1 SAMUEL 25:1 - Allah Wene Fano Wene Hupla Inane

¹ A'nogo hilingitukwasik inenggi aninurogo welagi'legat at Samuel a'nogo wa'lagaikhe. At wa'lagaikhemo it afuni Israel mene mondogat fong watunem inom wasugun iluk kabogetukwasik, at ebe onggwarek aiba o Rama omanogo salhukwa. A'nogo wa'lagaikhemo salfuluk he at Daud a'nogo o Param leimo andoma lagaikhe.

1 SAMUEL 25:1 ပူးပေါင်းရင်းမြစ်များ

KEJADIAN 14:6

afuni inunggulenu Hori mene o tom Elom-Oba andoma mabenetfisigik, isukwasik inebe muginarek o leimo esanggoma yatmaat enu El-Paran andoma fisa wagaukwa.

KEJADIAN 21:21

A'nogo were'ma, at agaisa nen he, he Mesir mene ekhe igetikhe.

KEJADIAN 50:11

O Goren-Haatad andoma fong a'nogo watunem afuni o Kanaan mene ineilenggen isasukwasik he, mel isukwa: ”Afuni Mesir mene fong watha andi re, mondok inendawi hangge watha o, nendawilage,” iluk isukwa. A'nogo isukwa andi nen, o andoma enu re Abel-Mizraim, iluk salhukwa.

1RAJA-RAJA 2:34

Andi isikhe mo re, at Benaya a'nogo o Tuhan Awi sabu salek oba omanogo lagaikhesik he Yoab a'nogo aremnogo nen wasi lagaikhe. Wat fesikhesik he, at Yoab ebe onggwarek awiba o kota nen endakwe fikhit omanogo salhukwa.

2 RAJA-RAJA 21:18

At Manasye ebe wa'lagaikhe mo re, at onggwarek awi silimo istana raja, hun Uza eabu mo salfesukwa. Salfesukwama re at amlogo Amon a'nogo at obali'mo raja menlagaikhe.

2 TAWARIKH 33:20

At Manasye ebe wa'lagaikhemo re at ebe welagaikheba o it ap raja-raja werek oba iluk wurik oba omanogo salhukwa. Salfuluk he at amlogo Amon a'nogo raja at obali'mo menlagaikhe.

MAZMUR 120:5

An nebere o Mesekh welagi halok inom afuni Kedar mene inanggele'ma andoma welagi halok inom he higirenek o, we an nebe hit ninom seberogo welago andi nen mondok alomarogo fakhikhi lagi o.

YESAYA 14:18

It raja-raja attak inunggulenu lombok ferinarek welagaukwasik wa'lagaukwa mene omanogo inebe mondogat he inobalik lombok inawi fanorogo wurogo wengik werek,

ZAKHARIA 1:5

Ma re, it inambu-inombalak inom it nabi andoma inom yogondak he koma werek nogo? It he, inebe werek lek andi.

BILANGAN 10:12

A'nogo lagasikhemo re, it afuni Israel mene inebe hilingik higithogo attak mene nen he wurep kobokhogo mene huli laga logolik he, o Sinai leimo omanogo herakfuluk lagaukwa, Nen ohena a'nogo re it afuni omanogo o Paran leimo asi wagaukwa hak he o andoma kamo isikhe.

BILANGAN 12:16

A'nogo hilingitukwasik enek he it a'nogo o Hazerot herakfuluk he, o Paran leimo andoma inawi sabu wusi lagaukwa.

BILANGAN 13:26

Wagaukwasik he, it Musa inom, Harun inom, afuni Israel mene inebe mondogat inom, o afuni le'ma Paran leimo o enu Kades andoma inebe andogorek were'ma inoba wagaukwasik he, ”Yi'nogo hogo, ti'nogo hogo,” iluk yagaisigik, e enggen palogo waluk wagaukwa mene omanogo inugisigik, isukwa.

BILANGAN 13:3

A'nogo yagatikhemo At Allah nen isikhe mene a'nogo higithogo Musa nen o Paran leimo andoma logolik lakfisasikhe. Ap inebe andem mondogat he, it afuni Israel mene inogogwi kaindek inanggele'ma ferinarek logolik wene lenggalinafi lagaukwa mene nek lakfisasikhe: Inunggulenu lenggalinafi lagaukwa mene, Ruben mene Syamua hun Zakur amlogo Simeon mene Safat hun Hori amlogo Yehuda mene Kaleb hun Yefune amlogo Iskhar mene Yigal hun Yusuf amlogo Efraim mene Hosea hun Nun amlogo Benyamin mene Palti hun Rafu amlogo Zebulon mene Gadiel hun Sodi amlogo Manasye mene Gadi hun Susi amlogo Dan mene Amiel hun Gemali amlogo Asyer mene Setur hun Mikhael amlogo Naftali mene Nahbi hun Wofsi amlogo Gad mene Guel hun Makhi amlogo.

BILANGAN 20:29

A'nogo wa'lagaikhemo fuluk pi wagaukwasik, afuni Israel mene mondogat yagaisasukwama inesanggo holhukwasik he, Harun warek faget fong watu inenggi 30 nen welagaukwa.

KISAH PARA RASUL 8:2

A'nogo wulakfisasukwama, it afuni Allah ane hologo hilingiti lagaukwa mene ekhe nen he, Stefanus a'nogo ebe warek kweangma salhukwasik he, obaget le hokhorogo aga lagaukwa.

ULANGAN 34:8

A'nogo wa'lagaikhemo, afuni Israel mene o Moab kweang mondok liok layokse'ma andoma andogorek logolik, fong watu inenggi 30 nen welagaukwa.

1 SAMUEL 1:19

A'nogo naluk nogo isukwasik, at Elkana againafuri inom ohealegat siakhogo ineluk agaukwasik, nineisena Tuhan fogera'luk inambotkwe o Rama lagaukwa. Lagaukwasik, at Elkana agwe Hana emberek nogo isukwama, Hana nen Tuhan oba kino yagatikhe mene a'nogo ane esanggo holhikhesik wogetikhe.

1 SAMUEL 28:3

At Saul en afuni heinogengge inoba lagaikharek mene inom, wesagun, ”Hobuk yi'nogo hilinglasigin,” iluk agarek mene inom, mondogat afuni Israel mene were'ma logogun lek, iluk mugusogo wulakfisasikhesik oba nen, at Samuel ebe a'nogo wa'lagaikhemo, afuni Israel mene mondogaren fong warogo ebe warek at onggwarek aiba Rama andoma salhukwa andi.

1 SAMUEL 7:17

A'nogo hilingiti la'luk ambotkwe aiba o Rama waga lagaikhe. Andoma logolik, aren afuni Israel mene yi wene ti wene inoba were'ma pilingisogo legetfikhi logolik, wam Tuhan faget warogo noleti logogun oba obalik Mezba ekhe wutikheat.