1 SAMUEL 22:23 - Allah Wene Fano Wene Hupla Inane

²³ Hat hebe nek he an ninom logouwogo, nen hendawimo hailo asu fuk. At Saul en hat hoasigiluk hilingiri'lago andi re, an ogore noasigin iluk hilingirik nikho aro. Enggere hat he an welagiba yoma hailo legengge logoin o,” iluk yagatikhe.

1 SAMUEL 22:23 ပူးပေါင်းရင်းမြစ်များ

2 SAMUEL 9:7

A'nogo yagatikhemo, at Daud en he, ”Hailo agun o. Heisena Yonatan alisikhogo, an nen hat nendawithabimbik he, kweang homba Saul eise welagaikhe mene mondogat ambotkwe hat wokhesimbik he, hat hebe nek he, hamburu an naiba ninom nunggu mondok logogin o,” iluk yagatikhe.

1RAJA-RAJA 1:7

A'nogo fisasikhesik, aren hun Yoab, agaisa he enu Zeruya eak andi inom, ap Allah eisewerek Abyatar inom, wenenggak senggekhogo uogoluk inoba lagaikhe. A'nogo lagaikhemo, at Yoab inom, Allah eisewerek Abyatar inomen he, ”Elogat egen, nit lebetheogoin o,” iluk yagatukwa.

1RAJA-RAJA 2:26

Andi nen raja Salomo nen imam Abyatar oba ikhi logolik he, ”Hat he an neisena hinom logolik aremnogo an neisena nen enggin-fenggin hikhi lagaikhe mene omanogo harogo enegat hikhi lagagin anggigi. Nen, harenat nineisena Tuhan nen Peti Wene Warek wo'ninafikhe mene kwalegengge a'nogo halhi lagaginat anggigi. A'nogo hilingiti lagagin mo re, an nen o yogondak yi sambul hebe pinggi hoasu mene re hoati'lek herakhobagagin andi nen he, haiba hat hebe welagagin oba o Anatot omanogo lan o,” iluk yagatikhe.

MATIUS 24:9

Andi sambul he, afuni inunggulenu lombogen, an nenu iluk, ”Hit he, at agoromi,” iluk hinebe inabit mondok hilinghinabimbik he, hinebe fakhinobagaluk, it ekhe nen yei hinoatik, hinebe pinggi hinoatik, uageluk inoba wokhinarek laga logogun o.

YOHANES 15:20

Nen, ap kain ekhe inawe a'ma hak werek kwelek, at amingmingengge mene esin hak welagarek lego, iluk yagahisasigi a'nogo hinendawimo ebe'ni o. Iren an weagetnafa halok he, hit a'nogoat weaget hinabugun aro. Nen iren an nane hologo hilingita halok he, hit hinane hologo hilingisugun aro.

YOHANES 17:12

An it ninom yoma logolik he, it inebe longgoinogo iluk, hat henu mene an salnafigin a'nogoba, ferinarek were'ma, it ekhe longgo igi'lego. We, at andi longgo igin, iluk, hat hane isigin mene lisu palogo fesukwa mene a'nogo ebe asuageluk, longgo u hagat longgo ikhe.

YOHANES 18:9

A'nogo yagaisasikhe andi re, oan hilinglagi'lek werek kwelek fageat, at Yesus nen Allah yagati logolik he: ”Allah neisena, afuni haren wo'netigin mene omanogo ekhe longgo igi'lego,” iluk isikhe mene a'nogo ane ebe asuageluk a'nogo yagaisasikhe andi.

1 SAMUEL 23:17

Lagaikhesik he at Yonatan nen Daud oba ikhi logolik he, ”Hailo agun o, hat hebere an neisena enggiba re asigin lego. Aren hilingiri'lago andi re hat raja Israel inap faget menlasumo re, an he yabu hat ha'ma wanimbik hilingiti logogin mene a'nogo at neisena re eberogo elu logolik hilingiri'lago o,” iluk yagatikhe.