1 SAMUEL 24:18 - Allah Wene Fano Wene Hupla Inane

¹⁸ A'nogo le agaikhesik, Daud mel yagatikhe: ”Hat weak hilingiti'lek meneat he, anat weak hilingitimo o.

1 SAMUEL 24:18 ပူးပေါင်းရင်းမြစ်များ

KEJADIAN 38:26

Lakfesikhemo re at Yehuda nen enegengge aremnogo hasikhesik aren ikhi logolik, ”An nen at oba ekhe hilingisu mene ekhe werek lego, he andire weak hilingiti'lek, enggere he andi an namlogo Syela inom lombot fisaba nen he,” iluk isikhesik at Yehuda he Tamar a'nogo inom ekhe sebeti'lek welagaikhe.

MAZMUR 31:8

Haren hendawi hundik hilingnafu mondok welagenma re, an nen fogerakhigik, nagaiyegetik, hilingiti lagi o. An noba enggin-fenggin hikhi lagi mene inom, nendawimo weak peakhogo hikhi lagi mene inom andoma re we Harenat futnobagakhi lagen.

AMSAL 25:22

Hit hinobabut a'nogo hilingisugun andiba it inenggali agik, nen nineisena Tuhan nen hobuk hit fanothinafik, igin werek.

1 SAMUEL 23:7

Afuni nen Saul yagati logolik, at Daud a'nogo re o Kehila werek iluk eluet fesukwama, at Saul en wenggelhikhi logolik he, ”Fano! Yogondak he at wulibigin mondok lek! At Allah nen an nenggiba asuageluk, at Daud ebe leget fak leget o kota haningisogo kwelabek meneba onggwaregen elema ke'nok i kwikhe a'li,” iluk isikhe.

1 SAMUEL 24:10

A'nogo yagatikhemo, Saul elokhe hebekhogo yetlasi wagaikhe re, at Daud a'nogo eindep awi yagaisogo Saul agaugwerati logolik mel yagatikhe: ”Afuni ekhe nen he, Daud en weagethabigiluk ili'lago, iluk ineranen wene yagaheta meneat he, eberogoat, iluk inane hesanggo holfegendik hilingiti lagen andi nenahalok?

1 SAMUEL 24:19

An nen hat hoasigiluk ikhi lagi meneat he, haren onggo fano hilingnafenma o. Tuhan nen an nebe hat henggiba fikhe meneat he, haren an nebe noati'lek herakfanhen andi nen, haren an fano hilingnafi lagen, iluk o yogondak yiba enegat aga o.

1 SAMUEL 26:23

We Tuhan nenat ap higithogo hilingitarek mene inom, it furogo hilingitarek mene inom fanot fisikhi logogin, yogondak yi sambul Tuhan nen hat neisena hebe an hamingmingengge nenggimo fikheba nen he, an hamingmingengge nen neisena raja hebe Tuhan nen wenagaisogo menhobagaikhe mene hoba weak mene ekhe hilingisigin lek iluk anggigi o.

1 SAMUEL 26:8

A'nogo nogogunem he Abisai nen Daud oba ikhi logolik he, ”Allah nen he o yogondak hup yiba hat haselei mene a'nogo henggiba arat fikhe yi. Enggere an nen we nenggi pireba lek oba nen he nenggi misigamat onggwarek arige ariba ebe talogo kweang inom hun feiyogen he, io hilingisin iluk in o,” iluk yagatikhe.