1 SAMUEL 23:6 - Allah Wene Fano Wene Hupla Inane

⁶ Nen at Abyatar ap Ahimelekh amlogo a'nogo heise Daud ambit waga logolik omanogo re aren it imam inami'mo walimo higit poti lagaikhe mene enu efod a'nogo waluk wagaikhesik he, at Daud oba o Kehila were'ma waluk wagaikhe.

1 SAMUEL 23:6 ပူးပေါင်းရင်းမြစ်များ

1RAJA-RAJA 2:26

Andi nen raja Salomo nen imam Abyatar oba ikhi logolik he, ”Hat he an neisena hinom logolik aremnogo an neisena nen enggin-fenggin hikhi lagaikhe mene omanogo harogo enegat hikhi lagagin anggigi. Nen, harenat nineisena Tuhan nen Peti Wene Warek wo'ninafikhe mene kwalegengge a'nogo halhi lagaginat anggigi. A'nogo hilingiti lagagin mo re, an nen o yogondak yi sambul hebe pinggi hoasu mene re hoati'lek herakhobagagin andi nen he, haiba hat hebe welagagin oba o Anatot omanogo lan o,” iluk yagatikhe.

1 SAMUEL 14:18

Inebe a'nogo legen, o andi sambul he ap imam Ahiya afuni Israel mene inelokhoma su ap Allah eisewerek mene nen labetarek mene enu efod andi waluk wagaikhesik were'ma at Saul en he, ”Su efod ari waluk eme o,” iluk yagatikhe.

1 SAMUEL 14:3

(Andi sambul, su enu efod ap Allah eisewerek logolik, labetarek mene a'nogo ap Ahitub amlogo enu Ahiya andi nen labe'luk lagaikhesik welagaikhe. Ahitub amlogore abo Ikabod Pinehas agailak a'nogo amlogo, nen Pinehas andi re, ap Eli Allah eisewerek o Silo welagaikhe mene a'nogo amlogo.) Nen at Yonatan andoma nen lagaikhe andi, it ap tentara mene omanogo inonggorat welagaukwa.

1 SAMUEL 22:20

We at Abyatar Ahimelekh amlogo nek he eluk wulifikhesik Daud were'ma lagaikhe.

1 SAMUEL 23:2

aren Tuhan heinok wokhikhi logolik he, ”An nen it afuni Filistin mene andi inoasi lagain fano a, lega?” iluk heinok wokhasikhemo, At Tuhan nen onggo yagati logolik he, ”Fano, haren it inoasi laga logolik he it afuni Kehila mene andi telinabi lan o,” iluk yagatikhe.

1 SAMUEL 23:5

A'nogo yagatikhemo re, at Daud inom agoromi inom o Kehila lagaukwasik o a'nogo pin kwikhi logolik he, afuni Filistin mene hokhorogo inoatukwasik it inanggo takhagarek mene mondogat telasukwa. At Daud en it afuni o kota Kehila mene a'nogo telogo fisasikhe andi.

1 SAMUEL 23:7

Afuni nen Saul yagati logolik, at Daud a'nogo re o Kehila werek iluk eluet fesukwama, at Saul en wenggelhikhi logolik he, ”Fano! Yogondak he at wulibigin mondok lek! At Allah nen an nenggiba asuageluk, at Daud ebe leget fak leget o kota haningisogo kwelabek meneba onggwaregen elema ke'nok i kwikhe a'li,” iluk isikhe.

1 SAMUEL 23:9

Oba nen he at Saul en Daud oba a'mage fesikhesik hilingisigin iluk wenggelhikhe mene a'nogore at Daud mondogat elu agaikhe. Andi nen he aren imam Abyatar a'nogo yagati logolik, ”No efod ari waluk eme o,” iluk yagatikhe.

1 SAMUEL 30:7

A'nogo hilingitu logolik at Daud en ap imam Ahimelekh amlogo Abyatar a'nogoba ikhi logolik he, ”Efod andi waluk eme o!” iluk yagatikhe. A'nogo yagatikhemo at Abyatar en efod a'nogo waluk wogosi wagaikhe.