:16

A'nogo hilinglagaikhemo re, iren o pin talogo inoasi kugun mene a'nogo re o linggene erotukwa, erotukwasik at Benhadad agaila'lak raja amu mene inebe 32 nen sebetukwa mene omanogo inom he inawi wuri'mo kwisukwasik i lugu-lugwi palharek mene ninggi logolik were'ma nen kwi lagaukwa.

MAZMUR 112:5

It afuni inendawi fanorek logolik inagaila'lak ekhe hobuk obali'mo fagain nen iluk kino ugunem wogisigik, yi wene ti wene faget tiphogo nek hilingiti logolik henarogo hilingiti'lek higithogo hilingitarek mene andoma re inagaiyek hikhi logouwak.

AMSAL 20:1

Afuni nen i lugulugwi palharek mene naluk inane yugunat igik, hesangge asegen wogisigik agarek. Iren i a'nogo naluk lugulugwi pali'lagwi andi re mondok kemburogo hilingiri'lagwi.

PENGKHOTBAH 10:19

Seni isago werek halok he inagaiyegen endo agik, anggur agai werek halok he inendawimo hai agik agarek, oba nen andoma mondogat he a uang lombok werek.

YESAYA 28:3

It ap kaindek ferinarek welagaikharek mene nen lugu-lugwi palhi logolik foget fakhagarek mene andi re kweangma alperelogo fisagain.

YESAYA 5:11

Hit o huberen ero ratungge o hub ari'lago huli andoma hineabu re i amusu omame mene ninggik, nen naluk lugulugwi palhik, hilingiti lagep mene oma re, hinebe alomat lakhogoin o.

YEREMIA 51:57

An nen he ap pemerintah Babel mene inobaget yabu hilingiri'lagwi mene andoma inom, ap Babel mene inendawinggen wenggelek inap andoma inom, inogogwi ferinarek mene inom, inasikhe fisogo mene inom he lugu-lugwit fisagain. Andiba re it ekhe menlagi'lek mondok mondogat nogokhi logolik logogun o, iluk An nen mondogat igi. An nebe re Raja, Tuhan Nomame Mondok Hokho welagi mene a'nogo.

HOSEA 4:11

Tuhan ane ikhi logolik, ”An nagainafuri yi sani, anggur attak mene ogo, ket mene ogo, hiren fanorogo hilingisuogeluk wenggeluageluk mene andoma legaphogo hinobagaikhemo welagebo.

NAHUM 1:10

Hat Niniwe yi re, hat he engga iringik mene inom, alok-alogengge solu-salarogo hilingik mene inom endumo nolharek andi hak nolhabugun.

MATIUS 10:16

A'nogo yagaisasikhesik he, ekhe mel yagaisasikhe: ”An nen, hit hinobabut wam domba obabut hangge mene, it afuni inobabut mene olo mene obabut weak andi hangge mene inanggele'ma heakhogo lakhinobagagin andi re, hinobabut kisu obabut hibil-hebelhogo hilingiterek andi hak hilingitik, sue pel obabut enago welagarek andi hak welagik, ikhi logoino.

LUKAS 14:12

A'nogo yagaisasikhesik he, at Yesus nen ap awi eisewerek ayonggo fesikhe mene a'nogo yagati logolik, ”Linggene a? hu'mokwe a, haren afuni hinom sumburu misi'mo isago nouwogeluk halok he, hat hinom hundik mene inom, hagaila'lak mene inom, hogogwi hagoromi mene inom, kaindek inenggi werek hinom welagep mene andoma inom, inayonggo fugun o. A'nogo hilingiten halok he, hobuk it ekhe seni isati logolik hat hayonggo foumo, onggo wurabeten hanogo.

LUKAS 21:34

At Yesus nen wene a'nogo yagaisasikhesik he, ekhe mel yagaisasikhe: ”Yi mene ti mene isago werago hinalabut ninghogo ninggik, i lugulugwi paluogeluk nenggarek mene ninggik, yi mene ti mene kweangma mene faget menenei uan horok ebetik, a'nogo hilingirik nikhi logolik hinebe hebelek lek hesanggeat were'ma,

ROMA 13:13

O selek oba logolik hilingitarek hak, ninobabut higithogo hilingiti logouwok. Seni naluk weak hilingitik, i hinago naluk lugulugwi palhik, agarek andi hak hilingisugun lego. Hesanggeat pailak fakfisigik, inenggali lek hilingitik, agarek andi hak hilingisugun lego. Wene palhik, pou igik, agarek andi hak hilingisugun legaro.

EFESUS 5:14

A'nogo selek oba fugunem enegat a'luk he, selek agarek andi nen he, mel agarek andi: ”Hat nogo ikhi lagen andi, hebe menlame o. Nen, warek hangge welagen andi, helugame o. At Kristus nen selegethabigino,” iluk agarek andi.

EFESUS 5:18

Anggur enggen amusu hokhorogo nunggunem andi mene nen hinebe lugulugwi palhi logolik weagethinabinogo nen he, ninggi logogubo. Oba nen, we Allah Areagun andiat hinendawimo peterogo wanino.

1 SAMUEL 25:19

A'nogo liak fesukwasik aren againafuri eabu hilingitarek mene omanogo inoba yagaisikhi logolik he, ”An he hit hinombo'ne hobuk wesigin enggere, hit he attak an nelokhoma laga logoni,” iluk miminginafikhe ba nen he aren agun oba yi'nogo ti'nogo iluk endep ekhe yagatikhe lek.

1 SAMUEL 25:37

Hubet he ap Nabal a'nogo afe enggat agaikhemo at agwe nen he weak kwanirogo hilingitikhe mene a'nogo mondogat tindelogo yagatikhemo endawimo warasikhesik oba lebelekhogo warek mene hangge hilinglagaikhe.