1 SAMUEL 23:26 - Allah Wene Fano Wene Hupla Inane

²⁶ A'nogo murok lagunem at Daud agoromi tentara inom tom alilu fena fikhit lagu kwelek he, at Saul agoromi inom tom abel fena fikhit nikhi lagaukwa. At Saul agoromi inom a'nogo nen Daud lak a'nogo hukhogo kwelakfisasukwasik fakfisogoin horogat aga lagaikhemo re, at Daud a'nogo weak-weagat Saul elokhoma nen polokhogo heise wulibi lagain iluk hilingitikhe.

1 SAMUEL 23:26 ပူးပေါင်းရင်းမြစ်များ

2 SAMUEL 15:14

A'nogo yagatikhemo, at Daud en he agoromi kaindek o Yerusalem inom welagaukwa mene mondogat mel yagaisasikhe: ”At Absalom enggi welagi'legat weak-weak wesimbik nit ninebe ninoasinogoluk he, heise o ale'ma louwogo. Nit oan lagunem mu'ninarek laga-logolik mabenet ninobagambik he, afuni o kota yoma werek mene inebe felelenghogo inoasinogo o,” iluk yagaisasikhe.

2 TAWARIKH 20:12

Nineisena Allah re, we Hat hamuat! Nit he niren hilingisu elo'lek mene nek agama re, Haren lebe'nisan iluk Hat hambit wagoma re, niren ap tentara hokho-pokhorogo andoma nen nit noasuogeluk hilingitunem nit he ninomame legen he, haren it unggum wogisan,” iluk samban isikhe.

MAZMUR 17:11

an noasuogeluk we'luk haningisogo kwelaknobagaluk he, ka nen wasuok iluk ineilenggen wo'nabi weri'lagwi o.

MAZMUR 17:9

An he it naselei mene omanogo nen noasuogeluk haningisogo kwelaknabi weri'lagwi o.

MAZMUR 22:12

An weaget nabugun mene horogat asi wagaikhama re, telnabugun mene ekhe werek lek andi nen, Hat he hera'nobagaluk yatma lagun o.

MAZMUR 22:16

Nalonggop elema re iwak halongorek mene hakhogo mondogat kelok ikhe, namelinggen he nelanglang oba te'me ikhe. Neisena Tuhan an he afuni warek mene hakhogo re, ologoilong engge amboloba nobagegenma welagi o.

MAZMUR 31:22

Tuhan andiat fogerasuok! An haningisogo kwelaknobagaluk noasuogeluk kwi wagunem At Tuhan nen endawi hundik hilingnabi'lago mene andi faget he, an nen fogerati lagi o.

2 KORINTUS 1:8

Nerugwi nagaila'lak. Nit o propinsi Asia a'lima nen yi enggin ti enggin hilingninafi lagaukwa mene andi hinonggot logoinogoluk yagahisak. A'nogo hilingninafi logolik, enggin mondok hokho niren hilingisu elo'lek mene ninoba fesukwama, ”Nit nineluk logogun lek higi,” iluk ninendawinggen na lagaikhe.

WAHYU 20:9

A'nogo andogotasik, afuni Allah againafuri o kota Allah awi sili endawinggen hundik mene a'nogo esa folhasik were'ma o larogo inebe inoasuogeluk o peterogo kwi wesuogeluk ugunem he, endu pogoroba nen pi waga logolik, inebe hali luphogo ninggi laga isigi.

HAKIM–HAKIM 16:2

A'nogo hilingitikhemo afuni nen he, Simson o andoma werek ugunem afuni o Gaza mene nen inesanggo holhukwasik he o andoma lagaukwasik at ebe wulibinogo iluk o kota leget waganek mene kwe ambe palek oba nen kwi lagaikharek oba andoma hup hundik kagalek welagaukwa. A'nogo logolik inendawimo nen he, ”O mo kwelabi wagu kwelek Simson ebe wasugun,” iluk anggasukwasik he, hup andi sambul iren yi'nogo ti'nogo ekhe hilingiti legengge welagaukwa.

1 SAMUEL 19:12

A'nogo yagatikhesik, Daud ebe jendela folelekwe nen pelakfesikhemo re, heise lagaikhe.

1 SAMUEL 20:38

Andi nen he, andem aninurogo mendek werek lek. Weak-weak wani lan,” iluk yagatikhemo, tok a'nogo wani lagaikhesik he, oe oba waluk wagaikhe.

1 SAMUEL 23:25

A'nogo were'ma at Saul agoromi sikhe fisogo mene inom Daud herasi wagaukwa ba nen he, afuni at Daud eluet fesukwama at Daud ebe o Maon leimo nen helep eilmo andoma lagaikhesik welagaikhe. Andoma were'ma at Saul a'nogo elu agaikhesik he at Daud a'nogo murok weak-weagat lagaikhe.

1 SAMUEL 23:27

Aremnogoat he, ferekhogo ap ekhe yonggo at Saul era'lu menlasi wagaikhesik yagati logolik, ”Afuni Filistin mene re nit ninawi mondogat hukhogo kwelakfagasik werek enggere, neisana hat he hambotkwe weak-weak sugulogo louwogo,” iluk yagatikhe.