1 SAMUEL 23:14 - Allah Wene Fano Wene Hupla Inane

¹⁴ A'nogo lagaikhesik at Daud a'nogore Tom oba o Sif leimo helep elema andoma welagaikhe. At ebe Saul en sirok-murok nikhi lagaikheba nen he Allah nen raja andi enggiba fikhi lagaikhe lek.

1 SAMUEL 23:14 ပူးပေါင်းရင်းမြစ်များ

2 TAWARIKH 11:8

Gat inom, Mares inom, Zif inom,

MAZMUR 32:7

An nebe hinak lagirek oba re, hat hebe aro. An weak were'ma re, telnafendek andi nen, nane hokhorogo hai wathafi lagi o.

MAZMUR 55:7

We, an nebe yi sue pel hak logolik nagerabul wilibik logoumo nen he, tarogo yi wene ti wene mondok le'ma andoma lelesik nabolo'lek logoile agwi.

AMSAL 1:16

It he weak hilingiti'legengge yamukhogo logou re inabit. Iren anggagarek he weak-weak ferekhogo nek inoa'lo anggagarek.

AMSAL 21:30

Inelu agarek mene inom, inungguloak kagalek mene inom, inobabut hebelek mene inom, andoma re Tuhan inom eilhogo logogun halok he andoma ekhe logogin mondok lek.

AMSAL 4:16

It ap inobabut weak mene andi re iren weak ekhe hilingiti'lek halok he, hup nogo u lek hak. Iren ap amu mene ekhe weagerinafi'lek halok he, nogo ineil agarek lek.

YEREMIA 36:26

A'nogo hilingiti'legengge nen he raja nen at amlogo Yerahmeel a'nogo inom, Seraya hun Azriel amlogo a'nogo inom, Selemya hun Abdeel amlogo a'nogo inomen he an inom Barukh an faget lisu pali'lago mene a'nogo inom fa'ninobagauwageluk miminginafe. Oba nen he Tuhan nen nit ninebe hinakninobagaikhe.

ROMA 8:31

Wene mondogat andi faget, niren ninggi'nogo ugun. Allah nit werekwe aga halok, sa nen lebeleget ninabigin nogo? Elo'lego.

2 TIMOTIUS 3:11

Afuni nen yi enggin ti enggin hilingnafunem, noba enggin weak higirek a'nogo helu aro. Afuni o Antiokhia nen, Ikonium en, Listra nen, weagetnafu kwelegat were'ma, ninoe Enupogoren enggi ekhe kamo igi'lek telnafi lagaikhe andi.

YOSUA 15:55

Andi nen kota 10 nen yi re, o sili era'lukwe maserogo werek mene inom andem enu re: O Maon, Karmel, Zif, Yuta, Yizreel, Yokdeam, Zanoah, Kain, Gibea, Timna inom.

1 SAMUEL 23:15

Ariginik oba nen he at Saul en Daud wasigin iluk hilingiti lagaikhe andi nen he at Daud ogo ailo welagaikheat. Inenggi ekhe sambul he at Daud a'nogo re o Hores Sif leimo andoma welagaikhe.

1 SAMUEL 23:7

Afuni nen Saul yagati logolik, at Daud a'nogo re o Kehila werek iluk eluet fesukwama, at Saul en wenggelhikhi logolik he, ”Fano! Yogondak he at wulibigin mondok lek! At Allah nen an nenggiba asuageluk, at Daud ebe leget fak leget o kota haningisogo kwelabek meneba onggwaregen elema ke'nok i kwikhe a'li,” iluk isikhe.

1 SAMUEL 24:11

Yogondak he oumo andi nen hat honggwaregen enegat hegen andi. Tuhan nen he noe hat hebe an hamingmingengge nenggiba arat wo'nete o. Nen an hamingmingengge nagoromi ekhe nen he, Wasin, iluk nendawimo kagalha mene re, Wasugun lego, iluk mel yagaisigi: An nen he noe raja Tuhan nenat wenagaisogo menfikhemo re, an nen at ebe wasigin mondok lego, iluk yagaisigi andi.

1 SAMUEL 27:1

At Daud a'nogo laga logolik he, endawimo yi'nogo wenggelik lagaikhe, ”Andem a'nogo ogoba nen he hilingik kwelek at Saul en an nebe noasu hak. Nen, an nen amurogo hilingisu mene ekhe werek legat, we it afuni Filistin inaiba andoma wulibi layok. A'nogo hilingisigin andiba re at Saul en an it afuni Israel mene were'ma andoma ekhe hira'nabik lagain lek, nen an ogo andoma nailo legengge fano logogin,” iluk wenggelhikhe.