1 SAMUEL 24:2 - Allah Wene Fano Wene Hupla Inane

² A'nogo lagaikhesik were'ma, at Saul en he afuni Filistin mene inom weim yabi lagaikhesik wagaikhesik holhasikhe re Daud a'nogo o En-Gedi horokhogo o leimo andoma werek ugunem holhikhe.

1 SAMUEL 24:2 ပူးပေါင်းရင်းမြစ်များ

2 SAMUEL 22:2

”Tuhan neisena, an nen Hat hoba nendawi hundik mondok welagirek andi nen he, an nomame re Hat hebeat welagen o.

AYUB 39:1

Haren he, kambing enggama mene andi, eak o ti sambul tasigin iluk helu nogo a? Nen, mene olomene hangge enu rusa maro mene andi, eak tasigiluk ugunem heilenggen peneti lagen nogo a?

MAZMUR 104:18

Tom unggul uandek meneba re, kambing maro enggama mene welagarek. Paik sumbi hangge andi mene re, helep isa elema hina'lasi kuluk weragarek.

MAZMUR 141:6

It inogogwi inalong werek mene nen helep eil silipnorekwe andoma pile pelaginabi lelepma nen he, an nen nane ikhi lagi mene andoma eberogo angga hak.

MAZMUR 37:32

Afuni inobabut weak hilingitarek mene andi nen it afuni higithogo hilingitarek mene andi inoasuogoluk ineil woginabik nikharek.

MAZMUR 38:12

It an narugwi mene inom, nori nagaila'lak namep mene inomen he, an noba ou welagi mene kwelaknealuk he agaiset nabi'lagwi. It nogogwi nagoromi meneba nen ogore an nagaiserogo lili'lagwiat.

1 SAMUEL 13:2

aren he, ap Israel mene inebe 3.000 nen wenagaisogo fisasikhesik he, inebe 2.000 at inom o Mikhmas daerah Betel tom oba andoma kamo isukwasik welagaukwa. A'nogo werek kwelek, ap inebe 1.000 nek he, amlogo Yonatan inom afuni Benyamin mene inaiba o Gibea lakfisasikhe. A'nogo hilingitikhesik, inebe fena minggilogo re inailokwe lombok loageluk sugulogo lakfisasikhe.

1 SAMUEL 23:28

A'nogo yagatikhemo re, at Saul a'nogo Daud murok lagu aple a'nogo herakfuluk he, it afuni Filistin mene inom weim yabigin iluk lagaikhe. Andiba re Tom andi enu minggilinafere'ma iluk Gunung Pemisahan salhukwa andi.

1 SAMUEL 26:2

A'nogo yagasi lagaukwama re at Saul a'nogo weak-weak agoromi ap Israel mene weim yafu aple inanini mene nek inebe 3.000 nen inom Daud a'nogo herasi logoin iluk o Zif omanogo wagaukwa.