1 SAMUEL 25:21 - Allah Wene Fano Wene Hupla Inane

²¹ Andem sambul at Daud a'nogo endawimo nen ebethikhi logolik he, an nen ap andi angge o leimo halhi lagi a'nogo re we alomarogo hilingiti lagimo higi! At angge we misik iluk ogo ekhe longgo ikhe lek oba nen, an nen fanorogo hilingfikhi lagi a'nogo onggo re yogondak aren weak mene inom wuret fili'lago ari a!

1 SAMUEL 25:21 ပူးပေါင်းရင်းမြစ်များ

KEJADIAN 44:4

Lagaukwasik, it o kota a'nogo nen yatma asi lagi'le'ma, at Yusuf en hun at aiba halhi lagaikhe mene a'nogoba yagati logolik, ”Weak-weak ap a'nogo mugisa lano. Lambik yagaisikhi logolik, ”Hit fanot hinafu kwelek he, nenahalok weak mene inom wuret fegep?”

AYUB 30:8

It he afuni nen it inonggwarek inaiba nen mugusogo wulakfisasukwa mene hilingi'mo re, inenu legengge inebe weak-peakhogo welagaukwa.

MAZMUR 35:12

An nen fanorogo hilingfisikhi lagi mene omanogo re, iren hebekhogo weak meneba hilingnobagali'lagwi, nen i agum oba ubuk agarek hak, an nendawi fit lagunem welagi.

MAZMUR 37:8

Hiren hina'mage lagaluk hinendawimo het-pet u fuk, A'nogo hilinghinabigin andi re weaget hinabigiluk hilinghinabigin.

MAZMUR 38:20

It ap an ninom minggilik logolik hilingiri'lagwi mene re inebe hokhorogo logolik inomame ogo hokhoregat, iren an nebe welagi mene faget inabit noba fili'lagwi.

AMSAL 17:13

Ap sa nen fano mene andi weak meneba onggo palhe halok, weak mene a'nogo at aiba nen waganogo wulibigin mondok lek.

YEREMIA 18:20

An nen fano mene hilingfisugu kwelek iren inanini an noba fouwogeluk hilingiri'lagwi andi re hilingisuba hilingiri'lagwi a? Andiba nen an kweang pogole habuli'mo puageluk habulfili'lagwi andi. Neisena, An nen he it inoba Haren hanini fegen hanogo iluk Hat helokhoma nen inebikhit aga lagi mene a'nogo ebetnean o.

ROMA 12:21

Weak hilingitarek mene andi omame a'luk hit sebelogo hinobagainogo iluk he, hit fano hilingiti logolik, hinomame a'luk he, weak hilingitarek mene andi sebel fisikhi logoin o.

EFESUS 4:26

Hina'mage lagaikhe halok, weak hilingitup. Hina'mage lagaluk were'ma, Iblis nen hinendawimo kagalinogo iluk, o mo eil oan ubukhogo kwigi'lek werek kwelek, sagalogo leget feino o.

EFESUS 4:31

Inane haro weak igik, ina'makwe het-pet igik, ina'mage lagaluk, inane uarek-puarek wene palhik, ineranhogo inabok weak palhik, agarek mene andi herakfisikhi logolik he, weagerinafarek mene inom mondogat herakfisikhi logoino o.

1 TESALONIKA 5:15

Afuni nen hit ekhe weaget hinafunem, onggo-onggo weagerinafi'lek logolik, hit-hit faget inom, afuni mondogat faget inom, inobabut fanorogo hilingitarek andi meneat esinet fikhi logoino o.

1 PETRUS 3:17

Hit weak hilingitunem hinoba yi enggin ti enggin hinobabut oba fikhi logogun halok weak. Meneat he, hiren fano hilingitunem, Allah nen, ”It yi enggin ti enggin hoak,” iluk anggikhe halok enek he, fano o.

1 PETRUS 3:9

Afuni ekhe nen hit weak hilinghinafunem, hiren onggo weagerinafubo. Nen, inane asegen weak wokhinafunem hiren onggo hinane asegen wogisagubaro. Onggo re, Allah nen inebe fanorinabuageluk, ayonggo fikhi logoino. Hobuk aren fano mene wokhisageluk hinayonggo fesikhe andi nen, hiren onggo fano mene yagaisikhi logoino.

1 SAMUEL 25:13

A'nogo yagatukwama re, at Daud en agoromi aremnogo inoba ikhi logolik, ”Hiren hinenggarok hinebe lombok hinouwakwe puge'ni!” iluk yagaisasikhe. A'nogo yagaisasikhe mo at Daud agoromi omanogo aren ane yagaisasikhe mene a'nogo weak-weakhogo hologo hilingitukwa. At Daud ogore enggarok ouwa'ma pugetikhesik, it ap inebe 400 nen hakhogo inom lagu kwelek, it ap inebe 200 nen hak he inasungge fisogo welagaukwa.

1 SAMUEL 25:15

It andi ninom he mondok fano logolik, nit ninoba yi'nogo ti'nogo ekhe hilingninabi'lagwi lek, nen nit ninebe it ninom o leimo ambi agagu huli nen enggere nit ninangge misik iluk ogo ekhe longgo ikherek lek oba nen.

1 SAMUEL 25:20

At he Abigail a'nogo wam keledai ba lagasikhesik at ebe lagaikhesik tom abel kwanirogo lagaikharek oba andoma asi lagaikhe hak he, at Daud inom agoromi inom at he a'nogo fikhit pi wagunem sal-kwal isukwa.

1 SAMUEL 25:7

An nesanggo holhunemen hat he, hundik-handik hanggo domba esi nek pali'lago, ugunem holhi lagi o. Nen, ekhe hat hagainafuri hanggo hali'lagwi mene it inebe nit ninawi fikhit were'ma ogore niren yi'nogo ti'nogo iluk inoba fikhi lago lek, nen it inebe o Karmel logolik oba re it inangge mene misik ekhe longgo ikhe lek mene andi re harogo helu asuago.