1 SAMUEL 23:24 - Allah Wene Fano Wene Hupla Inane

²⁴ A'nogo yagaisasikhemo re, it ap wagaukwa inap omanogo Saul herakfuluk inambotkwe inaiba o Sif lagaukwa. Andem sambul at Daud agoromi inom he o Maon leimo o Yehuda nen abel a'ma fikhit erang tonggoma andoma werek kwelek hilingitukwa.

1 SAMUEL 23:24 ပူးပေါင်းရင်းမြစ်များ

YOSUA 15:55

Andi nen kota 10 nen yi re, o sili era'lukwe maserogo werek mene inom andem enu re: O Maon, Karmel, Zif, Yuta, Yizreel, Yokdeam, Zanoah, Kain, Gibea, Timna inom.

1 SAMUEL 23:23

Lambik he at ebe hinago welaga kwe helep elekwe andoma fanorogo hera'luk he, nekhengge an noba yi'nogo hilingik iluk yaganesi we'no. A'nogo yaganesi wagep halok enek he an nebe hit ninom seberogo logoin o, lambik he o Yehuda ba andoma ilak-pulakhogo hilingfikhi logolik mene ogore, at ebe o kweang andiba werek halok he ibi-eberogo nenat an nen herasigin o!” iluk yagaisasikhe.

1 SAMUEL 23:25

A'nogo were'ma at Saul agoromi sikhe fisogo mene inom Daud herasi wagaukwa ba nen he, afuni at Daud eluet fesukwama at Daud ebe o Maon leimo nen helep eilmo andoma lagaikhesik welagaikhe. Andoma were'ma at Saul a'nogo elu agaikhesik he at Daud a'nogo murok weak-weagat lagaikhe.

1 SAMUEL 25:2

At omanogo lagunemen he o kota Maon omanogo re ap misik ekhe enu Nabal hun Kaleb ambisangma mene nen tagongge mene welagaikhe. Hun andi re aren anggo takhuguba faget he kweang o Karmel horokhogo andoma welagaikhe. At ebere enggi werek agun logolik anggo domba re 3.000 nen welagaikhe. Nen anggo kambing he 1.000 nen welagaikhe. At agwe Abigail andi re mondok hebelek logolik he, ebe ogo mondok fano welagaikhe. Oba nen he at agun Nabal andi re obabut mondok haferek logolik mondok weak mene nek hilingiti lagaikhe. Linggene misik sambul he at Nabal a'nogo o Karmel andoma anggo domba esi palhi lagaikhe.