1 SAMUEL 22:18 - Allah Wene Fano Wene Hupla Inane

¹⁸ Andiba re, Saul en hun Doeg oba yagati logolik he, ”Weak-weak haren it inoasin!” iluk yagatikhemo, at Doeg a'nogo weak-weak siakhogo menla'luk laga logolik he, it imam omanogo mondogat inoatikhe. Linggene andi sambul he aren it imam mene inami'mo walimo hak mene enu efod elok isu hak mene inebe lambulogore 85 nen inoatikhe.

1 SAMUEL 22:18 ပူးပေါင်းရင်းမြစ်များ

2 TAWARIKH 24:21

A'nogo yagaisasikhe oba nen he, raja Yoas a'nogo it afuni holhu mene inom, wene misik seberogo makfesukwasik he, at Zakharia ane a'nogo puliarogo fesukwa. A'nogo hilingitukwasik he, at Zakharia eisena Yoyada nen hilingiti lagaikhe mene inom, aren ekhe mene ekhe mene kamo igi'lek hilingiti lagaikhe mene inom omanogo wenggel higi'legengge at raja nen he Zakharia a'nogo ebe wa'ni iluk yagaisasikhemo re, at Zakharia a'nogo o Tuhan Awi wuri'mo nen ambe kabukhogo tale'ma omanogo nen helep oba fukfugenggerogo pinggi watukwa. A'nogo watfesukwama, aremnogo ebe wa'lasigiluk logolik he, at Zakharia ane yi'nogo isikhe, ”Haren hilingiten mene yi re, At Tuhan amu nen enek eilenggen hikhemo re, aren enek hat henggi ambisangma hilinghobagauwak!” iluk yagatikhe.

MAZMUR 78:64

It inogogwi imam omanogo re karok oba mondogat inoatukwama re, it mene inagawi sogwe omanogo nen it inobaget le asu re, elo'lek hilingik welagaikhe.

KELUARAN 28:40

It Harun amlogomi andoma ogo inalonghogo hilingik logouwageluk he, it inobaget su kemeja inom, inalinggin inom, inunggulmo puksek mene inom, igisogoinat.

AMSAL 24:15

Ap weak mene nen ap higithogo hilingiterek mene inangge teligik nen inailokwe hinasi kuogeluk inane misik matarek mene andi hinom kam wasu fuk.

HOSEA 5:11

Hit afuni Israel mene nen it ekhe telhinabu lek meneat he telhinabuageluk ninghogo inayonggo fikhi lagep andi nen he, it ekhe nen wene hinoba fagasik weagethinafi logolik hinawi mondogat sebelaga andi.

HOSEA 7:3

Tuhan ane ikhi logolik he, ”Afuni holhu mene nen ineranhogo wene lalhigik raja inom at agoromi at a'ma yabu hilingiri'lagwi mene inom inendawimo inagaiyeget fisogoin iluk hilingiti logolik inobabut hafeba hilingiri'lagwi andi.

MIKHA 6:16

Andoma mondogat a'nogo nek hikhi logogun andi re, hiren hun raja Omri inom, at amlogo raja Ahab inomen inobabut mondok weak hilingiti lagaukwa mene omanogo ilirenggerogo nek hilingiti lagep. Nen, ekhe re iren hilingiri'lagwi mene omanogo hiren ogo hilingiti lagebat. Andiba re, An nen hit hinebe mondogat weagerogo hinobagaumo re, yi afuni ti afuni inunggulenu lombogen piliphogo pelakhinafi logolik hinebe weaget hinobagakhi logogun o,” iluk yagaisasikhe.

ZEFANYA 3:3

It ap o andiba yi kain ti kain werek mene re mene singa ngin eterek hak hilingitarek inap werek. Nen, it ap Hakim wene higithogo tegetarek inap andoma re no serigala nen nunggu mene nele welerogo logolik hilingiterek hak, iren oak misik iluk ogo hobit nunggu mene iluk ekhe fagarek lek.

1 SAMUEL 2:18

It a'nogo hilingitu kwelek, at Samuel ebe oan yenggeregat logolik, nineisena Tuhan faget hilingitu welagaikhe. A'nogo hilingiti logolik, asu pisarek yo linen meneba kwago mene ap imam Allah faget hilingisuogeluk labetarek higithogoat laberogo hilingiti lagaikhe.

1 SAMUEL 2:28

Nen, afuni inunggulenu Israel mene mondogat inanggele'ma nen hat homba andi againafuri inom wenaginafigimo, inebe An eisewerek logolik, wam yi mene ti mene nolneti logogun oba yabu hilingitik, amben fano mene nolnetik, ikhi logolik, An ninom weneane uogoluk halok inunggulkwe efod su mene pukhogo nen igik, ikhi logouwageluk, inayonggo fesigi andi. A'nogo inayonggo fesigisi'mo re, it inebe inom, iren tagomangge mene inom. wam yi mene ti mene nolneti logolik, fenakwe it helikhi logouwageluk eisewerek fisasigi andi.

1 SAMUEL 2:36

A'nogo fisugunem, hat hagainafuri ineluk herakfisagain mene andi inebe lombok, uang inom, sumburu inom, it ap An eisewerek mene andi nen wogisikhi logouwageluk kino inoba laluk he, mel yagaisikhi logogun: Sumburu, we endebat wo'nesugun mene faget hit yabu hilingitunem lebethisagain o, iluk kino yagaisikhi logogun o, iluk ikhe,” iluk yagatikhe.