1 SAMUEL 23:4 - Allah Wene Fano Wene Hupla Inane

⁴ Andiba re at Daud en ekhe inom Tuhan nen yi'nogo hilingisin iluk yaganesuageluk he kinotikhemo, At Tuhan nen onggo yagati logolik he, ”Hendawinggen fitun o, it Filisitin inap sikhe fisogo mene andoma re An nen hat henggiba fagain enggere o kota Kehila andi kwi lambik inoasi lan o,” iluk yagatikhe.

1 SAMUEL 23:4 ပူးပေါင်းရင်းမြစ်များ

2 SAMUEL 2:1

At Daud le wuni a'nogo arat isikhesik, Tuhan oba mel yagatikhe, ”Neisena, hat endawimo nen he, at Daud en afuni Yehuda mene o kota ekhe ferinarek logouwagen loak, iluk anggegen halok he layoga?” iluk heinok wokhasikhemo, At Tuhan nen he, ”Fano, lano o,” iluk yagatikhemo, at Daud en he, ”O kota ki layok?” iluk heinok wokhasikhemo, Tuhan nen he, ”O kota Hebron lan o,” iluk yagatikhe.

2 SAMUEL 5:19

Werek kwelek, at Daud en eisena Tuhan oba mel yagatikhe: ”An nen ap Filistin mene andi inoasi lagain anggegen a? Haren he, an nen it inoasuagaluk nenggiba fagain a? Lega,” iluk heinok wokhasikhemo, Aren he, ”Inoasi lan o. An nen it inebe henggiba fagain o,” iluk yagatikhe.

2 RAJA-RAJA 3:18

A'nogo isikhesik at Elisa nen ane ekhe inom ikhi logolik, ”A'nogo oba nen wene andem Tuhan nen he we endep wene hangge hilingik. Aren he it ap Moab inap andiba nen hit hinebikhit hinomamet hinobaigiluk werego.

1 TAWARIKH 14:10

A'nogo hilingita ugunem at Daud esanggo holhikhesik he, at Daud en Allah ba heinok wokhikhi logolik he, ”Tuhan neisena, an nen ap Filistin inap andi re inoasi lagain fano a? Nen neisena Haren an nomamet nobagagin a, lega?” iluk heinok wokhasikhe. Heinok wokhasikhemo re Tuhan nen onggo ikhi logolik he, ”An nen hat hoba homame asuageluk wokhesigin o,” iluk yagatikhe.

YOSUA 8:7

A'nogo hilingitu kwelek andem hit hinebe salek logogun engge a'nogo wulifi logolik he o kota andi sebeli kwino. Hineisena Tuhan Allah nen hit hinenggiba arat waganogo fikhemo werek enggere.

HAKIM–HAKIM 6:39

A'nogo keralogo fesikhesik Allah oba ikhi logolik he, ”Tuhan neisena, an nen wene hobuk ekhe yagaheti lagimo wena'nesu fuk neisena. An nendawinggen wenggelogo re domba esi yiba hobuk walhagain, a'nogo walhugunemen domba esi palek mene yiba lilengge nen kulu lagalhi'lek tombonse'ma nen kweang enek minsek halok he, an nen fut fagain o,” iluk yagatikhe.

HAKIM–HAKIM 7:7

A'nogo hilinglagaikhemo, Tuhan nen Gideon mel yagatikhe, ”Ap inebe 300 mene i inenggi nen yalelhigik nengga mene yiba nen, An nen hat fikhalogo hobagaluk, afuni Midian mene andi re hat henggiba fagain o. Ma re, ap fenakwe yoma re inambotkwe inaiba lombok loagen, lakfisan o,” iluk yagatikhe.

HAKIM–HAKIM 7:9

A'nogo lakfisa wagaikhesik, nogo ugunem hubanggo Tuhan nen Gideon mel yagatikhe, ”Gideon. Hebe siakhogo menla'luk he, afuni Midian mene inawi tenda wuri'mo inoba wulibinogen, pin o. Pegen halok he, An nen afuni Midian mene andi hat henggiba fagain o.

1 SAMUEL 10:22

A'nogo legen he, it afuni omanogo nen nineisena Tuhan mel yagatukwa: ”Nineisena, ap Haren wenaten mene andi ebe yoma werega? Lega,” iluk heinok wokhasukwama aren he, ”At Saul ebere sunggwe andogorogo fegep oba ambotma andoma hinago werek a'naga o,” iluk yagaisasikhe.

1 SAMUEL 23:2

aren Tuhan heinok wokhikhi logolik he, ”An nen it afuni Filistin mene andi inoasi lagain fano a, lega?” iluk heinok wokhasikhemo, At Tuhan nen onggo yagati logolik he, ”Fano, haren it inoasi laga logolik he it afuni Kehila mene andi telinabi lan o,” iluk yagatikhe.

1 SAMUEL 23:3

Oba nen he it Daud agoromi inom welagaukwa mene omanogo nen ikhi logolik he, ”Nit o Yehuda yomaba mene ogore mondogat ninailo nen hilingiti lago, nen niren ap tentara Filistin mene were'ma o Kehila inoasi logoin iluk logoin oba andoma re ebenagaik,” iluk yagatukwa.

1 SAMUEL 23:5

A'nogo yagatikhemo re, at Daud inom agoromi inom o Kehila lagaukwasik o a'nogo pin kwikhi logolik he, afuni Filistin mene hokhorogo inoatukwasik it inanggo takhagarek mene mondogat telasukwa. At Daud en it afuni o kota Kehila mene a'nogo telogo fisasikhe andi.

1 SAMUEL 28:6

A'nogo ailo agaikhesik, Tuhan nen, ”Yi'nogo hilingi'no,” iluk yaganesuageluk he, abiba ogo, oagengge hukhagarek mene enu Urim, Tumim oba ogo, athe, ap Allah ane yagaisagarek mene inoba ogo, ekhe yaganesugun hea iluk kino yagatikhe mene re, at Allah nen onggo yagati'lek kamo isikhe.

1 SAMUEL 30:8

Wogosi wagaikhemo at Daud en Tuhan oba heinok wokhikhi logolik he, ”Afuni weagerinafarek mene o yoma pin kwi wagaikha o, andi re an nen muginarek layoga, lega? Nen, an nen it inombo'ne lamo eloga lega?” iluk heinok wokhasikhe. A'nogo heinok wokhasikhemo Tuhan nen onggo yagati logolik he, ”I o, Haren he it muginarek lambik he ap hele warogo woginarek lili'lagwi mene andoma fikhalogo wulak fisa lan o,” iluk yagatikhe.