1 SAMUEL 23:20 - Allah Wene Fano Wene Hupla Inane

²⁰ Nineisena haren at ebe sene'le iluk hilingiti lagen mene andi re, nit mondogat ninelu o. Enggere neisena henu werek haren ferekhogo senesu aple andi re niren hikhi lagoma re hilingisu elok enggere, nit ninaiba andoma we'no o,” iluk yagatukwa.

1 SAMUEL 23:20 ပူးပေါင်းရင်းမြစ်များ

2 SAMUEL 3:21

A'nogo isaginafikhemo nasukwasik he at Abner a'nogo wulibi lageluk yi'nogo yagatikhe, ”An nen afuni Israel mene mondogat noe hat inom sebesuakhogo re yagaisilik lagain o. A'nogo sebesimbik he iren hat noe hebe raja mendek logoinogoluk wokhabik lagunem he, noe haren hendawimo anggikhi lagen mene o kweangma yoma halinafi logoinogen he, lan iluk yaganom o,” isikhemo, at Daud en Abner a'nogoba re, ”Hendawinggen serogo selekhogoat lan o,” luk yagatikhemo lagaikhe.

MAZMUR 112:10

Ap weak hilingitarek mene nen ineilenggen haluk he ina'mage lagaluk, ina'makwe heren inaik kilit mati logogun. A'nogo hilingiti la'luk it inebe legasi logoin, iren inendawimo eberek logogun mene omanogo re mondok-mondogat legasi lagain.

MAZMUR 54:3

Neisena Allah, Hat homameba an nagap telnabin o, nen Hat hareagun lebetnikhi lagen mene andiba re an nawene katokhogo palnabin o.

AMSAL 11:23

Afuni fano hilingitarek mene nen inendawimo anggagarek mene andi re ambisangma fano mene nek hilinglagarek, oba nen afuni ina'mage weak mene nen he wene palharek mene andi nek eberek werek.

AMSAL 24:15

Ap weak mene nen ap higithogo hilingiterek mene inangge teligik nen inailokwe hinasi kuogeluk inane misik matarek mene andi hinom kam wasu fuk.

AMSAL 29:26

Ap hokhorogo nen it inomame werek mene nen lebetnisoageluk inelokhe helaluk lagaikharek, oba nen ebe tiphogopilingiterek mene re we Tuhan amuat werek.

ULANGAN 18:6

Hit afuni Israel mene logogun oba o kota andoma nen ekhe ap Lewi mene misik ekhe obalik At Tuhan nen wenagaisogo fikheba omanogo we'luk logogin anggikhe halok he,

1 SAMUEL 23:21

A'nogo yagatukwama at Saul en onggo yagaisikhi logolik he, ”Hiren an nobaget fano mene hilingitep andi nen he, At Tuhan nen enek fanot hinafi logouwak!