1 SAMUEL 25:10 - Allah Wene Fano Wene Hupla Inane

¹⁰ Oba nen he at Nabal en onggo yagaisikhi logolik, ”Daud a, Andi re sanogo? Hun Isai amlogo andi re sanogo? At faget he an endebat ekhe nesanggo holhi lagi lek mene! Horok yogondak welago arem oba re ap inamingmingengge werek mene hokhorogo inogogwi inoba nen wulifaresik yoma longgo i we'luk werek!

1 SAMUEL 25:10 ပူးပေါင်းရင်းမြစ်များ

2 SAMUEL 20:1

O kota Gilgal andoma re ap weagerogo fisikhi lagaikkhe mene ekhe enu re Seba welagaikhe. At andi ebere hun Bikri amlogo, at unggulenu Benyamin mene welagaikhe. A'nogo were'ma, at Daud ebe inanggilukhogo waluk wagunem, at Seba nen he trompet furogo anethikhi logolik ane hokhoba yi'nogo ikhi lagaikhe, ”Nit he at Daud ninom hundik welago lek a'nogo. Ninggi'nogoluk niren at murok logoin nogo? Hit afuni Israel mene yi sani, inaiba louwogo!” iluk ane humeti lagaikhe.

1RAJA-RAJA 12:16

At raja a'nogo inane holu abiren herakfisasikhe andi nen he, it inane hokhorogo mel isukwa: ”At Daud ebe inom, aren tagomangge mene inom, inebe nit ninoe raja logogun he, mondok ninabiro. Iren nit faget yi mene ti mene hilingnisikhi lagaikha nogo? Mondok lego. Andi nen he, at Rehabeam onggwarek faget hilingirikhi logouwagen he, hit ap Israel mene yi sani! Ninambotkwe louwogen he, we'ni o,” iluk isukwasik inambotkwe inaiba lagaukwa.

KELUARAN 5:2

A'nogo yagatukwama, aren he, ”Tuhan andi sa nogo?” iluk heinok wogisasikhesik he, ”An nen he, at andi nen fano ikhe, iluk afuni Israel mene loageluk nenahalok At ane holfuluk lani igin? Tuhan andi ebe nonggotma re, afuni Israel mene andi, lani, iluk yagaisagain lego,” iluk yagaisasikhe.

AMSAL 15:1

Wenagisugu halok, onggo inane liokhogo yagaisugunem he, ina'mage lek agarek, oba nen onggo lagokhogoat yagaisogoin halok ina'mage lagaikherek.

PENGKHOTBAH 7:10

Hiren ikhi logolik, nenahalok o attak andoma fano welagaba nen, yogondak he weak werek nogo, iluk heinok wanu fuk. Ariginik mene andi re ap kembu mene nen heinok wanhagarek mene.

YESAYA 32:5

Ap kembu mene re ekhe inom lego werek anggikhi logogun lek, eranen wene ikherek mene andi re eberogo wene ili'logo anggogoin legat.

YESAYA 32:7

Nen, ap eranen wene ikherek mene andi re wenggelherek mene inom, hilingiterek mene inom he kwanirek mene nek hilingiterek. Aren he afuni inenggi lek mene omanogo eranen weneba lalogo it inangge mene omanogo helanogoluk lalinaferek.

HAKIM–HAKIM 9:28

Iren ikhi logolik, nit ari re ningginik ninaben at Abimelekh a'ma sebe ugun nogo? Nen at Gaal en ikhi logolik at andi re ebe eberogo re sa nogo? At ebere hun Gideon amlogo, at agot ombo'ne mene Zepul a'nogo inom nit ninomba Sikhem eisena Hemor a'nogo amingmingengge agaikhe mene re lek nogo a? Ebe a'nogo aro.

1 SAMUEL 20:30

A'nogo yagatunem esanggo holhikhesik he, a'mage Yonatan oba fesikhesik, mel yagatikhe: ”Kembu yanani nen tago mene yi ri. Hat he Daud ebikhit agendik honggwarek inom agaisa inom hinenggalirogo hilingiti lagep a'nogo re, an yogondak arat nelu aga o.

1 SAMUEL 22:2

Nen, it fena enggin-fenggin inoba fugu mene inom, inangge palegengge werek mene inom, it fena inendawimo anggagarek mene higithogo hilingiri'lagwi lek iluk agarek mene omanogo inom, at Daud oba andogosi wagaukwasik, Daud ebe it inoe melalinafu mene faget werek kwelek welagaukwa, nen it Daud inom nikhi lagaukwa mene re inebe seberogo 400 nen hakhogo welagaukwa.

1 SAMUEL 25:9

A'nogo yagaisasikhemo re, it andi o Karmel andiba asi lagaukwasik at Daud hagoromi omanogo nen he wene yi'nogo ino iluk yagaisasikhe mene aremnogo at Daud enuba yagatukwasik, at Nabal en onggo yaganisoageluk nenangothikhi lagaukwa.