1 SAMUEL 25:2 - Allah Wene Fano Wene Hupla Inane

^2-3 At omanogo lagunemen he o kota Maon omanogo re ap misik ekhe enu Nabal hun Kaleb ambisangma mene nen tagongge mene welagaikhe. Hun andi re aren anggo takhuguba faget he kweang o Karmel horokhogo andoma welagaikhe. At ebere enggi werek agun logolik anggo domba re 3.000 nen welagaikhe. Nen anggo kambing he 1.000 nen welagaikhe. At agwe Abigail andi re mondok hebelek logolik he, ebe ogo mondok fano welagaikhe. Oba nen he at agun Nabal andi re obabut mondok haferek logolik mondok weak mene nek hilingiti lagaikhe. Linggene misik sambul he at Nabal a'nogo o Karmel andoma anggo domba esi palhi lagaikhe.

1 SAMUEL 25:2 ပူးပေါင်းရင်းမြစ်များ

KEJADIAN 13:2

Abram anggo re, domba inom, kambing inom, sapi inom, nen, arupiah perak mene inom, emas mene inom, mondok hokhorogo were'ma ebe kain enggi werek agun welagaikhe.

KEJADIAN 26:13

At Ishak angge yi mene ti mene hokho aga logolik enggi werek agun agaikhe.

KEJADIAN 31:19

It a'nogo hilingitu kwelek, at Laban he o leimo anggo domba esi paligiluk lagaikhemo, at ebe lek kwelek, hele Rahel a'nogo nen eisena Laban anggembu e meneba wurigengge at Laban eisok erokwe ferinarek mene iluk fisogo welagaikhe mene a'nogo hinatikhe.

KEJADIAN 38:13

At he Tamar a'nogo esanggo holhasikhe re eamal Yehuda anggo domba esi o Timna pali lageluk ili'lago iluk ugunem holhikhe.

2 SAMUEL 19:32

Ap Barzilai andi ebe arat yaman agaikhesik umur 80 tahun agaikhe mene. At ebe enggi werek agun logolik angge yi mene ti mene mondok hokhorogo were'ma, attak at Daud ebe o Mahanaim were'ma re, sumburu nunggu mene at Barzilai nenat wogoti lagaikhe agun.

AYUB 1:3

Nen, at amingmingengge inebe mondok hokhorogo welagaukwa. Anggo ogore, domba 7.000, nen unta re, 3.000, nen sapi re, 1.000, nen keledai re 500 nen welagaikhe. A'nogo welagaikhe andi nen, afuni o mo ero fikhit andoma welagaukwa mene inangge endebat hangge meneat he, at Ayub andi nek he, mondok kain eilmo wulalhak welagaikhe.

AYUB 42:12

Attak at Ayub weak oba agi'lek logolik fano welagaikhe meneat he, andi endebat elo'lek hangge, nen weak a'nogo oba agaikhesik oba nen Tuhan nen mondok fanot fesikhemo hobuk fano mondok welagaikhe. A'nogo fanot fesikhemo, hobuk anggo kambing, domba 14.000, nen unta 6.000, nen sapi 2.000, nen keledai 1.000 nen wogotikhemo eise agaikhe.

MAZMUR 17:14

It afuni o kweangma yoma inangge kabogetu mondok logolik werek mene andoma inoba nen fikhalogo nobagakhi logoino. Enggin fenggin it afuni andi inoba fisugu mene iluk Haren foukhogo fisegen mene a'nogoba it unggum wogisikhi logoino o. Nen, it inagainafuri inom, inombawi iren taginabugun mene inom ogo a'nogo nek unggum inoba fikhi logoino aro.

AMSAL 30:22

Ap ekhe we inamingmingengge higit werek meneba nen raja menlagarek, Nen ap ekhe re ebe morue meneba nen yi mene ti mene at endawimo amolo anggikherek mene omanogo higithogo nek helikherek.

YOSUA 15:55

Andi nen kota 10 nen yi re, o sili era'lukwe maserogo werek mene inom andem enu re: O Maon, Karmel, Zif, Yuta, Yizreel, Yokdeam, Zanoah, Kain, Gibea, Timna inom.

1 SAMUEL 15:12

Yagatu welagaikhesik, ohealek hubet siakhogo re, Saul oba lageluk lagunem afuni nen he, ”Saul he, attagat o kota Karmel a'lima at faget afuni ekhe inendawinggen wenggelogo inendawimo eberek logouwageluk helep ekhe menesigiluk he, weak-weagat lagama o. Andoma a'nogo hilingi'luk ambotkwe o Gilgal wesigin o,” iluk yagatukwa.

1 SAMUEL 23:24

A'nogo yagaisasikhemo re, it ap wagaukwa inap omanogo Saul herakfuluk inambotkwe inaiba o Sif lagaukwa. Andem sambul at Daud agoromi inom he o Maon leimo o Yehuda nen abel a'ma fikhit erang tonggoma andoma werek kwelek hilingitukwa.