1 SAMUEL 23:25 - Allah Wene Fano Wene Hupla Inane

²⁵ A'nogo were'ma at Saul agoromi sikhe fisogo mene inom Daud herasi wagaukwa ba nen he, afuni at Daud eluet fesukwama at Daud ebe o Maon leimo nen helep eilmo andoma lagaikhesik welagaikhe. Andoma were'ma at Saul a'nogo elu agaikhesik he at Daud a'nogo murok weak-weagat lagaikhe.

1 SAMUEL 23:25 ပူးပေါင်းရင်းမြစ်များ

2 SAMUEL 22:2

”Tuhan neisena, an nen Hat hoba nendawi hundik mondok welagirek andi nen he, an nomame re Hat hebeat welagen o.

HAKIM–HAKIM 15:8

A'nogo yagaisasikhesik, hobuk a'mageba it afuni Filisitin mene inoasigiluk lagaikhesik inebe hokhorogo inoatikhe. A'nogo inoa'luk, at ebe punu enu Etam oba andoma wagaikhesik oumo hinago welagaikhe.

1 SAMUEL 23:24

A'nogo yagaisasikhemo re, it ap wagaukwa inap omanogo Saul herakfuluk inambotkwe inaiba o Sif lagaukwa. Andem sambul at Daud agoromi inom he o Maon leimo o Yehuda nen abel a'ma fikhit erang tonggoma andoma werek kwelek hilingitukwa.

1 SAMUEL 23:26

A'nogo murok lagunem at Daud agoromi tentara inom tom alilu fena fikhit lagu kwelek he, at Saul agoromi inom tom abel fena fikhit nikhi lagaukwa. At Saul agoromi inom a'nogo nen Daud lak a'nogo hukhogo kwelakfisasukwasik fakfisogoin horogat aga lagaikhemo re, at Daud a'nogo weak-weagat Saul elokhoma nen polokhogo heise wulibi lagain iluk hilingitikhe.

1 SAMUEL 23:28

A'nogo yagatikhemo re, at Saul a'nogo Daud murok lagu aple a'nogo herakfuluk he, it afuni Filistin mene inom weim yabigin iluk lagaikhe. Andiba re Tom andi enu minggilinafere'ma iluk Gunung Pemisahan salhukwa andi.