1 SAMUEL 23:16 - Allah Wene Fano Wene Hupla Inane

¹⁶ A'nogo were'ma at Yonatan nen Daud faget heisena Allah nen fetharek werego iluk endawimo ago watfeigiluk he emberek ambi asuogeluk lagaikhe.

1 SAMUEL 23:16 ပူးပေါင်းရင်းမြစ်များ

NEHEMIA 2:18

A'nogo yagaisasigisik, Allah nen an lebetneasikhemo, ap raja Artahsasta nen yaganetikhe mene omanogo yagaisasigi. A'nogo yagaisasigimo, iren he, ”Fano, wusuogen he, ero fakfouwogo,” iluk isukwasik yabu ebe fakfouwogeluk yi mene ti mene mondok tik-tukhogo fesukwa.

AYUB 16:5

Nawene komo mene yi'nogo ino, ti'nogo ino, iluk yagahisuguba re hit hinendawimo hambuget hinobagagik, hinendawimo konogo hilinghinobagagik, hilingiti logoile aro.

AMSAL 27:17

No posiemanggen ekhe nen ekhe enggat kabelherek hak, afuni nen ogo inagaila'lak ekhe inom inendawinggen kabel-kabel ikhi logogun fano.

AMSAL 27:9

Amusu amben mene inom, amben-ambenengge inebene watarek mene omanogo inomen inendawimo healherek hak he, inagaila'lagen fanorogo hilingfisagarek mene andi re inendawimo inagaiyek mondok agarek.

YEHEZKIEL 13:22

Ap fano hilingitarek mene omanogore An nen inendawimo ou asu mene ekhe hilinginafi lagi lek oba nen hiren lalinafi lagep oba inendawinggen lebeleget fisikhi lagep. Nen ap weak hiligiri'lagwi mene re inendawimo hokhorogo ekhe inom weak hilingiti logouwak nen it inagap telasugun hanogo iluk hilinginafi lagep.

LUKAS 22:32

hat hendawinggen noba himbiret fuluk welagen mene andi maben asinogo iluk he, hat faget an Allah ayonggo arat figimo o. Hafe hebelagen halok he, hagaila'lak yoma haren inendawinggen ago watfisikhi logoino,” iluk yagatikhe.

LUKAS 22:43

[it malaikat Allah nen yonggo lakfisikherek mene ekhe pogoroba nen oba pi wagaikhesik he, endawinggen ago watfesikhe.

EFESUS 6:10

Wurep oba re, wene yi yagahisak. Hineisena Tuhan hinom hundik logolik he, at omame hokho a'nogoba, hinomame hilingla'luk logoino.

ULANGAN 3:28

O hat heilenggen yethagain oba andoma sebeli kuagen he at Yosua nen woginarek kwi lagain enggere, yi'nogo ti'nogo hilingiti logogin iluk at oba fifurogo yanggul figik, endawinggen hambuget figik, hilingi'no,’ iluk yaganetikhe.

2 TIMOTIUS 2:1

Timotius namlogo e. Nit Kristus Yesus ninom hundik were'ma, Allah obabut fano nen wo'nisikherek mene andiba hendawinggen wurikhogo logoino.

1 SAMUEL 23:15

Ariginik oba nen he at Saul en Daud wasigin iluk hilingiti lagaikhe andi nen he at Daud ogo ailo welagaikheat. Inenggi ekhe sambul he at Daud a'nogo re o Hores Sif leimo andoma welagaikhe.

1 SAMUEL 30:6

At Daud agoromi omanogo re ninagagwi, ninagainafuri nalagaikhama iluk he inendawinggen heiselhi lagaukwa. Andiba re iren at Daud huk helep wasugun iluk hilingiti lagaukwa. A'nogo hilingitunem Daud oba enggin-fenggin mondok hokhorogo hikhi lagaikheba nen he, at endawinggen eisena Tuhan Allah nen omamet fikhi lagaikhe.